هذا تنبه بسيط للي بروحون لبروكاي
هذا موقف حصلي في بروكاي
وحبيت اني اكتب تجربتي عشان ماتتوهقون مثلي الحمدلله المقلب كان بسيط بس في نفس الوقت يقهر
وهو كنا حاجزين فندق المندرين
المهم نبغى برامج بحرية لقينا وسطاء منتشرين على الشاطئ اتفقنا مع واحد منهم على رحلة غوص للشخص الواحد ب 750 بيسو مع التصوير فتوغرافي وفيديو وجيبها لك في سي دي
المهم طلعنا معاه ورحنا رحله الغوص وكانت تجربة ممتعة وحلوة للغايه
بس الي صار انه حاول يتفق معنا على الجتسكي وما تفقنا معاه لأنه بالغ في السعر واستاجرنا من شخص ثاني
وجرد فينا بالصور قالنا في الليل اجيبها لكم جاء الليل وماجابها اتصلنا عليه قالنا في الصباح اجيبها
وجاء الصباح وندق عليه ومايرد المرة الثانية ندق عليه ومقفل جواله
وكان هذا أخر يوم لنا في بروكاي وماباقي وقت على رحلتنا وإلى يومكم هذا ما أخذنا الصور
نصيحة مني إذا كنت تبغى الألعاب والبرامج البحرية
لاتاخذ من الوسطاء الي منتشرين ولكن خذ لك دباب ب 75 بيسو واتجه على الشاطئ الخاص بممارسة هذه الألعاب
وخذ من المكاتب مباشرة
أول شي اضمن لك من كل شي واذا صار اي شي تعرف خصمك وينه عكس ما صار معانا
2- هم يعطونك السعر النهائي وصعب جدا انهم ينقصون عنه
عكس الوسطاء يبداء بسعر مرتفع وينزل معاك لحد بس ماراح ينزل معك اكثر من السعر الي تلقاه في المكتب
يمكن حنا سبب في ذلك إنا وثقنا فيه واعطيناه الملبغ كامل بس ماكان الواحد يتوقع ان هذا بيصير وخاصه انه هو مجرد وسيط لا يصور ولا شي هو ينتهي دورة مجرد انه يوصلك للمكتب وياخذ عمولته في وقت لاحق