روحو قاردا لاند مو بعيده وملاهي بينبسطون الصغار فيها

عادي ماتشيلي هم ولاتعبو نفسكم مادامكم معنا بالعرب المسافرون بتنبسطون .....
الحين 3 ايام ميلان صح ؟؟؟
بعطيك مناطق تقدرو تروحو لها مناسبه لكم وللاطفال بعد وانتي اختاري الانسب
بحيرة جاردا وسير ميوني تبعد ساعه ونص عن ميلان بحيره جميله فيها شبه جزيرة سير ميوني ممكن هناك تاخذو قارب يمشيكم علي البحيره تجربه حلوه...
مدينة الالعاب جاردا لاند يادوب يكفيها يوم طبعا عند جاردا لو حابين تخلو البحيره الصبح والظهر مدينة الالعاب
http://www.gardaland.it/resort/
عندك بعد حديقة الحيونات تقدرو تدخلو بسيارتكم بين الحيونات فيه حديقتين وحده عند ميلان والثانيه عند جاردا
الحديقتين مقسمه جزء بالسياره وجزء مشي وجزء حديقة ديناصورات وجزءمدينه العاب صغيره بينبسطو الاطفال فيها حتي الكبار
اللي عند جاردا اسمها باركو نترال فيفا
http://www.parconaturaviva.it/
الحديقه الثانيه سفاري بارك
http://www.safaripark.it/
وقريب لسفاري بارك بحيرة ميجوري جميله والصراحه اعجبتني فيها 4 جزر كل جزيره تبع عائله قديما وفيها قصور لكل جزيره فيها مطاعم واكشاك صغيره يبيعون تذكارات ....
فيه فينيسيا تقريبا 3 ساعات بالسياره الطريق ممتع واذا تبون قطار
ساعتين تقريبا ......
اتمني لكم التوفيق

اطليانو جزاك الله خير على طلتك على الموضوع والله شايله هم لان الي معي يبون سويسرا وانا ماخفيك سر يغريني الشوبيق والبيتزا والتراميسو - لايغرك اخرتها غصب اكل ماكدونادز - فسويت الحجوزات ثم جلست افر في المنتديات الاجنبيةواترجم والعربية ادور على مكان بارد وطبيعته حلوه
اي افضل حديقة الاولى ولا الثانيه؟
مافيه مدينة ساحلية قريبه لي اقصد بحر -وجميله

سؤال الحين والله اعجبتني فكرة السفاري بس ماعرفت كيف نظامهم تقول ادخل بسيارتي قصدك يعني فيه بوابة ندخل منها مباشرة ع البارك واتمشى واذا خلصت اروح الباركنج اوقف السياره وارجع لمنطقة الالعاب واشوف الي قرب ميلانو شكلها اكبر صح

البارك اول ماتوصلون وانتم بالسياره تقصون التكت
بعدها تدخلون ابدا ماتنزلون لين تخلصون الجزء الاول بعدها توقفون السياره في الباركنج وتكملون الثاني مشي
ايوه بومبي سفاري بارك اكبر واكثر العاب اللي في فيفا نترال مرجيح واشياء بسيطه

اطاليانو. ........ عندي طلب ثاني الله يحفظك نوصل المطار ع 7 الصبح تقريباًً. لكن مانستلم الشقه الا ع 1 الظهر مادري وين المكان المناسب ننزل فيه هل تقترح مكان معين للناس مرهقه معها اطفال ؟

غروب
ماعطيتو خبر لاصحاب الشقه انكم بتوصلون بدري حتي يسلمونكم الشقه بدري
علي كل حال لانزلتو من الطياره لاتستعجلون بجرآت الدخول
اذا انتم علي الخطوط السعوديه معناته ماتطلعون من المطار الا 9 ونص اوعشر لان عفشهم يتاخر شوي
مالكم الا الدومو لاوصلتو حطو الشنط في السكن وكلموهم عن هذا الموضوع لان البعض مايسمح
واطلعو تمشو في الدومو
اذا اطفالك اقل من 4 سنوات الافضل تكون معك عربيه اطفال لانهم بيكونو تعبانين وزين اذا مانامو واذا
حاول قبل الرحله بليله ان الاولاد ماينامون حتي ينامون بالطياره ويكنون انشط في الصباح اذا الخطوط السعوديه رحلتك الفجر الساعه 2 حاولو من العصر يوم اللي قبل لاينامون الاطفال وخليهم يتحركون بالمطار حتي ينامون بالطياره
وزي ماقلتلك كلم السكن وبلغهم انكم جايين بدري وتعبانبين يقدمون ساعه او ساعتين
كلمهم عن الشنط
الله يعينكم
بالتوفيق

الله يجزاك الجنه ووالديك بالنسبه للسكن شقه مافيها استقبال قال كلموني قبل توصلون بساعه اجي استلم الفلوس واعطيكم المفتاح وذكرتله هل فيه امكانية شيك ان بدري رد الساعه وحده وع قولتك الخطوط التعوسيه عليهم حركات الله يكفينا شرهم
ولو علي مايردني الا الدومو بس العائله مايناسبهم حر فكرت نطلع جارادا يكون الجو الطف ؟؟؟بس خاف مشوره

غروب
جاردا بعيد ساعه ونص تقريبا
رح بحيرة ميجوري قريبه من المطار*حوالي 20 كم او اقل بحيره كبيره وحلوه واجوائها حاليا مطر انصحك فيها
بالتوفيق