انا شيكت على فندق قراند وكان فيه امكانية وعلى فكرة انا مسافر يوم 7 / 8

فندق الجراند موجود فيه حجز بتاريخ 6 - 8
https://www.booking.com/hotel/at/grand-zell-am-see.html?aid=1300939

الله يبشرك بالجنه مثل ما بشرتني بس المشكله ماعرف احجز عن طريق موقع booking وفي نفس الوقت متخوفه منهم

موقع بوكنج ادخل اللغة العربية ضمن حجوزاتهم

https://www.booking.com/searchresults.en.html?aid=1300939
وهذي فنادق في زيلامسي غير جراند متوفر فيها حجز تقدرين تختارين الانسب لج ..

مشكلتنا ان احنا عائلتين عائلة تتكون من شخصين والعائلة الثانية من 3 وعلى ما سمعت ان لازم ناخذ شقه لثلاثة يعني ما يصير نحجز لشخصين وفالاخير نطلع ثلاثة
شرايك بهذا اذا عندك خلفية https://www.booking.com/hotel/at/pension-andrea.ar.html?aid=1300939

1. صدقيني اختي تعاملهم قمة فالتعاون وما بيهدونكم الا وهم مسكنينكم...


2. اسم الشقق سن سنو جولف.....sun snow golf

لحظه اختي لا تحاتين ولا تتوهقين...
انا توني راجع من النمسا بخبرج شي وان شاء الله ترتاحين...انا كنت حاجز في فيننا شقه قبل سفري بشهرين ويوم وصلت لقيتها غير اللي فموقعهم ووياي عيالي 5 والمدام يعني 7 اشخاص
لا تكييف ولا اثاث ولا شي
المهم قلت ما بسكن قالوا عادي اذا حصلت سكن تقدر تروح وعلى طول على مكتب الانفورميشن وخلال 10 دقايق والا انا حاجز بفندق هيلتون الدانوب...
يعني اذا ما لقيتوا سكن لا تحاتين من توصلون زل ام سي بالسلامه وقفوا عند مكتب الانفورميشن يرمز له بحرف i عند مكتب الشرطه وخبروهم كم عددكم ومليون بالمائه وخلال دقايق الا وملاقين لكم سكن...

صدقيني اختي تعاملهم قمة فالتعاون وما بيهدونكم الا وهم مسكنينكم...

وعندي بعض الاقتراحات لكم فيه شقق ينقال لها الفيتال vital نظيفه جدا والحرمه اللي تديرها متعاونه جدا مريت عليها وعرفتني مع اني كنت ساكن عندها من 3 سنوات بس شويه بعيده عن السنتر اذا عندكم سياره يعني كيلو وشوي يمكن اقل من دقيقتين من السنتر بس شوية غالية...
واذا عندكم سياره ارجوكم اسكنوا فالكابرون ارخص واهدأ من زل ام س وهيه تبعد 6 كيلو عن زل امسي يعني 6 الى 8 دقايق والا انتو بوسط زل ام سي
وفيه شقه سكنت فيها بتاريخ 15-16-17/7/2009 قبل اسبوعين فالكابرون نظيفة جدا وتكلموا عنها الاخوان فالمنتدى وفعلا الشقق نظيفة جدا واللي تدير الشقق اسمها انجليكا محترمه جدا وخدومة جدا ممكن تحجزون بالتيلفون ولا تبي منكم حتى رقم الفيزا تعاملها جنتل الصراحه...

اسم الشقق سن سنو جولف.....sun snow golf

اتصلوا ابها وان شاء الله بتلاقون عندها واللي كانوا ساكنين عندها كلهم كانوا عرب من السعودية واحنا من الامارات وفيه عراقي يعني بترتاحون ان شاء الله واي شي انا حاضر اختي انا عندي رقمها بس مب مسموح نحط ارقام فالمنتدى اظن واذا بيسمح لي المشرف بيمو ممكن احط لج رقمها وتكلمينها فالحال...

يزاك الله خير صراحه ريحت قلبي بس ياليت تعطيني رقمها عشان اكلمها الحين واذا المشرف ما راح يسمح لنا ياليت تطرشه لى عالخاص واكون شاكرة لك
وهل تتكلم انجليزي والا شنو ؟؟

تتكلم انجليزي بطلاقه انا كنت بميونخ وكلمتها الساعه 10 صباحا الساعه 3 احنا كنا ساكنين عندها...ان شاء الله تلاقين حجز بس عندكم سياره ولا لأ؟