السلام عليكم يا أعظاء المنتدى المميز
انا ادمنت على تقارير ومشاركات الاعظاء في المنتدى كملت اسبوعين وانا اقرى تقارير ماليزيا واشوف الصور من فنادق واسواق ومعالم سياحيه لين ماقررت اشارك واتعلم من خبرتكم في السياحه في ماليزيا.
المهم انا سافرت ماليزيا في تاريخ 2008 -4- 21 (شهر العسل) وكانت المده 12 يوم وكالتالي
كوالالمبور= 3 ايام في ويستن
جنتنق = 2 يومين ( ما اذكره الفندق بس كان مقرف (حشرات وبدون تكييف )
لانكاوي = 4 ايام في ويستن
كوالالمبور = 3 ويست
تجربتي عن الفندق ويستن كوالالمبور جدا راقي وموقعه مناسب قريب من مراكز التسوق والغرف نظيفه ومريحه.
واسواق كوالالمبور حلوه ورخيصه .
قررت الشهر الياي اسافر مره ثانيه ماليزيا وبالتحديد كوالالمبور وعددنا 6 أشخاص لمدة 7 ليال.
انا وزوجي وامي واختي وعيالي الاثنين الولد البجر سنتين وشهر والثاني خمس شهور
فقررت استقر بس في كوالالمبور مااقدر اسافر داخليا مع اليهال عشان جيه ابا احجز في فندقين ابا مكان قريب للاسواق التايم سكوير والبي بي والمراكز المحيطه بالماريوت والفندق الثاني قريب للمناطق الخضراء للحدايق او المناطق الترفيهيه عشان ولدي يستانس والوالده تغير جو واختي محترفه تصوير وتبا اماكن حق التصوير.
انا محتاره في الفنادق من كثرتهن خاطري الفندق يكون البوفيه فيه متنوع والمطعم شرح مب شرات الويستن مصكر مافي اطلاله عالخارج واكله مب منوع والمطاعم قليله. خاطري بفندق مميز مثل فندق ويستن لانكاوي من حيث جودة الطعام وتنوعه ووسع المطعم عطوني رايكم بافظل فندق للعايله.
وبخصوص الفندق الثاني ابا يكون قريب للمناطق الحضرا والمتنزهات شو رايكم في السن وي.
انا محتاره بالفنادق وموقعها ملخبطه الدنيا وماعرف كوعي من بوعي
ساعدوني ؟؟؟؟؟؟
اختكم راعية معاني