neno_301
وأي خدمة ثانية ماراح نقصر معاك..
وبالتووفيق..

الاخ أحمد كفى ووفى
بس الاسعار بشكل عام غالية وكل مالها ترتفع
وبالتوفيق

مبروك مقدماً
اول شي بالنسبه للفيزه زي ما قالوا لك الأخوان ما تحتاج
ان شاء الله انك ما تحتاج لتأمين صحي ولكن للإحتياط سوي لكم تأمين بس ما اعرف بصراحه وش افضل شركة
وبالنسبه للمعيشه غاليه نوعا ما يعني مثلاً قارورة المويه الصغيره تقريباً ب 3 ريال يعني حط في بالك انها غاليه واحسب حسابك على هالشي
بالنسبه للبرنامج ياليت ترتب امورك قبل تمشي من ديرتك عشان تعرف وين بتروح لأن المده قصيره وغير كذا انت بشهر عسل يبي لكم تتدلعون شوي مو تسحيب على مكاتب السياحه هناك
وانا ارشح مدينة كوينز تاون بقوه مدينة رهيبه بصراحه من كل النواحي لا تفوتها عليك ويبي لها اتوقع 5 ايام
كريست شيرش ما انصحك تجيها لأن ما فيها شي يسوى مدينة ما تنفع الا للدراسه بس
الويك اند الجاي رايحه ان شاء الله اوكلاند والويك اند اللي بعده ما بعد حددنا على وين في كل الأحوال راح اوافيك ان شاء الله بالأخبار اذا يستاهلون تروح لهم او لا
والله يوفقك

انا بعد ارشح مدينة كوينز تاون تعتبر هي المدينة السياحية اللي عندهم
والمناطق اللي حولها خياليه تعرف شلون خياليه
وفيه منطفه حولها مصنفه من افضل مناطق العالم المشكلة اني تسيت وش اسمها
الزبدة انك تروحلها يوم كامل تطلع من كوينز تاون على ما اعتقد بالباص للمنطقه اللي نسيت وش اسمها
ثمن تركب قارب ويمشيك يوديك اماكن ومناظر جميلة جدا جدا
وللمعلومية البلد غاليه شوي بالذات كوينز تاون مو ذاك الفرق عن باقي المدن لكن انت احسب الدولار ريال وترتااح

وبالنسبه للمعيشه غاليه نوعا ما يعني مثلاً قارورة المويه الصغيره تقريباً ب 3 ريال يعني حط في بالك انها غاليه واحسب حسابك على هالشي
الاخ اعتقد يقصد 3 دولار .. لانه هذا سعرها الفعلي وبعض المحلات تبيعها ب 4.20 دولار
وخصوصا المعيشة غاليه عندنا بالعاصمة ولنغتون
وفيه منطفه حولها مصنفه من افضل مناطق العالم المشكلة اني تسيت وش اسمها
الاخ يقصد ملفورد ساوند Milford sound

وهي اجمل مدينة في العالم في رياضة المشي لما تتمتع فيه من طبيعه خلابة
بس لاتنسى ان الوقت شتاء اوعلى نهاية الشتاء بالنسبة لتوقيتك
لكن هذا لا يعني ان المنطقه دافئة
حط ببالك ان البرد مستمر والامطار مستمرة
مايحتاج تأمين
وبالنسبة لطلعاتك ورجعاتك المكاتب هنا تنسقها لك مجانا كخدمة للسيّاح
والميزة بهالمكاتب انك تحاسب عن طريقهم كل شئ

الله يعطيكم الف عافيه على المرور يالغالين ومشكورين على النصائح
راجاء خاص الي عنده معلومات جديده لا يبخل ( لا تنسون انا شهر عسل يعني لازم ادلع نفسى )
وبصراحه ماني عارف كيف اشكركم

الاخ حساس شكراً على التصحيح
صحيح المويه ب 3 دولار مو ريال عذراً على الخطأ المصبعي

اي ملفرت ساووندانت وين ساكن؟

هلا mhm
انا من سكان العاصمة
Wellington
وكنت سابقا في كرايست شيرش