السلام عليكم ورحمة الله وبركاته
اسعد الله مساء الجميع بكل ود وخير
احببت طرح هذا الموضوع وعلى عجل
لمشكلة حصلت لي في فندق
Thistle Kensington Gardens
علماً بأني كنت حاجز في هالفندق عن طريق موقع البوكنج
وعند الوصول للفندق تفاجأت بأن موظفة الرسبشن تقولي لي
معليش حصل عندنا خطأ في السستم ولا يوجد حجز لك
طبعاً الي لغتي لكم عليها كم كلمه والباقي بهز الراس
اظطررت للاستعانة بصديق عن طريق التلفون كي يتولى
مرحلة التفاهم معهم
ويقول لي شنو الموضوع
الفندق يقع امام حديقة الهايد بارك
حاولو نقلي لفندق أخر تبعاً لهم في وصط لندن
طبعاً تم الرفض وتمسكت بأني حاجز عندكم وانتم المسؤولين
في الاخير قالو لي بنعمل لك اب قريت ما ادري كتابتها صح ام لا بس لا احد يدقق
في فندق مجاور آخر تابع لهم
الفندق اسمه
Thistle Hyde Park
طبعاً شفت الغرفه وطلبت انها تكون مباشرة على الهايد بارك
قالو لي انه الغرفه المفروض تعطى لك ما هي مطلة
على الحديقه
شنو الظابط فيها للحين ما ادري وياليت لو احد يفيدني
في حجوزات مستقبلا بأني اقدر احدد وجهة الغرفه في الحجز
طبعاً في الاخير كلمني واحد عراقي وبدى النقاش بيني وبينه مباشر
وانه احنا حصل عندنا غلط وما وديناك وسط لندن سكناك هنا
قلت له يا حبيبي هذي ما هي منه انا حجزي على الهايد بارك
غير كذا معليش انا رافض الغرفه هذي
وبداخل نفسي من التعب بوافق بس بشوف شنو نهايتها
قال نقدم لك وجبة الفطور مع الغرفه
طبعاً بالنسبة لي الفطور ما افضله بالفندق افضله خارج الفندق
ولكن شعره من جلد.....نعمه
في الاخير بعد الاخذ والرد اعطيت غرفه بسريرين منفصله
يا جماعة الخير طيب عدلو بدلو قربو الاسرة من بعض
معليش بكرة الصباح يسوونها لك الحين ما نقدر نسوي
شي اغلب العاملين في الفندق مش موجودين
في الاخير لاني ما اعرف زي ما قلت لكم الا كم كلمه
مع هز الرأس اضطررت للموافقه والسكن
طبعاً بالنسبة للفندق الاول ما اعتقد انه حصل عندهم
خلل في السستم بالنسبة للحجز
وقد يكون الارجح انه أجر لفترة أطول من قبل قرب
وقامو بكنسلة الحجوزات للغلابه أمثالي
كتبت ذلك من باب أني استفدت من هذه البوابة الشي الكثير
وأحببت أن ادلي بما حصل لي للإطلاع
ودمتم سالمين