عليكم السلام ورحمة الله وبركاته
حسب تواريخك عندكم 13 ليله 14 يوم بس تحسب بالليله
والأفضل لو تحددون المناطق اللي تبون تزورونها ولكن دامك ماحددت فأشوف الجدول الأنسب
ليليتن سيلانقور -- 3 لنكاوي -- 3 بينانق -- ليلتين جينتنق -- 3 ليال كوالالمبور
ممكن تلغون جينتنق قريبه من كوالالمبور ممكن زيارتها من الصبح للمساء ولا يوجد فيها
إلا ملاهي والعاب و جو بارد جميل و توزع ايامها يوم لبينانق و يوم لكوالالمبور
والفنادق
سيلانقور -- ريومز فندق جديد وحلو و مناسب للميزانيه الإقتصاديه و إن بغيتوا افضل البيراميد
لنكاوي -- فنادقها الزينه مرتفعه اسعارها جربوا البلانجي لو ناسبكم سعره او الموتيارا سعره إقتصادي ومستواه مقبول
بينانق -- الهوليدي إن او الباي فيو بيتش
جينتنق -- فيرست ورلد غرف كلوب
كوالالمبور -- قريب شارع العرب بارك رويال او دوريست ريحنسي او ميليا هوتيل قريب التايم سكوير
وفيه ارخص مثل فيوراما جديد و حلو ومش بعيد من شارع العرب حدود 7 دقائق مشي
والصرف الأفضل تصرفون نصف المبلغ للرنقت و تخلون معكم كاش سعودي او كويتي
و إذا احتجتوه هناك تصرفون من اي محل صرف و يكون معكم بطاقات صراف يكون فيها مبلغ
إحتياط متي ماحتجتوا تصرفون من اي صراف يكون عليه علامه نفس العلامه الموجوده علي
البطاقه مثل علامة فيزا و بلص و ماستركارد وغيرها من العلامات بس دائما لو بغيتوا تصرفون
من الصراف حاولوا تصرفون اكبر مبلغ لأن علي كل عملية صرف يسحب البنك عموله حتي لو 100 رنقت