مرحبا بااهل الحرم
اولا النماص قبل ابها بساعه ونص يعني حول المائه وعشرين كيلو خمسين في هاالحدود
افضل طريق السياحي ونس ومحطات وماتطفش
ايش احسن ابها والا النماص انا عن نفسي افضل ابها ومو معنى هذا ان النماص موحلوه بس انا احس خيارات التمشيه في ابها كثيره
الطبيعه في ابها المسقي ( منتزه الامير سلطان ) السوده (وفيها التلفريك لا يفوتك )الحبله (كمان فيه تلفريك )(بس اكثرها شباب بس يوم تشوفوها مايمنع)وهذي براد وامطار (انا دائما اروح نص شعبان وهذا اجو اللى اصادفه)
وكمان فيه تلفريك ابوخيال وجلساته ترد الروح من البراد وفيه منتزه السلام وعندك كمان مهرجان ابها اللي في طريق المطار تسوق وترفيه وملاهي وفيه منتزهات صغيره مثل الضباب وحديقة ابوخيال ،،وكمان فيه العاب ناريه على ماافتكر كانت يوم الاحد والثلاثاء والخميس روعه ولاتفوت انك تشوفها ع سد ابها،،نسيت اقولك ع ملاهي ابها الجديده ....وبالنسبه للسكن عندك حي الفيصليه والمفتاحه والوردتين وانت طب وتخير في الشقق وحسب ميزاتيتك وبالنسبه للمطاعم الشعبيه عندك البيت بيتك في المفتاحه لذيذ بمعنى الكلمه وفيه مطعم السناره وشوايتي والمندي لاتنساه في طريق المسقي مطابخ المندي يمي ع طعامتها واخيرا اتمنى لك اجازه سعيده ورحله موفقه ان شاء الله

غبار الوورد
لا خلا ولا عدم ياريح الورد

غبار الوورد
مشكور *******************************

مرحبا اخوي ....الطريق السياحي من مكه انااروح الطائف من الكر وتعدي الهدا وتدخل البلد كانك تبغى شارع شهار حتقابلك اشاره(والله ياخوي ناسي هي الاوله ولاالثانيه )اللي افتكره انها اشارة مستشفى الملك فيصل القديم فيه لوحه كبيره تدلك على طريق الباحه ابها يعني وانت واقف عند الاشاره حتكون اللفه اللي بتاخذها عشان تروح ابها ع يسارك وطوالي وهناك لوحات كثيره واحسن انك اذا وصلت هناك تسال انا لازم اسال وكل سنه لانه في شغل في الطريق كثير فااحيانا اصادف لفات تتوه بس ع قولة المثل من يسال مايتوه واعذرني اذا قصرت معاك ........

بالنسبه للجو كمدينه الاحظ ان النماص اقل درجة حراره في الصيف عن ابها لكن مو بالشكل الفارق لدرجة انها في الشتا يستمر فيها الضباب ويكون اكثف من ابها
لكن لو تريد خيار افضل فهي ابها لانها المدينه الرئيسيه في عسير وتتبع لها النماص اداريا والي هي عباره عن محافظه صغيره يتبع لها مركز تنومه
انت تقول ما يهمك منتزهات المهم الجو البارد فيمكن اول يومين الى ثلاث ايام وانت جاي من مكه ومتجه للنماص او ابها راح تحس بروعة الجو وبرودته وتستانس انك تقدر تمشي في النهار وحتى في الظهر عندك قدره انك تمشي او تطلع برى السياره وتشوف مطر وغيوم
لكن بعدما تتأقلم راح تشتاق للتجوال فالافضل لك تعطي نفسك خيار افضل بالاتجاه لابها او تاخذ لك يوم او يومين بالكثير في النماص وما تفوت باقي الايام في ابها
عندك مشكله ثانيه وهي مشكلة تأقلمك على الجو لمدة اسبوع او اكثر في الجنوب ثوم رجوعك لمكه بيكون الجو عليك اصعب في مكه لانك متجه من مدينه بارده ومتجه لدرجات حراره عاليه ومن اول يوم الى قرابة اسبوع جسمك ماراح يتحمل مثلما كان متأقلم على درجات حراره ترتفع بشكل تدريجي تماما كأنك تنتقل من فصل الربيع للصيف بشكل مباشر من دون مقدمات
عاد انت وحظك مع الجو في ابها يمكن تلاقي جو حار يوصل الى 33 درجه وممكن تتفاجئ بجو بارد محدود ب 14 درجه وقت الظهر خاصه لو صادفت مطر وضباب ثم بعدها تنتقل لمكه ودرجات حراره تتراوح بين 40 الى 45 درجه بالنسبه لك الان حار لكن بعد العوده من ابها راح تحس بالفارق وبدل ما تحس الان بجو حار بتحس كانك داخل فرن بسبب تاقلم جسمك على جو ابها اول يوم او يومين بتحس بفارق ثم تتاقلم وتبدى في التنزه الي محدود بفترة النهار ثم لو طولت اكثر تبدى تتاقلم زي سكان ابها وتتنزه في الليل ثم لما ترجع لمكه صرت تماما كانك عايش في ابها وارتفعت درجات الحراره بشكل مفاجئ

غبار الوورد
مشكور أخوي غبار الورد حرام غبار الورد بل عبق الورد ياورد

بن نطوطه
ماشاء الله أخوي ما بقيت لي شي شاكر لك
كن بخير

سندي محضار
الله يبارك في الجميع أخوي