ابوشرق
21-05-2022 - 06:39 pm
السلام عليكم ورحمه الله وبركاته
صبحكممسائكم الله بالخير
الموضوع يا إخواني
انا واحد بإذن الله العيد هذا بطلع لمصر لإول مره معاي شخصين
المهم دورت لين فر راسي بالحجوزات مالقيت شي على شرم الشيخ كلها فول اوكي ماعلينا جربنا القاهره
لقيت حجز واحد بس صراحه بتلعب بالميزانيه لعب فقلت ادور شي ثاني نصحني واحد من العيال على طيران سماا ..؟؟؟!!
قلت نجرب لقيت عندهم عروض اشوف خياليه بقوه ..؟ مدري تشاركوني الرأي الذهاب طبعا من الرياض الى الاسكندريه ب300 ريال فقط والرجعه نفسها للرياض ب475 يعني المجموع 775 ريال ..؟ صراحه انصدمت بالمبلغ حاولت بدلت لقيت المبلغ زي ماهو الحين عليه عرض طبعا من الشرقيه كلها خلصت فول
سؤالي ياإخواني انا ماجربت سما للرحلات الدوليه جربتها مرتين داخليه مظطر وحده اوكيه والثانيه تاخرت بس ساعه ونص
المشكله تصير الطامه الكبرى ويكنسلون الحجز بكبره او يأخرونه يوم يوميين هذا الخوف ..؟
الشي الثاني انا قررت اني اعيد بالشرم واتمشى قبل العيد بالقاهره فرتين هيك على حسب كلام اخوياي الي قد راحوا نصحوني وقاالو الشرم الشرم الشرم ثم القاهره يوميين وتخب عليها صراحه احترت بس انا ابي اعرف الحين لو طلعت على الاسكندريه هل بلقى وسيله مواصلات بينها وبين القاهره والشرم عشان وقت الرجعه ماتوهق ..؟ ارجو للإهل الخبره والمعرفه تزويدنا بالملعومات الكافيه عن جميع الوسائل المتاحه وعلى كلام الناس ومدحها في اعضاء منتدى المسافرون العرب ..؟ ماظن بترودني خاايب ..؟ بس رجاء بسيط السرعه بالرد لن بكره لازم احجز كل شي قبل لاتطير الرحله علي تكفون
نداء بسيط للإخ / الشايب العاشق
ماشاء الله تبارك الله عليك >>> متابع لمواضيعك وردودك لاتنسانا من نصائحك الطيبه
وإن شاء الله ان كتب الله الروحه ابشروا بإحلى تقرير واحلى صور
بس بخصوص المواصلات من الاسكندريه للقاهره متوفره بكثره فيه القطارات اللي كل ساعه او ساعتين رحله فيه الاسباني وفيه التوربيني واحجز تذاكر درجة اولى افضل لك تقريباُ ب60 جنيه اذا ماخاب ضني وبالنسبه لشرم من القاهره فيه الباصات السياحيه تقريباً 6 ساعات بحوالي 50 جنيه وفيه طيران خطوط مصريه ساعه الا ربع وتقريباً ب600 جنيه رائح جاي
اتمنى اكون افدتك والاخوان والاخوات بيفيدونك اكثر
وان شاء الله تكون رحلتك سعيده وموفقه وتوصل بالسلامه ان شاء الله