لعلي افتتح الردود والاستفسارات
1- اعتقد ان 14 يوم قليله لتغطية هذه المدن
2- السياره يفضل استئجارها من الاراضي الالمانيه (ارخص بنسبه كبيره )
3- لم تحدد العدد للحكم على الميزانيه
4- ماهي البنود التي ستغطيها الميزانيه
5- اعتقد ان الجو سيكون بارد

المزيد

مشكور على افتتاحك الردود خبير سويسرا...
احنا اثنين انا وزوجي ... رايحين شهر العسل
وبالنسبه لل 14 يوم ممكن نخليها 16 يوم
وبالنسبه للبرودة الجو
ممكن تكون 3 ارباع الثلوج ذابت ولا بيكون برد بالحيل

حياج الله اختي العزيزه
ويشرفني ان اكون خلف اخونا الخبير المزيد
اولا التوقيت بارد جدا مع احتمال اختفاء الثلوج بالاماكن المنخفضه .. لكن نصيحتي بتاجيل السفر الى اول شهر 5 افضل ..
ثانيا المده قليله نسبيا لتغطية الاماكن كلها لكن ممكن بالجدول الاتي
البدايه بميونخ يومين ومنها تأجير السياره ثم الى زيلامسي 4 ايام وانسبروك يومين ثم انترلاكن 4 ايام والنهايه بجنيف 3 ايام الرحله 15 يوم ..

ALI_Q8_77

هلا فيك ومشكور على ردك... وماتقصرون والله
حلو البديه بميونخ بس ماراح نجلس فيها اكثر من 24 ساعه بنأخذ السياره ونمشي الى زيلامسي....
بس ليش انت قلت ((انسبورك)).....ليش مو سالزبورغ؟؟؟؟
بعدين انترلاكن وكم تبعد ديفون عن جنيف؟؟

حياج الله اختيار موفق البدايه
اما بخصوص اختيار انسبروك
لانه الطريق من زيلامسي الى انترلاكن 525 كيلو تقريبا وتتطلب الرحله حوالي 6 ساعات وربع تقريبا
اما من انسبروك الجميله تبعد انترلاكن حوالي 365 كيلو التوقيت 4 ساعات
ومن زيلامسي الى انسبروك ساعتين
اما من سالزبورخ الى انترلاكن 555 كيلو والوقت 6 ساعات وربع تقريبا
ولهاذا السبب تم اختيار انسبرو لانه واقعه بمنتصف الطريق بين زيلامسي وانترلاكن وايضا لجمال المنطقه
ولتوضيح اكثر عن انسبروك راجع الرابط التالي
https://artravelers.com/p/re/333559
ولكي تحياتي

ALI_Q8_77

الله يحييك أخوي ماقصرت ومشكور على التوضيح.....
بس اذا كان الجو بارد في فعاليات نقدر نحضرها ولا ..؟؟
وبالنسبه للفيزا من اي سفاره نخرجها؟؟
الاسهل في تعاملهم وبدون وجع راس المواعيد......؟:2c6hr:

هذا السؤال هو المهم التوقيت كما قلت اختي هل يمكن تأجيل السفر ؟
ممكن تقضين بجبال كابرون وعلى البحيره وايضا زيارة مدن قريبه مثل سالزبورخ من زيلامسي وتتمشون بالمدينه القديمه واسواقها وايضا زيارة حدائق الميربال
وتحياتي لكم

ALI_Q8_77

لا للأسف مانقدر نغير لآنه مباشرة بعد الزواج وماعندنا اجازه الافي هالفتره....

بالتوفيق اختي ومبروك مقدما
حاضرين لاي استفسار