السلام عليكم يا اعضاء المنتدى جميعا ..
حبيت اخذ رايكم برحلتي اللي صار فيها افلام كل يوم راي وخطه واخر شي قررت انها تكون حسب التالي .. وتكفوون ما استغني عن رايكم ..
مدتها 14 يوم ..
الذهاب يوم 29 - 07 - 2010
الرياض - باريس
الوصول العصر ان شاء الله - راح استاجر سيارة من سكست أو يورب كار من المطار ( هل الافضل اني استأجرها وادفع عن طريق النت ))؟ فيه سيارات كثير عادي هل من الممكن تكون اتومتيك ..
على فكره راح اسلم السيارة في جينيف وشوفوا خطتي تحت ..
بعد ما اوصل باريس واخد السيارة اجلس اربع ايام في باريس وش رايكم بالفنادق التالية :
Golden Tulip Royal Garden Champs Elysées
Montfleuri 21 Avenue De La Grande Armée, 16. Trocadéro, 75016 Paris
Royal Hotel 33, avenue de Friedland, 08. Champs Elysées, 75008 Paris
Mathis Elysées Matignon 3, Rue De Ponthieu, 08. Champs Elysées, 75008 Paris
Best Western Elysées Paris
Bassano 15, Rue de Bassano, 16. Trocadéro, 75116 Paris
Elysée Park 5 Rue Ponthieu, 08. Champs Elysées, 75008 Paris
Citéa Tilsitt Etoile - Champs Elysées 24 Rue de Tilsitt, 17. Palais des Congrès, 75017 Paris
Mayflower 3 Rue Chateaubriand, 08. Champs Elysées, 75008 Paris
طبعا ابغى الفندق قريب للشانز .. مستوى الفنادق ابغها رخيصه شوي .. والشاتوه حلو بس مافيه امكانيه ..
بعد باريس راح اطلع بالسيارة اللي معي لسويسرا وجهتي هي انترلاكن .. في طريقي طبعا راح امر على جينيف اتغدى واكمل لانترلاكن ..
انتر لاكن 4 ايام .. ( وش الفنادق اللي تنصحون فيها فيه فندق اسمه انترلاكن هوتيل شكله حلو )
بعدها اطلع برضه على السيارة لجينف واقعد ليله وحده بس .. واسلم السيارة من بكرا في مطار جينيف
اسافر من جينيف الى مالقا عن طريق الايزي جيت ..
اجلس في ملقا ( اروح ماربيا ) مدة يومين .. .وش الفنادق هناك على الشاطى وعائلية تنصحون فيها .؟
بعدين اطلع قطار إلى مدريد .. يومين ..( هل فيه فنادق تنصحون فيها بجانب الاماكن الحيويه والامن يكون فيها ممتاز )
بعدها يوم 12 - 08 - 2010
ارجع للرياض من مطاار مدريد ..
اتمنى تعطوني رايكم وتوجيهاتكم بخصوص رحلتي _ للعلم هي رحله عائلية انا وزوجتي بس ..
الله يخليكم رحلتي ما بقى عليها شي الاسبوع الجاي .. ارجو الرد
رايكم بالفنادق .. وطيران الايزي جت .. ورايكم بعدد الايام لكل مدينه .. للعلم محطة الوصول باريس ومحطه المغادرة مدريد ,, والتذاكر تم اصدارها ..