9 مشاهدات ولا رد واحد همتكم ياشباب

اخوي بوناصر اول شي اذا كنت حاب تسكن بغارمش فيومين اكثر شي او تخليها رحله يوم كامل من ميونخ ..... اما بالنسبه لليورب بارك فهي تبعد تقريبا 4 ساعات من ميونخ يعني نصيحه اذا معاك اطفال اسكن ليلتين اهناك اما بالنسبه لفنادقه ما اعرف عنه بس في اكثر من تقرير انا قريته كاتبين عن الفنادق شوف تقارير الاخوان ...... اما بالنسبه لزيلامسي تبعد عن ميونخ ساعتين تقريبا وانصحك الجلوس فيها اقل شي 6 ايام لانه بصراحه روعه وفيها كل شي من ريف وجبال وثلوج وبحيره والزحلاقيه الصيفيه وكل شي ...... وافضل من انك تجلس 3 اسابيع كامله بميونخ ..... ومن زيلامسي تقدر اتزور كابرون وستراسبورغ ..... انصح بزيلامسي ..... هاذا رد عليك مبدئي .... وانا بالانتظار حق اي سؤال حاضر

اخوي بوناصر اقرب مدينه من اليورب بارك اهي ستراسبورغ الفرنسيه روعه هالمدينه انا بروح له ان شاء الله هادئه ومثل فينسيا تقريبا وحلوه وممكن تخليها سكنك وتطلع منه الى اليورب بارك ساعه ونصف وتستحق ان تسكن فيها يومين انا بالانتظار

اللة يعطيك العافية اخوي على وماقصرت فعلا زلامسي تحتاج وقت وماتمل منها بعد
بس انا قصدي انة عندي 3 اسابيع ابي اوزعهم على هالمناطق يعني مثلا اسبوع بميونخ واسبوع بزلامسي واسبوع بستراسبورغ عشان اليوروب بارك ولا واجد عليها اسبوع؟؟؟
والسيارة بستلمها وبسلمها بمطار ميونخ انشاللة شنو تقترح على اخلي ترتيب المناطق كالتالي...
1)ميونخ اسبوع ومنها طبعا زيارة قارميش واللة حولها
2)اطلع على ستراسبورغ واقعد من 5ايام الى اسبوع (شنو الافضل؟)عشان اروح لليوروب بارك..وهل فية مناطق تستحق الزيارة حوالينهم..
3)الذهاب لزلامسي والجلوس اسبوع ثم العودة لميونخ للعودة للكويت انشاللة..بس موجنة المسافة بعيدة من ستراسبورغ لي زلامسي...ولا اخلي ستراسبورغ 3ايام وارد لميونخ يومين ثم زلامسي...
واللة مادري احس بتصير حوسة ولاشرايك

اخوي بوناصر من ستراسبورغ ليه زيلامسي عندك خيارين تتوقف ليله او ليلتين بميونخ اتريح وتتسوق وثم اتروح زيلامسي ......... ستراسبورغ مدينه هادئه ورمانسيه ومدينه تاريخيه واجواء جميله وكله انهر تستحق يومين او ثلاثه ..... ومن خلال ستراسبورخ اتروح اليورب بارك ....... اما الخيار الثاني تسكن باليورب بارك يومين للملاهي ثم ترجع ليله اوليليتن بميونخ للراحه والتسوق ومن ثم الانطلاق الى زيلامسي ..... اختار الانسب وبصراحه ودي اتشوف ستراسبورخ اعتقد بتعجبك ..... واذا اعجبك الخيار الاول فالمخطط الافضل هو ......
5 ايام ميونخ 3 ايام ستراسبروغ يومين ميونخ 7 ايام زيلامسي يومين ميونخ هاذا افضل شي يعني زرت 3 دول ..... ماكو حوسه ولا شي بالعكس حلوه .... لانه انت رايح اليورب بارك رايح صح اخوي ؟ انا بنتظارك لتفسير اكثر لو احتجت الفنادق او الاماكن السياحيه

اظن الخيار الاول هو الانسب وجزالك اللة الف خير ياخوي وماقصرت
بس استفسار بسيط اذا تعرف شقق حلوة للاجار انا دورت بس ماحصلت ابي اسكن بشقة اريح عشان الطبخ وهالسوالف تعرف معاي صغار لازم ياكلون اكل عدل...
او واذا في فنادق حلوة واسعارها معقولة اخذلي فيها سويت يكون فية عالاقل مطبخ تحضيري هم احسن بعد...
ومشكور على سعة صدرك ماقصرت

(regent Contades ) هاذا الفندق 4 نجوم نظيف بعيد شوي عن السنتر بس يمه ترام جميل وسعره معقول شوف السويت بجم ..... وعلى فكره في اثنين تقريبا نفس الاسم بس هاذا الفندق لونه الخارجي وردي ....
اما بالنسبه لزيلامسي الشقق الافضل سعر بكابرون مو بيعده عن زيلامسي

مجمع ديراج برينزيسن اليزابيث للشقق المفروشه
DERAG HOTEL
AND LIVING HOTEL PRINZESSIN ELISABETH قريب من النهر وفئة 4 نجوم وفخم
شقق فندقيه
Maximilian Munich Apartments & Hotel اربع نجوم وفخم بس تاكد من موقعه ..... هاذا بميونخ اي استفسار تفضل

اخوي عندي ملاحظه بالنسبه لطفلك الصغير سنه ونصف ...... اغلب المرتفعات بكابرون او غارمش ممكن مايدخلونه بسبب الضغط الجوي على الطفل الصغير الله يخليه لك واتشوفه عريس ........... طبعا هاذي الملاحظه متكرره في المنتدى لكثير من الاباء الامهات حبيت اعطيك فكره ....