في الغالب ان شاء الله الوقت جيد ولن تواجه اي مشكلة باذن الله مع الطقس ... انا من الناس اللي اؤيد انك تستأجر سيارة وتنقل فيها في باريس وتروح جنيف ( الطريق جميل وممتع بينهم ) ... وجدولك حلو .... توكل على الله ( بالنسبة لغلاء الفنادق مادام معك سيارة شف فنادق ماهي قريبة من المنطقة السياحية بتكون ارخص ) ... تحياتي ... scott

ليلتين باريس والله حرام ولاحق التذكره ليله بتوصل تعبان وليلة بتسافر لجنيف يعني بتجلس ليله بس في باريس
خلي ال6 اليالي باريس وجنيف خليها في المرت القادمة بإذن الله
بالنسبه للسياره ممكن تستاجرها لذهاب من باريس لجنيف لكن داخل باريس المترو افضل شي

scott44
مشكور يا أخوي وما قصرت وانت بصراحه كذا

إسراء
مشكورة اختي إسراء بس انا بجلس في باريس ليلتين في البداية و4 ليالي في جنيف قابلة للنقصان والباقي ليلتين او ثلاث ليالي في باريس وبالنسبة لأستأجر السيارة معك حق

لالالالالالالاتفوت باريس كلام اسراء صح خل جنيف بعدين
وبعدين انت معاك طفل صدقوني تعب عليكم وعليه ومدتكم مره قصيره وحتى لو استاجرتوا سياره نفس الشي الطفل الي معاكم رراح يتعب وتخسرون فلوس على الفاضي والمده قصيره نصيحه مني اجلس في باريس بس وخل تنقلاتك بالمترو احسن واريح وارخص لك من ايجار سياره على مده بسيطه وروح ديزني لاند يومين ب صدقني تستانس اكثر لكن اذابتنتقل من مكان الا مكان لا والله راح تتعب الجو ممكن يأثر على الطفل اللي معاكم لو كنتوا انت والمدام كان عادي بس البيبي معكم اشوفها صعبه عليكم بعدين باريس كبيره ومايكفيها يومين بتتحسف اذا مازدت المده يبلها اقل شي 5 ايام استخير اخوي والامر بالنهايه يرجع لك بالنسبه لجنيف انا مازرتها بس في ناس زاروها من جماعتنا وقالولي انها كئيبه مره وفرق بينها وبين باربس
تقبل مروري

فاررسه
شكرا يا فاررسة المشكلة بارس سبق زيارتها قبل ست سنوات قبل الزواج بس المشكلة إن المدام مصرة على روحت جنيف لانها تموت وتروح سويسرا لو يوم واحد :x1: وبيني وبينك انا طالع عشان المدام لان هالروحة هدية لها وبالنسبة لدزني لاند ما ادري هل تكون مناسبة ام لا وخصوصا الجو بيكون بارد وولدي عمرة سنتين يعني مو وجه العاب

صدقني سويسرا اكثر جمالا واقل ازعاجا خصوصا اذا كنت تملك سيارة ... بالنسبة للتنقل داخل باريس الميترو سهل ولكن صدقني لن تشاهد باريس وشوارعها وجمال مقاهيها ... بالنسبة للسيارة المواقف متوفرة بكثرة ربما تواجه شي من الزحمة ولكنها تجربة تستحق ... اما الطريق بين باريس وجنيف فلو سمحت رح معه الصباح وتمتع بالجمال الاخاذ لجبال الالب ... اترك عنك الروتين شانز وتمر لوي فيتو وشف كرستيان ديور وتصور عند ايفل ... ارجوك تمتع بسياحة حقيقية انت وزوجتك ... تحياتي ... scott

ama995
لالالا اجل اذا هذا طلب المدام وهذي هديه لها تستاهل بس خل وقتك كله في جنيف وممكن تروح انترلاكن يقولون تهبل خيال جنه الله بارضه وخل باريس وقت ثاني لانه تعب عليكم والله اني شايله هم البيبي حرام يتعب معاكم خلووه عند احد اذا تقدرون احسن له واريح له ولكم
دمتم بود

ama995
و عليكم السلام و رحمة الله و بركاته
أولا البرنامج أنا لا أراه مناسبا اصلا
اذا كنت تبي تروح لباريس و ترجع من باريس فالأفضل لك تخلي الذهاب من باريس و العودة من جينيف أو العكس و تصير 4 ليال في باريس و 4 في جينيف و اعتقد انها مناسبة جدا
السيارة لا أنصح فيها في باريس نهائيا لأنك لو سكنت في وسط المدينة كل شي بيكون عندك بالإضافة لو تاخذ الباص السياحي و تقص تذكرة يومين راح يوفر عليك كل شي و ما راح تحتاج السيارة مع العلم ان اكثر الفنادق توفر المواقف بفلوس و صدقني ما راح تحتاجها
شهر 4 الجو فيها حلو جدا و لكن الأسعار غالية لكن العديد من الفنادق تسوي عروض حلوة
بالنسبة لجينيف اطلع بالقطار السريع احسن لك و اسهل لك و اريح
و لو بتروح لجيينيف هناك ممكن تاخذ سيارة علشان تزور المناطق القريبة منها