طاروف
13-11-2022 - 10:54 am
صباح الخير عليكم اخواني الاعضاء .اولا الحمدلله على سلامتي وقرت عينكم فيني ... مرة مبسوط بروحي . الحمدلله توني جاي من اندزنيسيا والوصول لمطار الملك فهد بالدمام يوم الخميس الساعه 10.30 مساءا على طيران الاتحاد . وبصراحه البلد صعبه ..... اي نعم صعبه ... اقول لكم شلون صعبه . صعبه انك ترجع من بلد وانت ماتعرضت لنصبه او اهانه او تقليل مقدار مثل ما تلاقيه في بلدان اخوانا العرب ومن المطار بعد بستقبلك بالاهانه وتقليل المقدار وكله نتيجة الحقد والحسد . المهم اندونيسيا صعبه في انك توصفها وتوصف شعبها ... ياجماعه انا ما ابالغ ولاني متخرع تراها ثاني زياره لي لها البلد الطيب . الشعب ودود والقوانين والاننظمه سلسه والبلد اسلامي من الدرجه الاولى والمهم من هذا كله اي واحد تشوفه قدامك مبتسم شعب مبتسم من الدرجه الاولى يمكن لو تلباقي لك ميت الله يطول اعماركم يمكن تلاقيه يبتسم .هذا اكبر خاصيه للبلد انها تعطيك الراحه والاستجمام في اي مكان في اراضيها . ما اطول عليكم البلد حلوه بكل المقاييس وشهادتي فيها مجروحه ... ان شاء الله اول فرصه قريبه راح اهديكم تقرير مصور يعجبكم . المهم حبيت انوه عن شقق فندقيه ما لقيت لها طاري بالمنتدى قبل اسافر وحتى يوم جيت بصراحه روعه وموقعها اروع وخدمتها فل اوبشن واشالله راح انزل صور الشقق بالتقرير . اسمحولي على الاطاله والاطاله الحقيقيه بالتقرير ياحلوين وبردودكم وارائكم تحلى تقاريرنا وتحمسونا حتى لو الواحد ماعنده شغل بيسافر وبيرجع هالمنتدى الغالي وبينزل تقارير .
اجمل باقات الورد المنثور على خدود منتداي الغالي .......
والله صعبه البعد عن الامطار والخضره الله يعينك
الشقق هاذي معروفه ولكن الاسم تغير عليك كان اسمها سوديرمان
والان تغير الاسم الى اريادوتا تحياتي لك وننتظر التقرير