حيالله الربع كلن بأسمه
والله ما فيه إلا سلامتكم أنا رجال أول مره أسافر لأوروبا وجت المسألة خبط لزق.. مالكم بالطويلة
المعزبة نشبت فيني وقالت تكفى "طبعاً العجرا معها " قلت تم أبشري والله ... قالت نبي نروح للنمسا قلت للولد أركب وانا أبوك ومير أنقز لمكتب العربية للسفر والسياحة في الملز وأنا وإياهم شل ابوك حط ابوك وأدق دق لهم 11600 ريال بس تذاكر من الرياض قطر للنمسا ====>> وبعدين ميلانو قطر الرياض .. الله يعين
طبعاً أنا والمعزبة وبنية ووليد 9 و8 سنين ... ها ها تبون تعرفون وش ابي
أبي مير الله يسلمكم سكن زي الناس قالي المكتب اسكن في الأنتر في فيينا يوم شفت السعر وأنا اللي تخولفت عيوني 915 ريال في الليلة من دون هالمبزرة اللي معي وإذا ناظرت في بوكينق لقيت الأسعار ارخص
تكفون يالنشاما بكرة ابروح للسفارة النمساوية وأبطلع تأشيرات وعساه يمديني أبي حل للآتي
السكن في فيينا + السعر
السكن في زيلامسي + السعر
السكن في ميلانو + السعر
طبعاً أبقعد في فيينا 3 أيام وزيلامسي 5 وميلانو 3 ،، ثم ابجي مطربق انا وشماغي مع هالمبزرة للديرة
حاولو تنصحوني تكفون
طبعاً الذهاب في 16 سبتمبر والله يسهل أمر التأشيرة
بإنتظار ردودكم تكفون يالنشاما
محبكم عبادي