- السلام عليكم ورحمة الله وبركاته ....
- ويصبحكم الله بكل خير ..
السلام عليكم ورحمة الله وبركاته ....
ويصبحكم الله بكل خير ..
سافرت يوم الخميس الموافق 29/11/2007 الساعة 1.55 ظهراً من مطار الملك فهد بالدمام على الخطوط السعودية وكان هنالك عرض عليها وأظنه أنتهى المهم سعر التذكرة بلاش 1200 ريال وصلت بحفظ الله ورعايته مطار القاهرة الساعة 4.00 بتوقيتهم وسكنت في فندق دريمرز المهندسين أخر جامعة الدول مقابل فرغلي من الجهة الثانية 5 شارع جدة فندق نجمتين دائماً أسكنه رخيص سعر الليلة 100 جنية بس موقعه رهيب من قلب للي يبي يروح لمصر لاجل مصر ويحتك بالشعب المصري البسيط قدام الفندق مغسلة وصيدلية ويكفيك أنه بشارع جامعة الدول يعني كل شئ حولك وكل صبح أصحى من النوم وخذ مشي يمكن أربعة الى خمسة كيلو طبعاً أفطر على الطريق وأصرف فلوس واصبح على ذا وأمزح مع ذا وشوي أوقف وأخذ عصير موز بالحليب وامر على الأنترنت وعلى ها الموال .. أختصار ..
اليوم الأول / مركب الكريستالة اول المعادي مع العلم أني ماتوقعت أن المراكب النيليلة تعمل لأني كنت أتوقع البلد برد لكن الجو لطيف يميل الى البرودة أخر الليل . كم التذكرة ناسي لكن أذكر الرحلة كانت الساعة 10.00 ليلا ً .
اليوم الثاني / كان يوم الجمعة بعد ماصليت الجمعة ولله الحمد الى فلفلة والتذكرة ب 2 جنية وفيه ( منيمم شارج ) يعني أقل طلب تطلبه بسعر 40 جنية تقدر تطلب فيه غداء وهذا اللي حصل وقابلت سعوديين كثير والمكان كان زحمة .
اليوم الثالث /بعد تاكيد الحجز عند الخطوط وهي تقع في جامعة الدول ا لذهاب الى الاسكندرية حسب الخطة اللي ضبطتها قبل وعلى القطار التوربيني وبدون توقف بامر الله سبحانه وتعالى درجة أولى ب 36 جنية تقريباً ساعتين ونصف وصلت هناك وكنت أريد أسكن في فندق كليوبترا شارع الكورنيش قدام البحر مباشرة لكنه كان محجوز بالكامل واضطريت أسكن بفندق جواره وهو فندق الحرم 3 نجوم ب 160 على ماأظن وموقعه ممتاز على البحر وخلفه كل مايطريو مالا يطري على بالك .
رحت لمجمع جرين بلازا وهو مجمع حلو وتغديت في مطعم أيطالي في الدور الثاني وهو مطعم ممتاز ونظيف
وقضيت وقتي تمشية على الكورنيشو محطة الرمل ومافيه ذيك الزحمه من الخليجيين وللمعلومية أنا من النوع اللي مايسافر في الصيف بتاتاً لا زحمة ولا وجع راس وكان الجو في الاسكندرية عالي العال وبتلقون قدام فندق الحرم من الجهة الثاني على البحر وتحديداً على الأحجار الكبير مكتوب ( السعودية 2008 ) كتبتها هناك وبخط عرريض مع ذكريات العالم الموجودة ( مو لحالي أكتب بس ) المهم رجعت ثاني يوم ومشوار التاكسي تقريبا 5 جنيه الى محطة القطار .
لايوم الرابع / سكنت نفس الفندق ( دريمرز ) رحت للمتحف الوطني اللي في ميدان التحرير خلف فندق هيلتون النيل حق الفراعنه التذكرة ب 2 جنيه وكنت أتنقل بعض الاحيان في الميركوباص ألو المشروع بلغة أخوننا المصريين وهو وسيلة مواصلات بسيطة يعني التاكسي ياخذ 5 جنية هو ياخذ جنية صح أنه يتأخر لكن وش عندي أنا جاي أنبسط وأضحك وبالامنه أنا أركب على أني مصري وأسمع سوالفهم ومبسوط وخذ مواقف يعني توقع يركب معك واحد معاه خروف او30 بطه لاتستغرب !!! بعد ذلك رحت لمطعم النيل دراغون وهو مطعم صيني فاخر على ضفاف النيل وعلى مااظن أنه في فرايديز وهي فين ثابتة وخذ سي فود سوب والحساب على الطلب يعني مافيه مانيمم جارج . ومريت شيراتون القاهرة وتعرفت على شباب طيبين وقابلت بعض الشباب اللي أعرفهم وفي الليل أخذت مركب على النيل وكم ساعة عقب رحت للفندق ونوم لأني كنت متعب أشوي من القطار .
اليوم الخامس / الأهرامات ولاتعطون وجه حق اللي يجونكم قبل الأهرامات ويركبون معكم تراهم نشبة وأكرر لاتعطون وجه يعني تبي حنطور ياباشا قول لا طيب حصان قول شكرا وروح حتى تخش داخل قريب من الأهرامات وخذ مناك أرخص وكاسر وأكرر كاسر كاسر أنا أخذت الحنطور ب 60 جنية قلت له نزلني عند منقرع هذا وعقب مكاسر يوم دخلت دالخ ويسالني شخص مصري عرف انه مصري وفي المبحاث حق الاسعار الزبدة قال ليك كم اخذته قلت له 60 قال لي ترى الساعه ب 30 وصدقوني ماقعد وياي حتى نصف ساعة أول ماوصلنا الهرم اللي ابي ادخل فيه قلت له خلاص أمشي . تذكرة دخول الاهرامات ب 2 جنية ودخول الهرم منقرع ب 2 جنية وفيه سياح كثير .المهم رجعت في المكروباص حقهم فاضي وماعندي شغل وجاي أتونس !!!!! ومن مكرو الى مكرو ياأرنوبي الفنان وفي وعلى الطريق شوف لاعجب وعلى جاد اللي في جامعة الدول وشاورما حقتهم رهيبة ومشي وتاكسي على الطريق حتى فرغلي وهات واحد فخفخينا يابرنس ز وعلى الفندق وتغيله . المغرب حصيت من النوم ورحت للسوق اللي جوار الفندق وشريت بعض الملابس لبزراني لازم أجيب لهم معي شئ . طبعاً مع توقف وشرب العصير الطازج وخذ لك حبت طعمية حارة وسالفه مع هذا وضحكه مع الثاني وفي الليل مريت فندق الماريوت وشاي بالنعناع وصرف فلوس وعقب اخذتها تمشية على النيل ومركب على الطاير واذا تبون تشوفون الشعب المصري على طبيعته أركبوا معهم على نفس المركب ب 2 جنية وأغلب الأحيان اخذ مركب لحالي ب 30 جنية تقريبا ودائماً خذوا أقل من النصف يعني قال لك ب 50 قول لا بيرجع لك أنت أصفطه وهو بيقول لك ب 40 ياباشا !! لا لا ياحبيبي أنا أخذته أمس ومن هنا ب 20 طبعا من ( هلس ) وروح عنه أشوي ولا هو يقول لك طب تعال دا أنت غلس !! . وبعده تعشيت في كنتاكي اللي في جامعة الدول عند البيتزا هت .
اليوم السادس / يوم هادئ وتجهيز الشنطه والتأكد من كل شئ وان الفندق لايريد شئ لأن بعضهم يقثك أذا جيت تطلع قال لك فيه عليك وعليك يعني يأخرك على الرحله وعلى الفاضي ... المهم طلعت كالعادة الصباحية ومشي على شارع جامعة الدول وفطور وحركة وأنترنت وقراءة جريدة اليوم نبي نعرف علوم ديرتي فديت ريح ترابها السعودية وعلى النيل عندهم شاي أوف وبعد ذلك على مطعم سما حضرموت وهو في شارع جامعة الدول ( خرمان عيش ) وطقيت لي نصف دجاجه مندي مع كوكا ( من زمان ماشريته )
وبعده الى الفندق ونومة الظهرية وصحيت على المغرب تقريباً وكان تفكيري على السفر في اليوم التالي ..
رحت للحسين وخذ لك شاي منعنع عند قهوة الفيشاوي وخذ مشي في السوق ولا أحد يضحك علي ( لقيت شباب يلبعبون كورة ولعبت معهم ) وتمشية حتى الواحدة صباحاً ثم الى الفندق ونومه وأنواع المنبهات الساعه + توصية الريسبشن + منبه الجوال لأني ماأبي الرحله تفوت مع العمل أن الرحلة الساعه 5.30 المغرب لكن لازم أروح بدري للمطار لأنه حصل لي موقف قبل الوقت تقريباُ 45 دقيقة لكن ........ أم ام أم الزحمة الظاهر كان وزير طالع المهم راحت تأخرت على الرحلة ورحت ثاني يوم مع العلم أنه في ثاني يوم بنشر التاكسي قبل المطار بكم كيلو وأضطريت أركب مع تاكسي ثاني صادف مرورة ولله الحمد .
اليوم السابع / كل ساعه أصحى وأرد أنام خلاص أبي أرجع ومشيت للمطار الساعة 10.30 مع العلم أن حضوري للمطار المفروض 2.30 لكن مو مشلكة أروح للمطار بدري واتمشى هناك اقرأ صحف ومجلات وكتب وفيه مطعم تحت حق الغداء والشاي ولا ... تروح على الرحلة مثل قبل . التاكسي أخذ 40 جنية من الفندق الى المطار . أقلعت الساعة 5.30 وبفضل من الله وتوفيقه وله المنه وصلت لمطار الملك فهد الساعه التاسعه ليلاً واٍستغرقت لارحله ساعتين ونصف والحمدلله على السلامه .
هذه رحلتي لكم بالتفصيل وكنت لوحدي والعاقل خصيم نفسه والقصد منها هو كسر روتين العمل وتغيير جو
سعر الصرف 1000 ريال سعودي = 1468 جنيه مصري والميزانية هي 3000 ريال سعودي معدل 500 ريال يومياً اي 734 جنيه وهي تكفي لمن مثلي حيث أني خابز أم الديرة خبز واكاسرهم لأاني عارف أنهم يزيدون على السعر في أغلب الاماكن الى في الخمس نجوم فكل شئ حسب تسعيرته وبدون اي زيادة .
السفر كان في 29/11 والعودة بحمد الله كانت في 05/12 .
وسلامتكم .
برنامجك كان حلو وتسلم على تقريرك