مساء الخير
ليلة المقابلة ماجاني نوم فاضطريت اروح سهران وهذا طبعاً يؤثر ع ملامح الوجة ، الا انه ابشركم
الأبتسامة كانت موجودة لحد ماطلعت من السفارة ويوم طلعت كشر وجهي من الشمس ههه
رحت السفارة وكان موعدي الساعة 10 بصراحة ماتوقعت اني القى طوابير وزحمة وكتمة
بشكل غير متوقع ،، وطبعاً كان النظام والأحترام موجود لدرجة انة يشعرك بالأرتياح والأطمئنان
الأمور مشت بشكل منظم لحد ماطفشوا الموظفين من الزحمة ،، قبل ماندخل للسفارة عند واحنا عند الابواب
للأسف كان أسلوب الأخت اللبنانية جاف وعصبية مع الأخوان والطلاب ويوم شفناها داخل تغير اسلوبها
مشينا وشيكوا ع الاوراق ومرينا ع التفتيش ودخلنا الباب الثقيل اللي مكتوب علية تحذير انو يقطع الاصابع
من ثقلة ممكن يقطع راسك مع اصابعك ههه
صفينا على الكراسي وحهزنا الاوراق للتشيك السريع الحمد لله مشت الامور ولكن تأخرنا علشان الزحمة
نادوا ع الرقم للمقابلة الشخصية ورقمي 95 عند كوانتر رقم 9 وكانت مع كل الأحترام للأسف أسوا موظفة
أبتسامة لا ارادية والسلام ،، حتى ماردت علي كثرت علي الأسئلة وكنت خايف منها
لأنها عجوز جميلة وصارمة بنفس الوقت ههه
قالت لي وش موظف وش تدرس حالياً وين ساكن وش اسم اهلك بأميركا الاسم كامل وين سافرت قبل كذا
وش عندك بالكويت ومين تعرف هناك وين رايح بالضبط في أميركا اي ولاية تبي تروح تبي تروح ولاية
ثانية ليه تبي تروح لأميركا ؟ وقلت سياحة وزيارة
طبعاً طلبت مني عنوان الأهل قلت في ولاية انديانا قلت لا ، قلت الا عنوانهم الجديد بأنديانا شافتني قالت لا
طلعت العنوان الجديد حق اهلي وعطيتها الورقه وكلمتها بالأنجليزي وقلت ممكن كانوا قبل كذا بولاية تينسي
برضو قالت لا بصوت عالي وهنا زادت دقات قلبي وقلت بس ماعاد فية سفر تحطمت واول ما جاء ع بالي فلوريدا
وكأن لسان حالها يقول فيزتك مرفوضه تحسبني اكذب قعدت شوي ماتكلمت وقالت كم لها اختك وزوجها هناك وهل هي تدرس
قلت من الخربطة سنتين وهي لها اربع سنين ههه ،، فجأه نزل علي الوحي وذكرني سؤالها
وين كانوا ساكنين في اول ولاية واللي هي واي يومنق ،، قالت ايوة مضبوط وضحكت وضحكت وكسبتها رغم عصبيتها
قالت اوك فيزتك مقبولة وروح ع الفيدكس علشان تسدد وكأني مبشر بالجنة هههاي
في النهاية شيكت ع الاواق بشكل سريع ما طلبت مني صورة للجوازات ولا صور شخصية كشف الحساب ما اطلعت علية ابداً
ملاحظة ماراح يركزون على الاوراق بقدر ماراح يسألونك بشكل سريع ومختصر يعني تركيزهم ع الاسئلة
ماعطتني لاورقة لازرقا ولا بطيخ وبصراحة اعجبني اكثر شيء معاملة موظفين شركة فيدكس
كانوا طيبين وحبوبين ويحبون الضحك والهنجمه ههه
الف شكر للجميع واسف على الأطالة واتمنى الأفادة على موضوع الورقة الزرقاء لأنهم ماعطوني ورقة ولا شيء
الف الف الف الف شكر للكادر الأداري وعلى راسهم أمباكت والأخوان وليد واحمد والاعضاء ولكل من فادني ولو بشيء بسيط