فايز بغسالة
25-04-2022 - 07:32 pm
السلام عليكم ورحمه الله وبركاته
انا بصراحه اني مستحي منكم ونفس الوقت نفسي تفيدوني عن برنامج حلو
بعطيكم خبر اني اول مره اجي لدبي وجاي عندي دوره في معهد ولحالي:112:
اول استفساراتي :
الدوره تكون في فندق في دبي يقولون لي انه في منطقه اسمها ديره وانا ساكن بنفس الفندق اسم الفندق " ستار بيوتك "
بسألكم عن الفندق ودوراتهم اذا فيه احد عنده خبره.
ثاني استفساراتي :
نفسي اطلع وشوف دبي الي اسمع عنها كثير ونفس الوقت وانا اكتب الرساله هذي والله ان جدول بس بيكون بالفندق لاني وربي مااعرف شي فيها ..... نفسي اذا تتكرمون وش تنصحوني فيه او تعطوني جدول حلو بتكون رحلتي مده من السبت لين الجمعه يعني تقريبا اسبوع....
مع العلم اني .....,,
انسان ماني مطوع مره ونفس الوقت مااحب مثلا المراقص والخرابيط هذي احب المولات والمطاعم والاشياء الترفيهيه الي تكون افضل شي انك تروح لها لوحدك بس ماتطفش
ثالث استفساراتي :
وش تنصحوني فيه بحكم ان لي اول مره اجي لدبي وايش تحذروني منه ؟؟
رابع استفساراتي :
اذا فيه اضافات منكم وانا وربي ماكتبت لكم الا وربي عارف وكلي عشم انكم تبون لاي شخص الخير بالموقع هذا وهذا اول موضوع او مشاركه او اي شي ههه
مشكورين ماقصرتو والله
أتمنالك إجازة ممتعة في دبي ... انشالله بيكوون أسبووع حلو بس يباله شوية ترتيب ...
بالنسبة للفندق ما عندي أي فكررة عنه ... أتمنى حد من الأعضاء يفيدك بخصووص الفندق ...
بالنسبة للأماكن الترفيهية ...
دبي عبارة عن منطقتين ( ديرة + بردبي ) .. المولات في ديرة محدوودة وأفضلها ( الفستيفال سيتي - ديرة سيتي سنتر + اربيان مول ) ...
مولات بردبي أحلى وأرقى مثل ( دبي مول - ابن بطووطة - الامرتس مول - وافي - مركاتو .... )
وممكن تخصص يوم من إجازتك لزيارة الوايلد وادي .. مدينة ألعاب مائية فنانة وحلوة وتستاهل الزيارة ... في بر دبي .. قريب برج العرب ..
وأنصحك بزيارة فندق أتلانتس والاستمتاع بالأكواريوم وتناول العشاء هنااك ... روعة ...
وأقترح عليك بزيارة مركز تايم سكوير للاستمتاع يشرب القهوة الساخنة في المطعم الثلجي ... خياالي وبرد موت ...
وطبعا لا تنسى لما تزور الامرتس موول تزوور السكي ... والاستمتاع بالتزلج على الجليد ..
م ....
بالنسبة للمطااعم ... موجوودة في كل المولات ومطاعم حلووة وراقية .. يعني لا تحااتي ..
دبي أماان لا تخااف ... بس بالنسبة لوسيلة المواصلات ... لو تقدر تتأجر سياارة وتمشي على الخريطة بيكوون أسهلك بكثير .. لأنه بصرااحة التكاسي تعذيب ..
بس لو صعب إنك تمشي على الخريطة فلازم تتصل بالتاكسي قبل نص ساعة على الأقل...
أتمنى أكوون سااعدتك وأتمنى تفاعل بقية الأعضاء .. وأتمناالك إجاازة سعيدة ...
تحيااتي