السلام عليكم ورحمة الله وبركاته..
بعد تردد ومناطحة الظروف تم بحمدالله العزم على السفر لشهر العسل
زواجي بإذن الله 14-5-2009
تم الحجز وقص التذاكر من الدمام- الرياض- فيينا 15-5-2009 الوصول صباح 16-5-2009
للأسف الرحلات محدده مع الخطوط السعودية يعني الاقلاع لازم يوم السبت والعوده يوم الاربعاء
عشان كذا العوده 27-5-2009 ظهرا فيينا - الرياض - الدمام
سعر التذكره ذهاب على V والعوده Q
= 2380 لشخصين
تقريبا الرحلة راح تكون 11 ليلة وزعتها في نظري كالتالي
3 ليالي فيينا - الماريوت
3 ليالي سالزبورغ - كروان بلازا
4 ليالي زيلامسي - سي فيلا
1 ليله فيينا - لي ميرديان
طبعا توني مابعد احجز فنادق ولا استخرجت التأشيره
سبب تأخري في حجز الفنادق انتظر بطاقة الفيزا البنكيه تطلع
والفيزا الشنقن رحت لمكتب طلب مني الحجوزات للفنادق والتذاكر وبعض الطلبات
المهم اللي ابيه من حبايبي يساعدوني في رأيهم في توزيع الايام والفنادق وموقعها
ان شاء الله راح احجز الفنادق عن طريق موقع البوكينق على النت
ودي لو تعرفون مكاتب في الدمام او الخبر وتسمح الاداره بطرحها لاستخراج الفيزا الشنقن بدون تعقيد وطلبات زايده
انا بصراحه احس راسي داخ ومتلخبط مع اني قريت تقارير كثيره بس الشكوى لله الكبر شين
لاتبخلون علي بعد توزيع الليالي في برامج يوميه لكل يوم وراح اتعبكم كثير لاني اول مره اسافر واللغه ميح
بس الله يعينكم على اخوكم عريس يعني لازم ينفخ راسكم شوي