سلام عليكم ورحمة الله وبركاته ..
هلا وغلا يخوي .. انا والله ماجيتها اندونيسيا ابداً بس ان شاء الله رحلتي لها تاريخ 23 الشهر هذا ..
اتمنى انها ماتكون المشكله الي تعرقل سفركم
بس انا اشوف الأفضل انك تخاطب الجهات المتخصه في المطار واذا شفت ان الأمر ما مشى معك
خاطب السفاره وشوف وش يردون عليك اذا المسأله فيها تأخيرات وكذا ..
يبقى مالك الا الحل الوحيد ( الهديه ) < -- عذرا ً اخواني .. !!
الله آيسر أمورك .. بس لا تيأس .. وحاول انك تحصل حل ..
واذا مالقيت حل أصنع لنفسك حل .. وتوكل على الله .. وامورك ان شاء الله طيبه
أتمنالك التوفيق

هاوي السفر
الف شكر اخى العزيز وانتبه تضيع اى قرطاس يعطونك اياه خلك زى نظام الشيبان اجمع من القراطيس لين ماترجع
الساعه الحين 9 مسائا والسفاره انتها دوامهم على ما اعتقد
بس سالفه انك حاول تحصل حل واذا مالقيت حل اصنع لنفسك حل وش قالولك ماجد عبدالله وحوله اربعه هلالين
( امزح امزح)
الى اذكره ان واحد من اعظاء المنتدى قد صارت معه واخروه ودفعوه غرامه وخلوه يرجع لمكتب مادرى وش اسمه
هاذا الى ودى اعرفه عشان اخذ احتياطى واعرف وش اسوى
والف شكر مره اخرى على ردك المشجع بس لا تكون هلالى وتزعل على
انا ماقاهرنى الا الادمى هاذا ولا همه طالع يتعشا وانا نفسى مسدوده ودى اشوف حل لا كمان يقول مانى دافع ولا شى حتى فلوس مهو ماراح ياخذ معه

اللي أعرفه أن بمثل هذه الحاله تدفع غرامه وقد حصلت لي بدولة آخرى
وممكن تصل الغرامة الى 100 دولار لكن أعمل حسابك لأكثر منها
وحاول تشوفلك واحد من الشقردية اللي بالمطار ويمشي أمورك

حيو مافى زيو
الساعه الحين 9 مسائا والسفاره انتها دوامهم على ما اعتقد
بس سالفه انك حاول تحصل حل واذا مالقيت حل اصنع لنفسك حل وش قالولك ماجد عبدالله وحوله اربعه هلالين
( امزح امزح)
الى اذكره ان واحد من اعظاء المنتدى قد صارت معه واخروه ودفعوه غرامه وخلوه يرجع لمكتب مادرى وش اسمه
هاذا الى ودى اعرفه عشان اخذ احتياطى واعرف وش اسوى
والف شكر مره اخرى على ردك المشجع بس لا تكون هلالى وتزعل على
انا ماقاهرنى الا الادمى هاذا ولا همه طالع يتعشا وانا نفسى مسدوده ودى اشوف حل لا كمان يقول مانى دافع ولا شى حتى فلوس مهو ماراح ياخذ معه
على طاري الهلال وماجد عبدالله .. اخوك مايفهم في الكوره جدا ً !
لكن مع الخيل يا شقرا .. اشجع النصر السعودي .. وبعدين انا من هل الأمارات ..
ومثل ما قال اخونا .. شوف لك حد من الشقرديه في المطار وضبط امورك .. ترى الهدايا تمشيك بدون غرامات وحركات .. وسألت لك واحد من الربع .. قال تقريبا ممكن توصل الغرامه الي 100 $
الله يكون في عونك

يا عزيزي ولا يهمك وفي هالبلد جيبك يخدمك عموما اللي سمعته وانا هناك ان نظاما تدفع غرامه قيمتها 100 دولار فقط لا تبين لهالعالم انك خايف او مرتبك لاجل ما تستغل ويطلبونك اكثر والله يحفظكم بحفظه ورعايته وترجعون بالسلامة

لازم يكون معكم شنطه صغيره يصير فيها كل الاشياء المهمه
لاتهملون انفسكم وخصوصا انكم ببلد بعيد

الأمور سهالات ولاتظيق صدرك ولا تسد نفسك الدعوه غرامه وتمشي فقط
حلوه حقت ماجد عبدالله ههه

الف شكر لكم جميعا
ابشركم مشت امورنا بدون اى مشاكل ولله الحمد ولا دفعنا ولا حتى ربيه وحده
وراح اقولكم وش صار
لما وصلنا لكونتر طيران اسيا قالنا لازم تدفعوا ضريبه المطار قلتله اوكيه بس ترى مظيعين الاوراق الى اعطونا يوم جينا قال لى بسيطه
ونادى واحد من نفس الشركه وطلع لى ورقه وقال عبيها وخليها معك
ويوم وصلنا الجوازات سلمناهم ولا احد منهم فتح فمه بكلمه
ارجوا الانتباه لهذه النقطه كلم موضف شركه الطيران الى حاجز عليها قبل ماتوصل للجوازات لان الظاهر لو وصلت للجوازات وشافوا انك سعودى راح يبدى معك الاستغلال
عمى كان معنا فى بالى وغادر قبلنا الى كوالا يقول (لمن رجع للسعوديه) كل الاجانب الى كانوا معه ناسين اوراقهم ولا احد طلب منهم ريال بس الاهم يردونهم يعبونها مره اخرى ويرجع له مره ثانيه ويختم له
يعنى لاطلع فيها غرامه ولا شى قبل ماتوصل للجوازات تلقى الاوراق موجوده على ستاند عبى وامشى
ارجوا الانتباه لهذه النقطه فيه كثير ناس انضحك عليهم ودفعوهم غرامه بدون اى وجه حق

الحمدلله على السلامه . زين الله يطمئنك بالسلامه