معقولة ولارد
بس خلاص شكرا سويت الجدول
وعقابا لكم ماحقلكم عليه

سيتي ستارز يبغالها يوم كامل
تتغدون وتتسوقين وتتمشون فيه شوي وتحضرون فلم وتتعشون
وماراح يفيكم يوم بعد لانه ماشاء الله سبع ادوار ورايي يكون اول يوم عشان تريحون شوي ومايكون تعب من اوله
دريم لاند روحو لها على الساعه خمس ونص او ست,, او روحو خمس احضرو فلم وكملو فيها
تقدرون تلعبون اذا بغيتم وتحضرون فيها مسرح روماني جميل وممتع يعني اذا انتم العاب وسينما يبيلكم بعد يوم هي تقفل كل الالعاب على 12 وفيه زي ماقلت سينما يعني لو حضرتم فلم بالاخير منتم طالعين الا الساعه 2 بس يبيلكم سواق ماتلقون تكاسي
الاهرامات روحو لها الفجر و غير الفجر لازم تدخلون بسيارتكم ترى الصباح والظهر الجو حر مو طبيعي
تقدرون مثلا تروحون فلفله من 1 الى 3 او 4 ثم تطلعون لحديقة الحيوان وترى الحديقه صغيره يعني نص ساعه لفينها مرتين
اكل فلفله لك عليه مو ذاك الزود ولاتقعدون بالطرف ترى حر
رحله نهرية افضل وقت لها العصر تاخذون ساعه مثلا وانا افضل مع ناس انا العام ركبت مع ناس كلهم مصريين وللامانه اسمتعت وناوي اعيدالتجربه
شارع جامعة الدول مناسب باي وقت لانه مطاعم ومحلات صغير وحناطير وتقدرون بعد تمرون يوميا لو تتعشون مثلا كل يوم بمطعم اخبر فيه مكدونالدز وليتل سيزر ومؤومن وقدورة للاسماك وحضرموت (مندي)
اكوا بارك مارحت لها بس ناوي هالسنه وعلى كلام الاخوة ان افضلوقت من خمس بالضبط منها الجو يكون برد شوي ويمديكم تتمشون فيها قبل الليل
سفرة ممتعه اختي الكريمة

شكرا يأخ ثامر وماقصرت بس مافهمت قصدي
ماقصد التوقيت الساعة اقصد ايش الاماكن اللي جنب بعض نرحولها مع بعض في يوم
يعني اللي فمته مثلا الاهرمات +حديقة الحيوان +قرية فلفلة فيوم واحد لانها قريبة من بعض
زي كذا فهمتوني

طيب خلاص حقلكم جدولي (طنشوني)
أول يوم أن شاء الله بما أننا في فندق سيتي ستارز فحيكون اليوم الأول كامل في مول سيتي ستارز
ثاني يوم أن شاء الله الأهرامات +حديقة الحيوان +قرية فلفة _عشاء_
ثالث يوم أن شاء الله القرية الفرعونية +رحلة نهرية مع العشاء+ خان الخليلي
رابع يوم أن شاء الله مدينة الانتاج الإعلامي +دريم بارك
خامس يوم أن شاء الله شارع جامعة الدول العربية +كرداسة +مول سيتي ستارز +سينما
سادس يوم أن شاء الله العودة إلى أرض الوطن
هاايش رايكم ؟

أوكة شكرا على آرائكم

استفسارك حلو ويهمني لاني انا كمان طالعه لمصر زي ماقلت بموضوعي
وهي اول مره يعني راح اغش منك ومن الاخ ثامر الي ماقصر هالجدول بس الفرق انو انا معي اطفال
يعني هو مناسب لي ايضا ولا لا
تحياتي لكم

لا تنسبن زيارة بولاق الدكرور والعتبه

نصيحة خذيها مني وفي النهاية قرارك هو الاخير اكيد،القرية الفرعونية بهذلة ووصخ وحر وناموس وماتستاهل الواحد يتعنى لها،وكرداسة على بال ماتوصلين لها بتكونين منتهية من تعب المشوار اللي من وجهة نظري مش جايب هممه وحتى اسعارهم ان شافوك بتصير مش دبل قولي اضعاف،وحديقة الحيوان هذي عاد من جد جد مدري وشلون صارت من ضمن الجدول!!!!!!!!!!!
استبدلي هذي الاماكن بأماكن ثانية تستمتعي فيها فعلا مش تضيعي وقتك فيها

للمعلومية كرداسة جمب الاهرامات.