كم البدجت حقك و التاريخ ؟

مرحبا اختي
انا سكنت في هيلتون متروبول في 2007 طبعا اربع نجوم وكان سكني في الجناح القديم ، ماكانت الغرف سيئه ، صح قديمه شوي بس معقوله الا اذا كنتي موسوسة نظافه مره ، وفنادق لندن غالبية الغرف ضيقه مافيها ذيك الفخامه الا اذا اخذتي خمس نجوم وهذي اسعارها مرتفعه شوي ، اذا كان حجزك في الجناح الجديد ممتاز لا تغيرين ، طبعا هذا الكلام في 2007 مدري تغير الوضع او لا ، بس ترى موقع الفندق مره زين كل شي قريب منك لانه على شارع اجولرود، والفندق كبير ودايم حركه وداخل وطالع ، اذا تبين ارشحلك فنادق / قولي لي ايش المواصفات اللي تبين وميزانيتك والموقع لانه فيه فنادق اسعارها حلوه بس تكون صغيره او بعيده عن الاماكن السياحيه .

may.oo
بصراحه انا تورطت في فندق هيلتون ميتروبول مدحوه ناس كثير وقالو الغرف واسعه والفندق يستاهل وحجزت غرفه اللي هي كوين هيلتون ديلوكس بلس ما ادري عنها صراحه اذا كانت كبيره ولا ضيقه والحين السفر بعد اسبوع ساعدوني لاني دخلت على الفندق وقرات تعليقات النزلاء ولقيت ذم اكثر من مدح والمشكله انه كنت مصره على هذا الفندق وقلت لزوجي عليه وحجز لي والحين قالو انه في جناح جديد وقديم وناس قالو غرفه واسعه وحلوه ونظيفه وناس يقولون ضيقه وقلق وازعاج ومعفن
ابي اللي جرب الفندق بليز يعطيني فكره عنه ويطمني وهل اقدر اكانسل الحجز عن طريق موقع بوكينغ بدون رسوم واذا فيه فنادق تستاهل غير هيلتون وتكون نظيفه اهم شي وفخمه وواسعه ومكيفه وتستاهل الواحد يدفع فيها تكفون الله لايحرمكم الاجر دلوني اخلي حجزي على الفندق ولا اغيره قبل لا اتوهق لانه الاسبوع الجاي مسافرين ان شاء الله مع العلم انه حاجزين غرفتين غرفه لنا وغرفه لاخت زوجي معاها طفل صغير والثاني بنت في عمر 12 سنه اللي عندهم خبره في فنادق لندن يسعفوني
أختى الفاضله حياج الله بين أخوانج وخواتج تفيدون وتستفيدون الفندق ممتاز ولا تحاتين هذا كل
ما روح لندن أسكن فى وخوش مطعم فى أفطار
وأي خدمه أحنا حاضرين

صديقتي سكنته شهر ديسمبر الماضي ومدحت فيه !!!

الفندق موقعه فنان ماعليج من الكلام الفاضى

كيف الغرفه ماتهم اذا نظيفه ماعليك من الباقي
يهم الموقع بصراحه
واغلب الوقت انتي طالعه

may.oo
اختي الفندق حلو بس احجزي بالمبنى الشرقي لان غرفه مره واسعه والسرير كوين وبالغرفة سريرين يعني تشيل اربع اشخاص ومره واسعه وشرحه بس قولي لهم ابي المبنى الشرقي لاني سكنت فيه السنه اللي فاتت واعتقد انه اذا اخذتيه اسبوع فيه ليله مجانية قوليلهم لانهم هم مايقولون وبالتوفيق ان شاء الله .

شوفي الفندق أنا سكنته انا بقولج كل شي عنه وانتي شوفي شنو تحبين وشنو تبغضين
الفندق يقع في آخر الأجوررود يعني اذا تحبون شارع العرب والمطاعم العربيه بتستانسون
فيه وأيضاً مقابل الفندق ماركس سبنسر كبير ومقابل الفندق محطة أندرجراوند وأيضاً
المسافه الى الأكسفورد والهايدبارك قريبه يعني 7 الى 10 دقايق مشي ...
بالنسبه للفندق نفسه أطلبي من الرسبشن west wing أو أبعثي إيميل لهم من ألحين أنه
تبين السكن في الجناح الغربي وهو اللي محدثينه .. نعم الغرفه واسعه أكثر من الفنادق
الثانيه لكن مو السعه اللي تتوقعينها ( يعني مو نفس فناق دبي مثلاً أو القاهره أو الدول
العربيه بشكل عام ) خدمات الفندق جيده جداً مافيها شي زود عن الفنادق الثانيه وبوفيه
الأفطار جيد في تقريباً كل الأطباق اللي تحتاجونها وأي سؤال بعد,,,

مشكورين يعطيكم العافيه بس طمنتوني شوي بصراحه اناانا اللي شجعني احجز في الفندق هذا الكلام اللي سمعت عنه بس يوم شفت التعليقات للزوار ضاق صدري وبصراحه انا كنت اتمنى احجز في راديسون ساس خمس نجوم بس قالوا لي غرفه صغيره انا مايهمني الموقع مره مو مشكله لو كان بعيد يعني شغلة ربع ربع او نص ساعه اهم شي يكون نظيف فخم انيق يستاهل ادفع فيه الغالي يعني مثل فنادق دبي او حتى الرياض الفيصليه والمملكه بالنسبه للهدوء مهم بعد يعني فندق هيلتون شكله ازعاج داخل وطالع
اللي عنده فكره عن فندق راقي وفخم ونظيف وغرفه واسعه يرشح لي الله يخليكم معي بس يومين اقرر يااترك حجز مثل ماهو يا اغير لفندق افضل ومره ثانكس على المساعده