- السلام عليكم
السلام عليكم
حبيت أنبه يا أخوان بالنسبه لإستغلال العرب من قبل الصينين في كل شيء على سبيل المثال لا الحصر :
- التنقل من شارع بوكيت بنتانج إلى Klcc ذا شغل التاكسي العداد ما يتعدى السعر 4 أو بالكثير 5 رينجت والكثير يتفق معك من البداية على 5 رينجت بينما بعض النصابين أول ما تقوله Klcc يقوللك 10 رينجت لا وبعضهم يقول 12
- السوق الصيني في كوالالمبور يعطيك أول شي أسعار خيالية على أشياء مقلدة وشكلها حلو بيطلب منك 200 رينجت وأشياء مثل كذا .... ترا أخذت من عندهم أشياء يقولون لي أول شي ب 100 و 200 وأكثر خذتها من 40 ونازل .... بس للمعلومية بيعطيك السعر اللي هو يبيه واذا رفضت بيطلب منك السعر اللي انت تبيه في هالحاله عطه سعر متدني يعني اللي ب200 لا يتعدى 40 ولا أقل بعد لأني خذت حاجة بميتين خذتها ب 25 رينجت ... واذا عطيته سعر ووافق عليه انتبه تخليه وتمشي لازم تشتري بالسعر اللي عطيته علشان تتجنب المشاكل
- كهوف باتو : بيقوللك السواق ما عليها رسوم والصحيح انه بيدفع 2 رينجت لمواقف السيارات وهو بالأساس معبد هندي فلا تروحله من الأساس .. لا واذا دخلت بيطلعلك هندي نصاب بيقوللك 20 رينجت رسم الدخول وهو نصاب لا فيه رسم دخول ولا شيء ... لذلك نصيحة أخوية لا تقرب من أي معبد سواء صيني ولا هندي ولا غيره عشان ما تندم كثير بعدين
بس من بغى الدح ما قال أح
وهذا السبب يرجع الى الجهل في السياح الخليجيين اللي يروحون دون ترتيب للرحلة ولا معرفة تكاليف التنقلات والأكل وغيرها وبذلك يتم الأستغلال،،،