1. اغلب روحاتي الاخيرة تشري وتمشي اما روحات حق متاحف واثار لا

هلا اختي اول شي رتبي طريقك وبعدها ابشري بسعدك راح ندلك كل الاماكن الي تبينها من الالف إلى الياء
بالبداية باين عليج تبين وساعة الصدر وانك خفيفة وما معاك أطفال تحاتين شيلهم وحطهم
راح اذكر لك احتمالات رحلة بس كنت مأجرة سيارة واتنقل فيها
كان حجزي دمام ميلانو ذهاب والرجعه باريس دمام طبعا مرور بالدوحة لاني رايحه على القطرية
استلمت السيارة من ميلان وساق فينا زوجي
ميلان جلست فيها 3 ايام بعدها لوغانو3 ايام ومشينا لين جنيف وجلست 3 ايام وبعدها المطاف الاخر باريس جلسنا اسبوعين فيها
لان رحلتنا شهر تقريبا المهم جلستنا في باريس كانت الاساسيه بس يكل يومين نروح ديرة
يوم نروح بلجيكا ونرجع نجلس في باريس يومين بعدها نروح هولندا ونرجع بنفس اليوم طبعا نروح نتشرا ونرجع لاني احب اسواق بلجيكا وهولندا واحب مجمعاتها اسعارها حلوة
ويومين اروح لندن وارجع طبعا لندن ما احبها بس اروح حق هاريدز واتبضع منه وبس

اغلب روحاتي الاخيرة تشري وتمشي اما روحات حق متاحف واثار لا

لاني رحت مرة خلاص ما احب اكرر او احس ان ماله داعي مثل ايفل شفته وركبته عام 1994 ماله داعي امر الحين واركبه فرساي نفس الشي اللوفر دخلت شفت الموناليزا وطلعت من مخرج الموظفين وبالاخير الصورة مو الاصلية مزورة والاصل مقفلين عليها بالمخزن عندهم
اذا انتي مزاجك مثلي تمشي وتشري جلسي في باريس وروحي بالقطار يم هولندا وبلجيكا ولندن وخلي تذكرتك على باريس
اما اذا انتي تحبين تكتشفين اكبر قدر ممكن من المدن سوي الجدول الأول
والله يكتب لك الي فيه خير يارب

ما اشاء الله ماقصرت ام سيف
اتفق معها كثير في اللي كتبته
يعني عندك بروكسل قريبة مرة ساعة وثلث بالقطار
ولوكسمبرغ بعد مرة قريبة جنيف ساعتين ونص تقريبا
واذا ودك داخل فرنسا انصحك بدوفيل رائعة ورايقة ...
ولندن طبعا هارودز ولاغيره روعة ...والتسوق فيه غير والله عجيب
واي استفسار ابشري به

مشكورين والله ماقصرتوا
بس انا الي ابيكم تساعدوني فيه ترتيب الرحله يعني اذا بديت في باريس وين ممكن اروح قصدي يعني مدن
يعني ابي احد يساعدني في ترتيب منطقي بالنسبه للمدن الي ازورها
هل ابدا في بارس وانتهي في باريس او بيكون صعب علي او ابد في باريس وانتهي بجنيف او بميونيخ
او ابد في جنيف وانتهي في باريس
يعني كذا
والله يعطيكم العافيه