1. مرحبا إخواني ...

مرحبا إخواني ...

اول شي يعطيكم العافية على الجهد اللي تبذلونه في هالمنتدى، وعساكم على القوة..
اخواني انا بدخل في الموضوع وبكل صراحه،، انا سفراتي قليلة وكل سفراتي ماتعدت الدول العربية ، ومااذكر متى آخر مرة شفت فيها المطار،،وأنا اللحين معزم أسافر تركيا ، ومشكلتي يأخوان أن خبرتي في السفر شبه معدومة ، وخصوصا أن احتمال كبير بسافر بروحي، فسؤالي لكم ، هل المكاتب السياحية تعمل رحلات لتركيا بوجود مرشدين سياحيين ( يعني مثلا الاستقبال في المطار والتوصيل للفندق ويرافقك في الجولات السياحية هناك؟؟؟؟؟!!!) ، فاللي يعرف مكاتب عندها هالخدمات في السعودية يذكرها لي وياريت لو تكون في الشرقية (( اخواني ادري ان ممنوع ذكر اسماء المكاتب السياحية ، بس انا اقصد يعني ترسلون لي اسماء المكاتب ع الخاص او الايميل)..!!
وثاني شي اللي أبي اعرفه منكم ، أني حصلت في موقع سفريات كوم (حجز رحلات سياحية) وهي نفس الفكرة بحيث ان يكون سخص في استقبالك في المطار ويسكنك الفندق ويكون دليلك في تركيا! فاللي بغيت أسألكم مامدى مصداقية هالموقع ، يعني هل أحد جربه من قبل أو هل هو ومعروف بتنظيمه مثل هالرحلات؟؟؟
المهم علشان مأطولها عليكم ، زبدة الموضوع أنا معزم وملزم أروح تركيا هالسنة ، بس بصراحة بحكم جهلي بالسفر وابتعادي عن الطائرات والمطارات لسنوات طويلة خايف اني اروح تركيا واجيب العيد في نفسي اذا وصلت هناك ، أتمنى اني قدرت اشرح لكم مشكلتي وأتمنى أني ألقى الحل عندكم
والسلام عليكم ...