السلام عليكم اخوي انا حاجز في 512 على جاروده الخطوط السعوديه فل وخدمتهم الله بلخير
انصحك ترووح اول يوم لجاكرتا ووبعدين تروح لبنتشاك الجبل فيه فلل حلوه عند كنتاكي لو تسال عن كنتاكي يدلونك وهناك تلقا ناس يخدمون السياح واي فله تاخذها يعرضوون لك الخدم تبي ولا لا
واسعار الشقق من 350 الف الى 400
وتراى سوربايا حلوه انصحك فيها تبعد الف كيلو عن جاكرتا يعني بطياره ساعه ونص والله يوفقك عاد عندهم الحزه امطار زينا برياض يالله مووفق سلام

يعطيك العافيه
انا ياخوك مثلك طالع يوم14 او15 -12 بس ملقيت حجز فول على الموعد الى ابيه ولقيت على السعوديه بس غاليه 3600واول رحله لى لاندنوسيا قلنا نجرب وخايف ماتصلحلى وتندم بس معاى اربع شباب طالعين يعرفون الديره وهم الى شجعونى
دايم الرحلات غرب المره ذى بنخليها شرق ونشوف يمكن نثبت البوصله عليها

1. اختر الفيلا على حسب التالي:

هلا اخوي وبشر بعزك ان شاء الله اني اقدر اساعدك بس هدي اعصابك. اما من ناحية الشباب صدقني انهم راح ينبسطون كثير حتى لو ان الجدول راح يتخربط.
اول عليك تزور هذا الرابط. اللي انا كتبته قبل مده في هذه البوابه وان شاء الله تستفيد منه:
https://artravelers.com/p/re/227142
من ناحية الخطوط فا عندك الخطوط السعوديه ايضا دايركت. واذا تبي ترانزيت ياالطيب عليك انك تتاكد من مدة المكوث في المطارات وخصوصا في الرجعه. لان طياران اتحاد الامارات في الرجعه من جاكرتا راح ينزلك في ابوظبي اجباري وراح تنلطع تقريبا 7 ساعات فا الله يعنك...هذي النقطه حبيت انبهك عليها.
شوف ياالغالي انا سافرت في الصيف اللي فات شهر سبعه 2008 تقريبا كانت مدة الرحله 20 يوم. بس والله اني تحسفت كثر شعر راسي لاني ما زمددت وصلتها الى 29 يوم.بس انشا ءالله السفره الجايه راح اجيكم باالرياض واسوي فيزاء من السفاره الاندونيسيه لانهم يعطون فيزاء شهرين. يعني احسن من المطار كخ
اما انت فانا انصحك اذا قطتكم قويه انكم تزيدون عدد الايام "لان الديره غير وخصوصا الجبل" الجو هناك حلو وروعه. يعني ياليت انكم تخلونها من 20 يوم الى 25 يوم مدة اقامتكم وخصوصا انكم اول مره. وعلى فكره الفيزا من مطار جاكرتا مدتها شهر بس. انتبه لا اطوف وتدخل في متاهات كثير ويحطونك على البلاك لست.
اخوي اذا تبي نصيحتي انا افضل حاكرتا بالي الجبل ثم جاكرتا. يعني اول ما توصل تريح يوم في جاكرتا وبعدين تشوف لك رحله على بالي عن طريق مكتب كاها اللي في شارع رادين صالح "مطعم اميره" نعم مطعم اميره لان موقع مكتب كاها داخل المطعم.
وتحجزلك على اقرب رحله متجه لبالي مع السكن +" السائق اللي راح يوصلكم السكن وبعدين يرجعكم الى المطار. والمده هناك 4 ايام وحاول انها لا تزيد عن 6 ايام.
ومن مكتب كاها اللي في مطعم اميره احجز رحله من مطار بالي الى باندونق تراها منطقه حلوه وفيها مجمعات رخيصه وزينه بعد. وقريب منها مسابح المياه الحاره الكبريتيه. بس حدها ترى 2 فقط.
بعدها خذلك تكسي من باندونق الى الجبل تقريبا 3 ساعات واذا فيها زحمه 4 ساعات "الطريق حلو ورهيب واذا انتم شباب راح تستانسون" وايضا تقدر تحجز عن طريق مطار باندونق الى جاكرتا والمده ساعه تقريبا.
ومن جاكرتا خذلك تكسي الى الجبل واتفق معاه على انه يوصلك الى الجبل وما يخليك الى اذا حصلت فيلا. وسعر التكسي تقريبا 400 الف. الله باالمكاسر يابو الشباب
الجبل وما ادراك ماالجبل كل شي فيه متوفر من سائقين وخدم يتحدثون العربيه وبطلاقه. يعني لا تخاف.
فيه مكتب لخونا سلطان المزيد "شاب سعودي مستثمر ..شقردي على كيف كيفك" راح يسنع امورك كلها اذا تبي مثل: عنده فيلل زينه وفخمه مع المسابح +صرافه +سيفتي بوكس لحفظ الجوازات+سائقين جيدا+خدامات+وسيارات +وكل شي تبيه"
وترى على فكره الامور ليست بصعبه هناك. يعني سائق التكسي اللي انت طلعت من جاكرتا او من باندونق هو يقدر يفر فيك على الفيلل لما تحصل الشي الزين.
من ناحية الفيلل نصيحه اخويه. لا تاخذ اي فيلا الا لما تتاكد انها نظيفه وراقيه.
ابعد عن السكن في المجمعات في الجبل لان مافيه اي خصوصيه ..يعني راح تحصل فيها ازعاج كثير من شبابنا الله يهديهم.

اختر الفيلا على حسب التالي:

• يكون لها بوابه خاصه
• مدخلين "مدخل لك رسمي ومدخل لشغاله"
• يكون فيها حارس او حارسه.
• تتكون الغرف على عددكم
• يكون في كل غرفه حمام..........افضل
• يكون الفرش نظيف
• فيها حديقه +مسبح "بس الجو بارد الان"

وتروح وترجع بسلامه ان شاء الله. ولا تنسى تاخذ معاك كاميرا ديجتل +كاميرا فيديوا. لتقرير الزين
وشكرا

مهنده
يعطيك 1000 عافيه واشكر مرورك
بس الي سمعته يقلوون الخطوط السعودية تنزل لسنغفوره امس انا عندهم وقيمتها 3880الف ريال

almubd3
مشكور حبيبي قلبي
والله كل العالم يمدحوونها مدري عنهم خلونا نجرب ونشووف يارب تكون حلوه

ابوفهد 2008
اخوي ابو فهد مشكور ع كل كلمه كتبتها وفي كل حرف ان شاء الله حسنه يارب
بس اخوي واخواني الاعضاء اهم شي النت تكفوون النت النت النت
ابشرك كاميرا ديجتل موجوده الفديو موجود
بس الله يعينكم اذا رجعت ماعرف اسووي تقرير مثل الشباب ع طول بحط الصور وبطقطق معكم شوويت تقرير وابشرو من هناك ان شاء الله بتقرير وانا هناك
وثااني شي اي احد يبي شي او شي لا يرده الا كيبورده قصدي لسانه

ايه صح شباب انا سمعت ان موبايلي مسوي عرض الحين ع التجوال احد جرب الكونكت هناك
وهل اندونيسيا من ضمن العرض الي مسووينه
واهم شي تكفون النت النت النت

النت متوفر في جاكرتا كثير. حتى انا اغلب الفنادق والشقق المفروشه حاطين خدمه ويرلس. اما الجبل فكل الفيلل اللي مريت عليها مافيها نت.
النت موجود عن اغلب المحلات اللي تقدم خدمات لسياح. مثل مكتب اخونا سلطان المزيد وغيره.
نبيك سالما وغانم ان شاء الله.
بس تكفى لا يفوتك الخبز والزبادي واللبن الاندونيسي باالجبل. واخ على تيوسهم بعد.
دق على شركة موبايلي الرقم المجاني واسالهم. بس انا افضل انك ما تستخدم اي شبكه سعوديه هناك.
وشكرا

ابوفهد 2008
مشكور اخووي ابو فهد حبيبي واذا ممكن تعطيني رقم سلطان المزيد
ومكتب مدري وش اسمه بس الناس تمدح كاها هاكا مدري والله وش اسمه