الفلبينين اهل كتاب ( مسيحين ) ويجوز أكل دجاجهم

أبو جوري
اخواني الله يعافيكم انا عندي سؤال وابي الجواب تكفون بدون ماتقولون راجع المواضيع ولف وشووف بالمنتدى
لأني انا الان لي 5 ايام بالفلبين...ولا اكلت شي غير خبز ولا فواكه وشي بسيط
انا سؤالي هو انا الناس تقول كل من المطاعم الهندية وماكدونلز...
بالضبط ابغى اعرف يجوز اكل الدجاج واللحم حقهم حتى لو ماكان مذبوح حلال
يعني انا اقصد المطاعم زي تشيليز وفرايدي وماك...واغلب المطاعم
لحد يجني ويقول مايستخدمون دهن خنزير او لحم خنزير...انا اقصد لحمهم يجوز اكله حتى لو مو حلال
لأني مت جوع انا واهلي هناك؟؟؟
مرحبا اخي وان شاء الله تكون بخير انت وعائلتك
بالنسبه لهذ الامر حسب ما اعرف انه يجب عليك السؤال عن طريقه الذبح ان كانت بالقتل واو الصعق لايجوز
تراني ماني مفتي لكن هذا الي اعرفه
ولو انت خايف روح مطعم القدس في مابيني
مطعم جيد والى تقوم عليه وحده مسلمه ان شاء الله يعجبك
وايضاً اسألها عن محل بيع التويس والدجاج الحال راح تدلك عليه وهو قريب منها
وليش تموت من الجوع وعندك مطاعم الاكلات البحريه كثيره جداً ومنتشره في انحاء مانيلا ing:
اتمنى اني اجبتك بالمفيد ولما ترجع استفتي شيخ واسأله
اخوك الساحر

الصراحه هذي اول مره ادخل بوابة الفلبين .... شفت عنوانك ... والفضول جبرني
اعرف ليش ميت من الجوع ...
لاتاكل لحوم موحلال ... لانك مراح تستلذ فيها... ولا نفسك راح تشتهي ....
شوف محلات السي فود ... واطلب ربيان وسمك مشوي بدون اي دهون
و اذا تحبه مقلي اسال بنفسك عن نوع الدهن اللي يستخدمونه ....
وهالكلام لماكدونالد ... شوف نوع الدهن وتمتع بعدها بوجبة فش ماك ... وايضا
ان جان عندهم بيتزا هت .... نفس الطريقه .... والله يحفظكم من الجوع ان شاء الله

1. السلام عليكم


2. تحيه للجميع

السلام عليكم

تحيه للجميع

يااخواني لاحد يفتي بكيفه ههه بالنسبه لطريقة الذبح كل الدول الاجنبيه الغير اسلاميه تذبح بالصعق وفي جاليات عربيه واسلاميه ومبتعثين للعمل والدراسه وفي ائمة مساجد وشيوخ واعضاء الدعوه كلهم ياكلون دجاج ولحم بجميع الطبخات ولكن اهم شي يكون غير الخنزير فقط اما عن زيت الخنزير فلا اعلم عن تحريمه او تحليله ولكن انت في سفر وغربه ومضطر تاكل وعند الضروره تبيح المحرمات . والدين يسر مو عسر لاتعقدون الامور وانا اخوكم بالعكس اكل وعليك بألف عافيه واستمتع والله يهنيكم انشالله
وبالنسبه لمطعم القدس اللي علق عليه اخونا الساحر المسئوله عن الطبخ فلبينيه مسلمه متزوجه فلسطيني واسمها نجاه وهي محجبه .
طبعا الواجب عليك إذا دخلت مطعم اسأله عن اللحم ان كان خنزير (bork) واسم الخنزير بالفلبيني ( بابوي ) وطبعا كل الفلبينيين يعرفون هالاسم baboy . طبعا عندك beef هذا لحم بقر وmeet لحم غنم وlamp بس إذا تبي لحم لزم عليهم يكون اللحم هذه المذكوره وحرصهم على انك ماتاكل بورك وهم راح يفهمون عليك وكم مره حصلت لي مره في مطعم بيتزا وهو منتشر في كل الفلبين له عدة فروع بس نسيت اسمه شفت صور البيتزا تشهي وانا جيعان انا وزوجتي ويوم دخلت سألتهم عن البيبروني وعن نوعية اللحم وكانت الإجابه جميع اللحوم اللي بالمطعم خنزير . وتحطمت وطلعت ومره في باقيو نفس السالفه
ولكم تحياتي وسامحوني على القصور
اخوكم بومشعل

الله يجزاكم خير ...جميعا على تفاعلكم وسرعة تجاوبكم
اللي قدرت افهمه اني اقدر اكل لحمهم ...ولو ان النفس ماتشتهيه
عموما مطعم القدس هذا وين؟؟؟
انا في مكاتي ولا تعديت المجمعات اللي حول الفندق اللي انا ساكن فيه (شنقريلا)
هل هو قريب منه ...او هل فيه مطعم اقدر اروح له مشي من الفندق؟؟؟

أي مطعم يسد الجوع يكفي ويوفي ... بس ابعد عن المطاعم الشعبية وعندك مطعم البحر الاحمر في مابيني خلف سوق الروبنسون و الاسعار نار

ابو الجوري :
مطعم القدس في مابيني ودامك في مكاتي لازم تروح له بالتاكسي يمكن 10 دقايق بالسياره ودائم التكاسي مايعرون اسم المطعم بالعربي ( القدس) ويعرف بأسم جيروشاليم وهذا المطعم يقع في المنطقه اللي يكثر فيها العرب وفيها عدة مطاعم عربيه . اما في مكاتي انشالله يفيدونك الاعضاء اللي لهم خبره . وفيه مطعم نظيف وفخم ومكتوب عليه بالعربي اكل حلال وهو مطعم هندي اكله عذاب يجنن وكل اكله حلال وهذا المطعم يقع في الدور الثاني في مجمع مول اوف اسيا مقابل البحر وفيه بنفس الجهه هذه المقابله للبحر عدة مطاعم عالميه ولكن بالنسبه للي جربته هذا المطعم وفيه جلسات خارجيه وفيه جلسات داخليه مكيفه وانصحك تزوره . انا عندي اسمه وصورته بالميموري بس بحاول اشوف كاميرا وكيبل وانشالله بحاول انزل لك صورته إذا لقيتها .

الله يجزاكم خير ...جميعا على تفاعلكم وسرعة تجاوبكم
اللي قدرت افهمه اني اقدر اكل لحمهم ...ولو ان النفس ماتشتهيه
لا يابو جوري موتاكل لحمهم لازم تسأل عن نوعيته لانهم مايدرون ان بدينك حرام اكثرهم مايدرون هذا بالنسبه للمطاعم العالميه والمحليه مثل ماقلت لك قبل اسأل عن اللحم البقري والغنم فقط beef , meet lamp فقط ولازم تسأل قبل ماتطلب اما بالمطاعم العربيه ماعندك اي مشكله اطلب وانت مرتاح ., ولا تنسى اسم الخنزير بالفلبيني وهو بابوي baboy وبورك بالانجليزي

انا عن نفسي ما آكل اللحم والدجاج إذا ما كنت متأكده انه حلال
سافرت كثير وما واجهت مشكله بالاكل لأن البدائل متوفرة وبكثرة
بحري ، خضار ، فواكه ، بيتزا والمطاعم الهندية فيها كثير اكلات وطبخات للنباتيين ولذيذه جدا
وأذكرك " إن الانسان على نفسه بصيرا ولو ألقى معاذيرة "
أتمنى لك التوفيق والسعادة في سفرتك