الحمد لله على السلامة
ورحلة سعيدة ان شاء الله

الحمد لله على سلامة الوصول أختنا الكريمة ( ملاك )
أسأل الله أن يسعدكم ... ويحفظكم ... ويكتب لكم رحلة موفقة ..
بأنتظار ( التقرير ) ... والصور ... تراكِ وعدتينا

حمدالله عالسلامه
الله يهنيكم ويسعدكم

هلا وافي وهلا بكل من مر على موضوعي الله يسلمكم كلكم
وافي انا وعدتك وان شاء الله بس لسى ماعرفت كيف انزل الصور يبغالها قعده بس ارجع وان شاءالله خير
اكملكم سريع سريع ايش صار معانا انا دخين في مجمع بيراميد وتحديدا في ماك
بعد ماوصلنا وغيرت للبنات قلنا باقي ع النهار ساعتين خلينا نكسبها ونروح مجمع الماينز وناكل ونرجع الفندق لانو مره مهلوكين
خرجنا وقلنا لاول تكسي مجمع الماينز قال لالا تكسي تاني قلنا طيب وقدمنا شويا قلنا لو سمحت مجمع الماينز قال ايش وداكم مو حلو مافيلو شي اوديكم مكان تاني قلنا لا هوا يعني هوا
ورحنا للهندي اخر واحد قلنا مجمع الماينز قال طيب بس 150 رنجت قلنا ليش قال اوديكم واستنى ارجعكم قلنا طيب
وبعد ماركبنا معاه جالس زوجي يدردش شويتين الا الهندي يقلو ايش وداكم روحو من كوالا ترى من طوالا اقرب سألنا عن المدى من كوالا ومن سلانجور قال من سلانجور45 ومن كوالا 20 دقيقهقلنا وع ايه مشوار بعيد واحنا تعبانين
قال اوديكم مكان تاني واثلج وانوار وورانا صور شكيت انها مدينة الاضواء على قولهم وفعلا طلعت هيا غرضي من دي المقدمه كلها اني اقلكم ترى المكان مرًًه مايستاهل ومالو داعي وجهة نظري وفيلو مكان ثلج قطعنا تكت انا وزوجي وبنتي وحده ب140 ماحسبو الصغيره واول مادخلنا جلسو يتنافضو ويبكو وبردو مادخلنا الاخرجنا عطول بس شكلو في منحوتات حلوه وع طول قابلنا الهندي ورجعنا وقلنا نبغى ناكي وفين طبعا في الطربوش ع قولة اخواننا في المنتدى وندوروندور ويحلف يمين انو مانكل فيه كل مانسالاحد مايعرف وناس يقولو تحت وناس يقولو فوق وانا اصلا صرت اشوف الي فوق تحت ولي تحت فوق من قوة النوم وانتهى المطاف فينا هنا في ماك مع السبياسي حقهم
سوري طولت عليكم مطري عاد من كلامي في فايده او لا باي بكمل اكل
ام لمار

يا أم لمار
إش التخبيص هذا من بداية المشوار ؟!!! ساكنين في البيرميد وتروحوا الماينز إش تبغوا فيها
البيرميد فيه كل شيء مطاعم الدنيا كلها فيه وتمشاية من أجمل ما يمكن
وبعدين سواق التاكسي قاعد يشلخ عليكم الماينز قريب منكم مرة بس شكله يبغى يستغلكم
كان المفروض يكون معك جدول عارفه الأماتكن اللي ابغي تروحي لها وعارفة عنها إش هي قبل ماتسافرين؟
لو سألتي هنا والله كان قلنا لك أن مدينة الأضواء ماتستاهل
وللمعلومية مبالغ مرة كبيرة اللي قاعد يأخذها عليكم التاكسي
خليك منتبهة وعارفة الأماكن اللي تستحق لزيارة وعارفة حتى أسعار المشاوير وإذا ما أنت عارفة إسألي
استمتعوا برحلتكم وخلي الصور والتقارير بعدين لما ترجعون لاحقين عليها
رحلة موفقة إن شاء الله

صباح الخير والله اني معايا جدول ومين قلك مكتوب فيه كل صغيره وكبيره الايام بالوقت باسعار التذاكر ومتى يفتح متى يقفل وكل شي والله اني استغربت بس مع التعب مشي حالك ادري التكاسي مره غاليه حتى زوجي يقول التكاسياغلى من الفنادق

الحمد لله على السلامة ،،،

المغادرون 2007
السلام عليكم
مشرفنا الغالي
الماينز ما تستاهل اروح لها؟
انا بكون يومين في البيراميد ومخطط اول ما اوصل العصر الفندق اريح ساعتين بعدين اروح الماينز واليوم الثاني من الصباح في الصن واي لاقون وفي الليل سوق البيراميد ؟
وش رايك؟