ان شاء الله رحلة سعيدة وموفقة وتسافرون وترجعون بالسلامة
وان شاء الله اهل الخبرة يفيدونك ...

هلا فيك اخوي ..سؤال
بالنسبة للفنادق كم نةجمة 4 او 5 او 3 ؟ وإذا تبي شقة كم غرفة ؟ وكم السعر بين كم وكم

اهلين جسر المحبة
ابي اول يومين في اسطنبول تكون في فندق 4 نجوم في منطقة تقسيم
وبعدين ابي في انطاليا 3 ايام في فندق جنب المعالم السياحية
و2 يوم في منتجع على البحر
وفي طربزون 3 أيام في فندق 4 نجوم
واخر 10 ايام في اسطنبول تكون في شقة غرفتين في منطقة تقسيم
يعني السعر يكون في حدود 20 الف اذا امكن

1. هلا بك اختي ,,

هلا بك اختي ,,

حقيقه البوكنق اضمن مكان تحجزين منه يضمن لك سعر منخفض وموثوق لانه موقع عالمي.. لكن عموما الاسعار اللي ذكرتيها طبعا مبالغ فيها جدا .. ويمكن السبب المكتب السياحي اللي رحتو له او يمكن تأخرك في الحجز ومعروف في الصيف كل يوم يتغير السعر ويزيد ..
اذا هذي اول سفره لكم او ودك تريحين راسك ممكن اساعدك واعطيك رقم شخص في تركيا يرتب لكم كل شي من السكن الى السفر الداخلي الخ .. واضمنه على مسؤوليتي الخاصه لكن اهم شي الله يسلمك انكم تحددون التواريخ بالضبط وتتاكدين انكم مسافرين .. لانه بيروح يدفع عنكم ويحجز لذلك اذا مارحتو تدفعون له قيمه يوم عن كل فندق حجز فيه ..
ميزته انه ماياخذ منكم ولا شي الا اذا رحتو هناك على شان كذا اقولك تتاكدين من وقت الروحه ..
الشي الثاني الله يسلمك واعتبريه اختراح لا اقل ولا اكثر ..
انطاليا في الصيف ماتصلح للعوايل لان اغلبها شواطىء وتسدح وتبطح بهالبكينيات يعني اسطنبول وماحولها احسن بكثير وكذلك توفرون من قيمه السفر خصوصا ان العدد ماشاءالله مش قليل ..
فكري مثلا اسطنبول يلوا بورصه صبنجه ابانت ( بولو ) ازميت وبقيه القرى التي حول يلوا
واسطنبول .. وممكن تروحون لطربزون واوزنقول .. كذا بتكون رحله مثاليه وممتعه اكثر .. لان كثره التنقلات في السفر مشكله ..
بعدين الله يسلمك تسالين عن الفنادق فلنفرض عطيناك كل الفنادق المناسبه كيف بتعرفين السعر وكيف بتحجزين ؟ لازم بالاخير تدفعين لهم بالفيزا على الاقل يوم
لذلك لا تضيعين الوقت اذا ودك تلقين حجوزات .. ولاتنسين ان الاسعار تزيد كل يوم والغرف تروح ..
واتمنى لكم رحله سعيده ان شاءالله

اهلين اخوي
يعطيك العافية على مساعدتك
انا عارفة انه البوكينق موقع موثوق فيه بس المشكله مالقيت شقق والفنادق اسعارها غالية بالحيل
ولو اني لقيت شقة مناسبة للعوائل وسعرها مناسب مو مشكلة بحجزها بالفيزا واطبع الفاوتشر تبع الحجز
بس اذا صاحبك التركي موثوق فيه ويتكلم عربي اعطيني رقمك باخلي اخوي يكلمك وياخذ العلم منك,,بعد إذنك طبعا
ومشكور على وقفتك يااخوي
وهي فعلا اول سفرة لنا لتركيا
قد سافرنا قبل كذة لدول كثيرة بس كان فيه دايما مكتب يساعدنا
بس مدري وش فيه مغليها علينا ذي المرة بزيادة

اسعار غاليه جدا ومكلفه
يمكن الاستعانه بموقع بوكينج والحجز منه والمساله بسيطه كلها ترتيب للرحله وشوية تنظيم
والرجوع الى بعض التقارير في المنتدى ..... كما انصح بما انكم عائله ان يكون السكن في
السلطان احمد افضل من تقسيم من وجهة نظري ...... رحله موفقه .....

أسعار مرتفعه جدا
إلغو أنطاليا من الجدول .... يكفيكم طرابزون طيران داخلي

ايه نعم موثوق ويتكلم عربي واخلاق لابعد درجه .. مولود بالسعوديه ويعرف عاداتنا وتقاليدنا ومحترم لابعد درجه .. ونعرفه من سنين .. يعني بيريحكم بعد الله ويقلل عليكم المصاريف فوق ماتتخيلين .. المشكله الله يسلمك ان مشاركاتك قليله لذلك مقفلين الخاص عليك ..
ممكن الله يسلمك تروحين لقسم الاقتراحات والشكاوي وتفتحين موضوع تكتبين فيه ايميلك و تطلبين منهم ارسال ايميلك لي تحديدا حتى ارسلك الارقام .. الخاص مايفتح الا اذا وصلت مشاركاتك 50