- عندي سؤال محيرني ( فاجعني مقلقني رابشني) لكن كلي امل ان فيكم الفزعه
- الموضوع ومافيه .. انا قاص التذاكر ورحلتي 20-8
أولا السلام عليكم ورحمة الله
ثانيا .. وايت 12 طن شكر وتحيه .. انا سبق وزت اندونيسيا العام اللي مضى .. وبفضل الله ثم بفضل جهودكم كانت التوب في قائمة رحالاتي ..
صحيح اني اول مره اكتب لكم .. وان شاء الله ما هي الاخيره ...
عندي سؤال محيرني ( فاجعني مقلقني رابشني) لكن كلي امل ان فيكم الفزعه
الموضوع ومافيه .. انا قاص التذاكر ورحلتي 20-8
المصيبه ربعي (اخوي واثنين من زملائي) كنسلوا .. اللي رفضوا اجازته العسكريه واللي هبقه وطفت على ماقالوا.. انا عني مصمم اروح هناك .. ( لوحدي :114 ودي اقعد يومين في جاكرتا ويومين في الجبل وان زانت لي يوم في بونتانق .. ثم اربع ايام في بالي "ماسبق شفتها" .. وبعدين ودي ارجع لجاكرتا واشوف الالف جزيره وجزيره .. سمعت ان الواحد ممكن يستاجر له شاليه في واحد من هالجزر ... المهم الرحله على بعضها 14 يوم وانا راكبن راسي الا اروح ... مكروف في هالدوام وما صدقت على هالاجازه..
تكفون يالربع ان كان فيكم من سبق وراح لحاله ... كيف الوضع .. عارف انه سؤال غريب .. لكن لازم افك هالتوتر اللي في صدري.. علما باني سبق ورحت لوحدي للقاهره وللندن لكن خبركم .. اندونيسيا 8-9 ساعات ...
عارف اني مكبر الموضوع لكن .. كاخوان واحباب .. عارف انكم بتتقبلون تساؤلي بصدر رحب
اخوكم عاشق تماشي
