1. هذي اول مشاركة يا شباب والسموحة منكم


2. الشي الوحيد في بنكوك اللي اذكرة بخير هوه المستشفى

هذي اول مشاركة يا شباب والسموحة منكم

انا اماراتي وسافرت تايلند مع صديق عماني عنده خلع في الكتف طبعا هوه سمع عن المستشفى الملكي في بانكوك وبيعمل شويه فحوصات
طرنا من دبي الساعة 11 مساء على التايلنديه وصلنا في حدود الساعة 7 صباحا بتوقيت بانكوك وبدا مسلسل البهدله والمرمطه مع نزولنا للمطار صاحبنا لانه عماني لازم له تاشيرة فيزا دخول طبعا رحنا عند موظفة الجوازات ما عندنا خبر قالت انته من الامارات اوكيه هوه يدخل المطار وانته روح اعمل تاشيرة قلتله تعال نعمل التاشيرة الموظفة قالت لا انته تعملها هوه ينتظر دخل الحبيب المطار المهم عملت انا التاشيرة بس لازم نصورة رجعت اتفاهم مع الموظفة لقيت مناوبتها متغير وحصلت وحده صغيرونه بس فتاكه سبتني لين ما قالت بس طبعا انا رديت عليها بصواريخ حرارية خلتها تحترق وطلبتلي الامن وبهذلوني وسبه من هذا وشتمه من هذا وانا صابر يا عيني وانا مب ويه بهذله قلت لاجل عيون بنكوك تهون البهذلة طبعا بعد رشوة موظفي الامن والشرطة والمدير مالهم يطلب ****والثاني يطلب فلوس والثالثة تطلب سيجارة وحد يطلب دولا رات ويلا انا اجامل وابتسم وادفع ( اخ يا القهر ) ولله يستاهلوون السارس يبيدهم ويا عيونهم للي تقول علامة ناقص وانا ما اريد اقول واحد من الرخويات شو طلب ؟؟
طلعنا بعد الترحيب الودي في المطار على فندق امباسيدور اللي اقل ما يقال عنه انه فندق ربع نجمة اول ما وصلنا الاستقبال الموظفة تعرض خواتها وعماتها .. سكنا والغرفة ما شاء لله تحس انه الماي يمشي على الموكيت والاضاءه تقول فلم رعب من الستينات خافته جدا

الشي الوحيد في بنكوك اللي اذكرة بخير هوه المستشفى

ما اطول عليكم بس طلعنا السوق والصحيح انه كل شي غالي مقارنة بالامارات السناتر عندهم نار وطبعا محدودين اللي يتكلمون انكليزي يعني لو تروح عند الاخوان الصعايده يمكن يفهمون عليك اما الجماعة خبر خير ما عندهم غير كلمتين (جود . نو) ومحلات الصرافة على مزاجهم يوم يحسبونها تقترب من العدد الصحيح وفالليل ينزلون في السوالب والنواقص
المطاعم اقل ما يقال عنها انها عبارة عن كشوك بيع فلافل يمكن هذي احسن بعد والخوف يا ناس من التسمم وارد انا زين ما رحت فيها بسبب مطعم مصري
الماي كله فيه طعم غريب والوحيد للي يستاهل ماء ايفان الفرنسي بس غالي
الكل شغال ما شاء لله يا في تجارة يا مساج يا ..........
الزحمة والتلوث شي طبيعي لا تخدعكم افشورات المكاتب وشويه هالدفيترات تخلي الواحد يصدقهم
بعد يومين بالتحديد عملنا حجز لاقرب رحلة على دبي والحمد لله كانت في نفس اليوم
] ودعت بنكوك وانشالله ما بطيحها مره ثانيه
[ ويا شباب نصيحتي لا تنخدعون في البلدان