وينكم يا هل الخبره الله يجزاكم خير ويرحم والديكم لا خلوني ابي شوركم وانا اول مره اروح وين الشرفين واهل المانيا

شسالفه يا شباب محد بيرد علي ليش ابي نصائح منكم انا لا اكثر ولا اقل وادري انكم ما تقصرون واهل الخبره واجد يا الربع لا تخلون اخوكم والله مسبب لي قلق التخطيط

شسالفه لهدرجه طلبي صعب حيل او محد فاضي يرد علي ياشباب قربت السفره وانا معتمد عليكم

1. ميونخ - سالزبرغ - واللقو - زلامسي (ربما) ..

اعتمد على رب العالمين اولا واخرا بوسنيده ..
فالك طيب .. ومالنا الا رضاك آمرني ..
الي فهمته اك تبي مكان قريب من ميونخ وجميل لجل تنزل على ميونخ وتتسوق وترجع المكان الهادئ بعيد عن الزحمه والضجه والإزعاج ومشاكل المواقف ..
بلا تردد توكل واسكن في فندق Seehotel-Ueberfahrt في منطقه Tegernseeذات البحيره الساحره والجو البديع ..
تبعد عن ميونخ 47 دقيقه بالسياره .. ذهبت لها العام وعزمت النيه للذهاب مجددا ان وفقني الله وتزوجت ..
انا حاجز هالصيف بإذن الله تعالى لشهر العسل هناك .. لمده 8 أيام ، ومنها ستكون نقطه انطلاقي الى كل من :

ميونخ - سالزبرغ - واللقو - زلامسي (ربما) ..

بخصوص مدينه الملاهي ( يوروب بارك ) عندك خيارين .. اذا ربك منعم عليك خذ فندق ( كولسيو الايطالي ) وتاكد من وجود تكييف ف الغرفه ولا انت وام العيال بتنشوون .. ولكن بيكون الجو مزدحم وضجه صراخ ف الساحه .. بالعربي ( دعثه )
ولا اذا مايازت لك اسعار الفنادق .. تقدر تسكن في منطقه غوشت في فندق من الفنادق البسيطه ...
او الخيار الثالث والي من وجهه نظري الافضل .. سوي نفسي .. بعد مدينه Tegernsee راح اسكن ان شاء لله في منطقه Baden-Baden القريبه من اليوروبا بارك للهدوء والجمال الطبيعي فيها والنهر الرومنسي .. وهي مدينه معروفه بنهرها الكبير وفنادقها الفخمه واماكن الاسترخاء والمساج والعلاج الطبيعي .. ونفس الوقت استطيع الاستفاده من حديقه الملاهي
منطقه بادن بادن تبعد عن منطقه غوشت Rust (مكان اليوروب بارك ) = 53 دقيقه فقط بالسياره .. تستطيع التحرك من بادن بادرن الساعه 8 صباحا .. والوصول بإذن الواحد الأحد الساعه 9 عن فتح الحديقه والاستمتاع بها حتى اغلاقها ومن ثم العوده لأحد الفنادق ..
ملاحظه : فنادق بادن بادن افضل من الفنادق المرافقه لحديقه الألعاب .. واغلى قليلا !!
لابغيت اي شي ثاني .. لايردك الا لسانك وفالك طيب ..
دمت بود ..

فالك طيب الشيخ
شوف توقيعي وابشر
و اليوروب بارك في رست .. وفيها وايد فنادق
ابحث في قوقل يوروب بارك
ووفقك الله