اللي يبغى يساعدني .. بقوله على شغلة :
انا ما ابغى اجلس في المدينة كثير .. ابغى اجواء حلوة و ربيع .. و امطار ..
موش مشكلة ازور أي مدينة عشان اتسوّق .. قبل نرجع للسعودية بيومين .. باقي الايام .. ابيها تكون خارج المدينة .. فقط اشجار و حدائق
الهمّة يا اخوان .. اخوكوو مزنوء

1. اول شئ تحدد تاريخ سفرك ,,,,

عليكم السلام
صباح الخير و المسرات
مبروك الزواج مقدما ....
لا تحاتى و تشيل هم السفر الى ماليزيا .....
دولة مريحة و متروسة عرب و خليجيين كانك فى البطحاء والثميرى ( بس بألوان خضرة )

اول شئ تحدد تاريخ سفرك ,,,,

ثانى شئ و الاهم تحجز تذاكر خطوط الطيران المناسب لك و القريب من مدينتك ( الرياض ) مع انى افضل الطيران الماليزى لسعر التذاكر المناسبة و الخدمة المميزة للضيافة ( الاقلاع اما من الدمام او جدة )
ثالثا 12 يوم يعنى تطلع 11 ليلة فترة مناسبة لزيارة معظم مدن و جزر ماليزيا المشهورة مثل سيلانجور - لنكاوى - كوالالمبور - بورت ديكسون اما جزيرة بينانج ممكن تتغاضى عنها لرحلة قادمة اخرى بحكم انت مسافر للاحتفال بايام الزواج
فمقترح جدول رحلتك سيصبح كالاتى :
2 يوم سيلانجور الاقامة فى فندق امباير صوباج او فندق صنواى لاقون براميد - ثم الانتقال جوا (آسيا اير او الماليزية ) الى لنكاوى حوالى 55 دقيقة عن طريق مطار الداخلى lcct
3 يوم جزيرة لنكاوى و الاقامة فى اشهر فندق للعرسان فندق ويستن لنكاوى - غرفة مطلة على البحر و بعدها الرجوع الى كوالالمبور ......
4 يوم كوالالمبو و الاقامة فى فندق تريدرز بالقرب من البرجين بعدها الانتقال الى منطقة بورت ديكسون بالتاكسى قرابة الساعة و النصف .....
الذهاب الى مرتفعات جنتق صباحا و العودة مساء
2 يوم بورت ديكسون و الاقامة فى منتجع لجند فيلا بمسبح خاص و من ثم الرجوع الى الوطن
توقعى للميزانية لمدة 12 يوم شاملة التذاكر و الفنادق و المصاريف فى حدود 15000 الى 20000 ريال
تزيد او تنقص الميزانية على حسب تحديد لسقف الميزانية ( مرتفع - اقتصادى ) و اختيارك لخطوط الطيران و فخامة الفنادق و درجة ضبافتها و اهم شئ الموقع و تنوع الزيارات و الجولات الى المعالم السياحية و المواصلات
اقترح بقراءة دليل ماليزيا الشامل و المواضيع المثبة و تقارير الاعضاء و لا تنزعج بكثرتها فافضل وسيلة التدوين
دون و سجل ما تراه مهما لبرامج رحلتك
اتمنى انى افدتك و لو بالقليل
رحلة زواج سعيدة

الأسفار متعتى
الله يبارك بعمرك .. و يسعدك .. وعسى الله يوفقك دنيا و آخرة ..
قسم شوي وانفجر من الوناسة .. لقيت من يوجهني .. عسى الله يكثر من امثالك ..
ما دامها بهالبساطة .. بدخل الموضوع اللي اشرت له .. وبسجّل ملاحظاتي...
لا خلا ولاعدم يا الغالي ،،

الأسفار متعتى
يوه .. نسيت .. قسم من الفرحة انخبصت .. توقعت محد راد علي ..
.. لكن ما دامك جاوبتني .. ابنشب لك ..
ذكرت اسماء الفنادق في ردك .. طيب .. هل اقدر احجزها من هنا .. من السعودية ؟
السؤال اللي بعده :
تنصح آخذ كاش معي .. والا اطلّع فيزا واحط كامل المبلغ فيها ..
ومعليش على السؤال اللي إلى حد الآن ما ادري وش عنده ؟
هل اقدر استخدم بطاقة الصراف العادية في ماليزيا .. والا لازم فيزا ..
السؤال اللي بعده " و يا صبرك علي "
هل النصب منتشر عندهم .. والا .. منضبطين .. وهل لازم بقشيش عشان يخدموني ؟
السؤال الأخير " وخلاص توبه ما عاد اسأل " :
الخطوط الماليزية .. دايركت والا فيها وقفات طويلة ؟
.
.
هذا اسئلتي .. وحتى لو ما تجاوب .. عندي لك دعوة .. طيبة جدآ
استلمها :
عسى الله يزوجك كانك عزوبي .. وكانك متزوج .. الله يزوجك الثانية
ولا تنسى تطفي الجهاز اذا داهمتك الهيئة وانت تصفح موضوعي

أهلا وليف
صحبك الله بالخيرات والبركات وتمم لك العرس بالتوفيق والمسرات
ماليزيا هي ديرة العرسان ولما تروح هنك راح تحس إنك بالسعودية من كثرة ماتشوف العرسان والعبايات في كل مكان
فلا تحمل هم ولا تخاف ولا شيء
كل المطلوب منك أن تستعجل الآن وتدور لك حجز لأن الخطوط معظمها فل من زمان
السنة هذي كل العالم متوجهة على ماليزيا خبك مصر وسوريا هذي السنة ماتصلح فكل البشر طالعين زيزا
فأول شيء دبر لك حجز على أي خطوط وبعدين تعال وابشر بنرتب لك احلى وأجمل برنامج للعرسان
بالنسبة لأسلتك اللي طرحتها:
1. بالنسبة للفنادق والطيران الداخلي نعم الأفضل لك تسوي كل حجوزاتك عن طريق الإنترنت قبل ماتسافر
وكل اللي تحتاجه بطاقة إئتمانية إذا ماعندك بطاقة ممكن تقدم على بطاقة الراجحي تسوق وتستلمها في نفس اليوم
تفضل هذي مواقع حجز الفنادق الموثوقة والمجربة اللي كلنا نحجز عن طريقها:
أسياترفل
http://www.asiatravel.com
بوكنق
https://www.booking.com
أقودا
http://www.agoda.com
2. بالنسبة للفلوس الأفضل لك تشحن البطاقة علشان لما تصل هناك تدفع الفنادق عن طريقها وبقية المبلغ حق المصاريف
خذه معك كاش من هنا حول من ريال إلى رنقت وخذ معك كاش وأيضا إذا عندك حساب في الراجحي يمكنك تسحب من هناك بواسطة بطاقة الصراف العادية لأن الراجحي له صرافات هناك عادي تسحب من حسابك كأنك في الرياض
3. تمت الإجابة عليه في 2
4. مافيه نصب في ماليزيا ربما يوجد بعض أصحاب التكاسي طماعين سوي لكن شعب منضبط وحبوب جداً والبخشيش ماهو منتشر عندهم.
5. الخطوط الماليزية أساساً ما لها رحلات من الرياض إلا في الصيف وهذي أول سنة فاتحين خط مباشر الرياض - كوالالمبور
حاول تحجز لو لقيت
خلاصة الكلام إنك لازم تدبر لك حجز بسرعة لأنك تأخرت كثر في الحجز العالم حاجزة للصيف من 4 شهور !
تمنياتي لك بالتوفيق وبانتظارك لما تجيب الحجز .. موفق إن شاء الله

يوه .. نسيت .. قسم من الفرحة انخبصت .. توقعت محد راد علي ..
.. لكن ما دامك جاوبتني .. ابنشب لك ..
تواجدنا فى المنتدى لنشبة الحلق .... عادى متعودين ..... و الشباب الباقى ما بيقصروا معاك ....
هل اقدر استخدم بطاقة الصراف العادية في ماليزيا .. والا لازم فيزا
الفيزا افضل لك ولها قبول فى اغلب المتاجر و المولات اما البطاقة العادية بعض المحلات لا تتعامل معها ...
هل النصب منتشر عندهم .. والا .. منضبطين .. وهل لازم بقشيش عشان يخدموني ؟
ماليزيا بلد آمن .. ولكن الحذر واجب ,لا تظهر النقود بشكل لافت للنطر لكى لا يطمع فيك السراق و ضعاف النفوس
و البفشيش موجود و لكن على حسب علمى فى نطاق ضيق ( الخليجيين من عود الشعب الماليزى على البقشيش )
السؤال الأخير " وخلاص توبه ما عاد اسأل " :
الخطوط الماليزية .. دايركت والا فيها وقفات طويلة ؟
يا رجل استغفر الله راح تسافر ماليزيا اول مرة و هذا آخر سؤال !!!
تفضل و خذ راحتك الموجودين فى هذا المنتدى يستقبلون اسئلتك بصدر رحب ...
الخطوط الماليزية الان فى خط دايركت من جدة و ترانزيت دبى تطلع من الدمام, و زى ما تفضل بوأنس سوف يفتح خط تطلع منه من الرياض ( اتصل عليهم و تأكد ) و استعجل امورك بالحجز ما عاد فى وقت !
عسى الله يزوجك كانك عزوبي .. وكانك متزوج .. الله يزوجك الثانية
ولا تنسى تطفي الجهاز اذا داهمتك الهيئة وانت تصفح موضوعي
ابشرك قاضى و منتهى و عندى من العيال ......
قول ما شاء الله ...
والهئية اخونا و احبابنا و لو شفتهم ادق لهم سلام ..... !!!
اتمنى لك رحلة سعيدة

المغادرون 2007
يا رب توفقه وين ما يولّي وجهه .. قسم انشرح خاطري فوق ما تتصوّر بزيارتك انت و البرنس : الاسفار .. عسى الله يطوّل بعماركم و يرزقكم الذريّة الصالحة ..
ابشر ابحجز يوم السبت و برجع للموضوع عشان تنصحني وش اسوي عقبها .. ناشب لك انت بعد ناشب لك
تراني حقنة ... ومحد قالكم تردون علي

الأسفار متعتى
ههه
الله ينوّر دربك .. حناا نسمّي ام العيال " الهيئة "
و علُم يا برنس ...