MMS
29-07-2022 - 07:13 am
السلام عليكم ورحمة الله وبركاته
أخواني وأخواتي
توني جاي من الخطوط الأمارتية من عند زميل لي يشتغل هناكوعطاني البرنامج التالي:
الأقلاع من البحرين توقف في دبي ثم المواصلة لكوالالمبور
الوصول لكوالامبور ومن ثم المغادرة الى بينيغ
ثلاث ليل في بينينغ في فندق موتيارا بيتش
ليلتين في سن واي لاقون
ليلة في جينتغ مدري وش اسم الفندق او بمعنى اصح نسيته
خمس ليال في فندق شانغريلا في كوالالمبور
العودة الى دبي والمبيت ليلتين في فندق شانغريلا
الرجوع للبحرين
السعر 15550 شامل اسعارالتذاكر الداخلية وخدمة التوصيل من المطار الى الفندق والعكس
وش رأيكم بالأسعار والبرنامج وهل هناك نصيحة للتعديل او خلافه
الله يرضى عليكم انصحوني هل اتوكل على الله ام اغير البرنامج علمآ بانني مع زوجتي وطفل ثلاث سنوات
حياك الله أخوي Mms ...
أخوي البرنامج يبيله ترتيب شوي ...
في البداية أعتقد صعبه بعد عناء الرحلة تنزل في كوالا وتاخذ طائرة ثانيه لبينانق فالأفضل تريح يومين في كوالا أو في أحد الفنادق المشهورة في ضواحيها ...
ودامك مختار صن واي لاقون ... أجل خل أول ليلتين فيها
بعدين بالطائرة لبينانق
موتيارا أفخم المنتجعات الموجودة في بينانق والأفخم على شاطئ باتو فرينجي على الإطلاق ... يعيبه شيء واحد وهو بعده عن السوق الليلي ... مع العلم إن بعض الإخوان يعتبرها ميزة وبالأخص اللي رايحين شهر عسل ويدورون الهدوء والرومانسية ومالهم في التسوق ....
العودة إلى كوالا والتوجه إلى جنتنق والمبيت ليلة ويفضل فندق جنتنق .... (( مع العلم إني ما أفضل السكن فيها ))
بعدها خمس ليال في شانقريلا كوالا .... الفندق ممتاز ولا عليه كلام وخمس نجوم ...
بس ترا الفندق مو على شارع العرب ويحتاجلك تاكسي اذا بتروح لشارع العرب .... أو ممكن تاخذ القطار المعلق المونوريل له محطه قريبة جداً من الفندق ...
طبعاً هالخمس ليال تقدر توزعها على :
يوم تخصصه لزيارة مرتفعات بوكيت تنقي ..
يوم للماينز بما إنك سكنت في الصن واي لاقون ...
يوم لأفاموزا
بقية الأيام داخل كوالا ( أسواق وحدائق وأماكن سياحية )
ملاحظة : عيب البرنامج إنه ما يحتوي على لنكاوي
بالتوفيق إن شاء الله