- بسم الله الرحمن الرحيم
بسم الله الرحمن الرحيم
انا توني واصل من ماليزيا بتاريخ 147 وقعدت اسبوعين وحبيت اعطيكم ملخص عن رحلتي في تلك المملكه او السلطنه الاكثر من رائعه صراحه عجيبه وانصح فيها الكل من غير استثناء وخصوصا اخوننا الملتزمين والمعاريس الجدد
رحلتي ابتداءت ليلتين في كوالا لمبور في فدق دورست رجنسي (18 دنيار كويتي لليله الواحده غرفه سوبر ديلوكس) صراحه الفندق عجيب ولا يوجد به عيوب تذكر الا انه بعيد عن شارع العرب بحوالي دقيقتين مشي وهذا ليس عيب بس اني اسكثرتها وساكتب لكم لماذا بعد قليل.. ويقع خلف فندق الماريوت ((32 دينار لليله)) طبعا الماريوت اكثر من رائع ويصلح اكثر للمتزوجين حديثا اما الرجنسي للعائلات افضل
بعد ذلك ذهيت الى بيننق بالباص من اجل التمتع بالطبيعه وطبعا هناك انواع من الباصات الباص اللي اخذته كان نفس نوعيه باص النقل الجماعي في المملكه العربيه السعوديه وسعر الشخص والواحد بحوالي العرشرين رنجت اما الباصات الاكثر رفاهيه فهي ب حوالي ال60 رنجت الى ال65 رنجت ولكن كانك بدرجه الاولى (( هالمعلومه ماعرفتها اللا لما وصلت بينناق )) وطبعا سكنت ببناق ب فندق بي فيو صراحه فندق اكثر من رائع روعه ((23 دينار لليله او عشرين دينار)) في نفس امتداد السوق الليلي طبعا لايطوفكم السوق بس ما اوصيكم كاسروهم يقولكم 200 رنجت حق الشنطه قولو 25 او بالكثير 30 رنجت تاخذ الجنطه طبعا والساعات اذاا اوتو ماتك تحصلونها ب 40 الي 60 رنجت تقليد درجه اولى هاي كوالتي والساعات البطاريه طبعا من 20 وانت نازل لا يقصون عليكم ديرو بالكم ((اتوماتيك يعني من غير بطاريه تشتغل الساعه وهي الافضل طبعا لذا وجب التنبيه)) وبالنسبه للساعات والاقلام والشنط افضل ان تاخذون جوله في السوق الحره لمحلاتهم الاصليه عشان تعرفون الفرق وتعرفون الجديد وتشترونه طبعا بو فيو قعدت فيه من 27 الى 77 وبعدها طرت الى كوالا لمبور بالطيران وسعر التذكره 176 رنجت للشخص البالغ ونص السعر للاطفال ومن مطار كوالا لمبور رحت على طول الى سن وي ليقون صراحه ما اقدر اوص لكم شنو هالفندق الخرافي روعه ((316 رنجت لليله الواحده من احد المكاتب في بيننق )) صراحه فندق اكثر من رائع وبه مجمع تجاري والثيم بارك مدينه العاب مائيه وغيرها ومن بعد ذالك ذهبت الى كوالا وسكنت في فندق رويال بينتانق صراحه الفندق حلو وروعه لكن عقب مارديت من صن وي ليقون طاحت من عيني كل الفنادق على راسهم فندق المارويت لانه روعه روعه صن وي ليقون اما بالنسبه لفندق رويال بينتاق صراحه حلو ومرتب وفي اول شارع العرب في نفس الشارع الذي به فندق الماريوت ولكن الماريوت يعتبر في اخر الشارع اذا كان رويال بينتانق في اول الشارع والعكس صحيح وسعر الليله 18 او 20 دينار كويتي
هذا بالنسبه للفنادق اما الاسواق فهي كثيره واهمها بالنسبه لي هو السوق الصيني لكن ما اوصيكم ديرو بالكم من الصينيين ترى حراميه ونصابين عليكم بمكاسرهم مو يطيح لكم من ال500 ميتين وتستانسون لا الشنط اسعارهم ب20 الى 30 رنجت الاقلام عشره الى خمسه عشر رنجت حسب الجوده الساعات من 40 الى ستين اذا اوتو ماتيك و 10 الى 20 اذا بطاريه ولكن لا انصحكم بالبطاريه لانها تخرب بسرعه ويفضل ان توخذ على انها هديه اما الاوتوماتيك فهي لك او لمن يعز عليك اما الشنط الكبار جناط السفر اكبير فهي من 140 الى 160 رنجت مو يقول لكم الف وطيح 300 وتستانسون لا سعرها 140 الى 160 وطبعا اقدر انزل اكثر من جذيه لكن نشف ريجي وانا اكاسر
بالنسبه للصينين ديرو بالكم منهم يعني عادي يقص عليك عيني عينك يعني لا تصيرون ثقه وتحطون اغراضكم على الطاوله مثلا انا كنت في حلاق بسن وي ليقون وحطيت جهازي على الطاوله وقعدت احلق طبعا اخوكم نسى جهازه على الطاوله وحاسب ومشى ولما ذكرت جهازي رديت لهم ولقيت المحل مسكر كنت اخر زبون طبعا رديت لهم من باجر الصبح قالولي هالصينيين ربع بوذا انهم ماشافو شي قلت لهم اشتريه مشترا منكم ب1000 رنجت وانا بطلع بعد ساعتين ارد لكم يمكن تلقونه واعطيكم الالف لكن ماكو فايده راح التلفون جعلهم يلحقوونه فا ارجوكم ديرو بالكم على اغراضكم والموقف الثاني كنت قاعد احاسب المحل للاقلام الي شريتهم منه في السوق الصيني وجت لي عائله خليجيه تسالني عن الجنطه اللي شريته بكم سعرها وكان سعرها 160 رنجت ((شنطه سفر كبيره )) والعائله شرتها ب300 واصغر من شنطتي طبعا دار الحديث معي انا والعائله وانا احاسب الصيني ومشيت على طول ونسيت الاقلام عندهم طبعا ذكرتهم بعد 5 دقايق ولما رديت جحدوني ميتين قالو حنا معطينك االاقلام طبعا ماحبيت اكبر السالفه معاهم ووكلت اوري لله وخليتهم ومشيت واعتبرها دفعه بلاا انشالله
(( ملاحظه : للحصول على افضل الاسعار يفضل ان تتقمص شخصيه مكسيكي وتخلي اسمك سانتياغو نفس ماسويت وطبعا وانت تكاسر دش وقول انا نفس حالتكم راح يجيكم عربي مطفي ويدفع لكم كالعاده اما انا حالي حالكم اكرف ومافي تحت بيتنا بير نفط اغرف منه نفس العرب لان هذي الفكره اللي هم ماخذينها عن العرب هذا يفضل ان تروح اول يومين لك في محطتك الاخيره في كوالا قبل السفر وباقي الايام تروح انت واهلك وتكون انت ماخذ فكره عن الاسعار وكم تقدر تنزل من اسعارهم وتصير الاوراق مكشوفه لكم))
واذا عندكم استفسارات انا حاضر
اخوكم No Time
وتشكر على مجهودك بس اخوي الاحظ كل اللي راحوا ماليزيا محد ذكر انه سكن في فندق
نيكو؟؟؟؟؟؟؟؟؟؟؟؟ غريب!!!
لاني انا رايحه بعد اسبوعين وبسكن فيه وخفت بالعربي( محد يجيب طاريه)