السلام عليكم ورحمة الله وبركاته
صباح / مساء الخيرعلى الجميع
اولا احب اشكر القائمين على هذا المنتدى الرائع من اعضاء ومشرفين واداريين على كل مايقدمونه من جهود جبارة وخدمة للاجابة على جميع استفسارات المسافر العربي ..
الحقيقة بعد صولات وجولات في هذا المنتدى الرائع لاكثر من اربعه اشهر تم وضع جدول متواضع للسفر الى ماليزيا لقضاء شهر العسل والجدول باذن الله كالتالي :
الطيران الدولي :الخطوط القطرية
مسار الرحلة :الرياض –الدوحة – كوالا -الدوحة – الرياض ( ترانزيت ساعتين )
تاريخ المغادرة :26اغسطس والعودة 5 مارس
الوصول باذن الله يوم26 اغسطس الساعة 8 مساء بتوقيت كوالا
توزيع الايام كالتالي:
اولا:
3 ليالي سلانقور فندق صن واي بيريميد غرفة سوبيريور بقيمة 1745 ريال شامل الفطور والضرايب
الاماكن المقترح زيارتها في سلانقور :
الماينزوندرلاند –حديقة الحيوان ( اعزكم الله ) – جولة في بروتراجايا لمده اربع او خمس ساعات –الالعاب المائيه (للحين متردد)
تشك اوت يوم 29 اغسطس والتوجه الى لنكاوي عبر طيران اير اسيا
ثانيا :
3 ليال لنكاوي فندق لنكاوي لاقون غرفة ديلوكس مطلة ع البحر (غير قابل للاسترداد) بتكلفة 1560 ريالشامل الفطور والخدمة
الاماكن المقترح زيارتها في لنكاوي :
(القرية الشرقيه +التلفريك – الشلالات – حديقة الفواكه – نصب النسر – رحلة الجزر الثلاث )
تشك اوت يوم 1 سبتمبر والتوجه للمطار للذهاب الى كوالا
ثالثا :
اربع ليال كوالا فندق الدورسيت ريجنسي غرفة ديلوكس بتكلفة 1670 ريال شامل الفطور والضرايب
الاماكن المقترح زيارتها في كوالا :
(جينتنق لاند – باص الهوهو– البرجين – المنارة -عالم ماتحت البحار – اخر يوم للتسوق ( ع حسب الميزانية)
تشك اوت يوم 5 سبتمبر والتوجه للمطار والعودة الى ارض الوطن باذن الله
الاستفسارت طال عمركم واتمنى احصل الاجابة الوافية منكم
1) ارائكم واقتراحاتكم على الجدول والفنادق ؟
2 ) بالنسبة لفندق لنكاوي لاقون الملبغ غير مسترد وارسلوا لي الفاوتشر عالايميل . وارسلت لهم ايميل استفسر عن الحجز وقالوا انه الحجز مؤكد لكن للحين ماخصموا المبلغ من الحساب . هل كذا يعتبر مؤكد الحجز ؟
3) بالنسبة للعودة مكتوب في التذكرة وقت الرحلة الساعة 10 هل التوقيت يكون بتوقيت كوالا او السعودية .؟
4) بالنسبة للبوردينق لطيران اير اسيا هل اقدر اني اقصه من الحين عن طريق النت ؟
5) ماهي فكره باص الهوهو هل انه لك وقت محدد في كل محطة وترجع للنفس الباص او انك تقدر تاخذ راحتك في كل محطه ويجي باص غيره . ووش اقرب مكان لقص التذاكر للباص من فندق دورست ريجنسي ؟
6) اذا طلعنا للتمشية ودخل وقت الصلاه هل فيه مساجد نقدر نصلي فيها اناوالمدام ؟
7) بالنسبة لجنتنق انا ناوي اروحها تاكسي عشان ناخذ راحتنا . بالنسبة للتكاسي هل هي متوفرة في جنتنق او اخلي التاكسسي الي وصلني ينتظر ؟ وكم راح يكون سعر التاكسي ذهاب وعودة ؟
8) بالنسبة لشرايح سوا هل تشتغل في ماليزيا ؟ وبالنسبة لخدمة البلاك بيري وشلون تشتغل هناك ؟
9) انا حجزت الفنادق عن طريق بطاقة فيزا انسان من الراجحي والفنادق الي حجزتها ارسلوا لي الفاوتشر على الايميل وكل شئ تمام . بس المشكلة انه البطاقة صارت فيها مشكلة في الشريحة حق البطاقة وطلًعت غيرها بدل تالف وتغير رقم البطاقةالجديده . سؤالي ... اذا وصلت الفندق باذن الله وابغى ادفع باقي المبلغ هل فيها تعقيد ؟ مع انه البطاقة الجديدة بنفس اسمي والقديمة كمان موجوده معي ؟؟
0- كيف يتم الحجز لسفينة الكروز في بتروجايا ؟؟
والعذر والسموحة على كثر الاسئلة
ملاحظة : هذا المستخدم اول مرة يركب طيارة