يالله الحمدالله على السلامه ... جربوا تروحون صوب النهر .. الاجواء حلوه هناك
واي مكان بعيد عن نانا في بانكوك حلو ...

وعليكم السلام ورحمة الله وبركاته
الحمدلله على سلامتكم فندق غريس موقعه رائع وخاصة لمحبي المطاعم العربية ولكن سمعته فعلا مايصلح احد يسكن فيه وانا شخصيا ساعات امر عليه وادخل صالة الاستقبال اشوف العجب فيه كبار وشباب ونصيحه مني اذا حد حب يسكن في هذه المنطقة من بانكوك الابتعاد قدر الامكان عن السكن في هذا الفندق هناك فنادق اقل منه سعر واحسن عنه سمعه

اللي اعرفه سعر قريس في المبنى الجديد او القديم 1500 بات لليله
اما للزبائن القدامى يسكننونه ب1100 بات بس في المبنى القديم
هل تغيرت الاسعار؟

نتمنى لكم السلامة
بس جريس مرة وحدة !!!
فندق سيء السمعة !!

جريس ب 1600 بات يعتبر غالي ،، اللي اعرفه السعر مايزيد عن 1200 بات
والفندق مايحمس الصراحة ، زحمة كأنك في سوق السمك
انا من اسبوع سكنت في فندق 4 نجوم مع الفطور ب 1800 بات
وتحياتي

حمدلله على سلامتكم يارب
يعني انتو قاعدين تحرونا انكم هناك واحنا اهني في الحر والغبار ها بس الله كريم
اتغشمر وياكم عليكم بستين عافيه

أنا الأسبوع الماضي في بانكوك ، اول ماجيت من بتايا اخذنا التكسي الى قريس من يوم عرف انا عرب ، قلتله نبي فندق قال قريس هوتل قود، عرفت قريس من أغاني بشير حمد ، قلت ياولد خلنا نمر عليه اهو كسب معرفه عن هذا الفندق العريق ، والله كبير بس من أستقباله اعرف انه ماهو فندقنا ليش لانه خاص بناس لهم معيار معين في الوناسه والهيصه وحنا ياحسره بيزات بالقطاره ونوم بعد الساعة 10 مافيه سهر وهيصه علشان كذا مايصلح الا لناس يقلبوناها كرسمس لان الفندق معطيهم جوهم ،ويعني هذا الفندق مفصل على الأخوة العزاب فقط ....................
واول ماجينا عند الأستقبال قالت الموظفه بكم تبي تسكنون قلنا ولله على كيفنا قامت وطلعت طبله موضح سعر الغرف من 1400 الى 2200 بات ، كل غرفه لها سعر طبعاً فيها سويتات حلوه بس الي خلاني اتركه صراحه الجو العالم في الفندق والناس المتبطحه في اللوبي توحي ان هذا ماهو فندق كرخانه ،
طبعاً الكويس في بانكوك ماتبلش راح تلقى سكن بالمبلغ الي موجود معاك كبير والا صغير لان السكن متوفر فناق شقق غرف موتيلات يعني متوفر وحسب السعر الي تبي طبعاً كل جوده ولها قيمتها ،انا سكنت في الماجستك ليس الفندق وانما السويتات الى في نانا على شارع سوكافوت عند محطة البنزين الي فيها ماكدونالز ، 1600 بات حلوه ونظيفه وخدمه ممتازه ،عموماً منطقة العرب الشخص الي يبي الراحة والهدوء يبعد عنها سوف يجد اسعار مناسبة واذا يبي الأكل والتسوق ياخذ تكسي بتراب الفلوس /// سامحوني على الأطاله

نصيحة لا تسكنون فندق جريس سيء جدا ...
ابتعدوا عنه .. من خلال تجربة وليس كلام فاضي

هالفندق شبهه يدي العود يسكن فيه فيه كل صيف شهر كامل الله يهديه انا مريت من عنده شفت من
عمر 10 - 90 قاعدين في اللوبي .. واشكال حدث ولا حرج ..
ومستواهم اي شي والغرف بعد !! اعتقد ينفع للشيبان ومثل مايقول الحوسني للمخضرمين والمسافرين القدامى