انا سويت بحث كامل عن الاماكن اللي نقدر نروح لها
كل الأماكن اللي انت ذكرتها هي المميزه
بس قريت عن جزيرة الؤلؤه ماتنفع للعوائل المحافظه . لما فيها من ديسكوات واغاني ورقص
اتمنى ان هالمعلومه خائطه لأني اريد الذهاب اليها ..

ko03h
السلام عليكم ورحمة الله وبركاته
انصحك اذا حاب تروح لجزيرة اللؤلؤه روح فترة العصر المكان وايد راقي وحلو لكن لا تروح المطاعم اللي فيها لانها كلها او 95 منها تقدم خمور اما الكوفي شوبات فلا تقدم الخمور امثال كوستا ..... اما الموسيقى فاللاسف كل دول العالم فيها موسيقى لكن انا اذا رحت كوفي اقولهم يخفضون على صوت الموسيقى وبعضهم الله يجزاه خير يقبل والاخرين الله يهداهم ما يقبلون وهذا في كل مكان مب بس في اللؤلؤه وفيها ديسكو بس يفتح بالليل عشان جذي اقولك روح العصر او المغرب

ko03h
مرحبا اخووي للاسف يمكن البعض ما عنده خلفيه عن اللؤلؤه ...فحبيت اوضح ان بامكان العوائل المحاافضة ترووح مافي اي مشكله فعندكم كورنيش اللؤلؤه جمييل للتمشي ومافيه اي شي يعيبه ومنتشر فيها المطااعم والمقااهي يعني مب شرط تدخل مطعم يقدم خمر ... ممكن تتمشى على الكورنيش وتشرب كوفي باي كوفي شووب اما بالنسبة للمراقض والديسكواات انا ماعمرري شفتها وماادري وين مكاانها مع اني دايما اذهب للؤلؤة

شرقااويه
الامااكن اللي اخترتها هي الامااكن الرئيسيه : ممكن ترتب جدوولك للتالي : اليوم الاول يوم الوصول تريح بالسكن وتخلى اليوم الاول من العصر الى الليل بفيلاجيو تتعشى وتحضر سينما ثلاثية الابعااد او تلعب بالالعااب المخصصىة للكباار مثل الكارت ريسنج .....خلف فيلاجيو في اجمل حديقة وهي حديقة اسباير زوون
ثاني يوم الخميس : ممكن ترووح السيتي سنتر او اللاندماارك طبعا السيتي سنتر اكبر من اللاندماارك تفطر هنااك وتتغدا ارشح لك وافي غورمه باللاندمارك ترجع الظهر الفندق تريح المغرب ترووح اللؤلؤه ومن ثم الحي الثقاافي كتاارا تتمشى وتتعشى هنااك ارشح لك مطعم خاان فارووق
يوم الجمعه الصلاة بمسجد السيتي سنتر بالمواقف تحت ومن ثم تتغدا باحد المطااعم بالسيتي سنتر اذا مارحته وتتمشى فيه تحضر سينما ........المغرب الى سوق وااقف لانه يستااهل وقت كبيير تتمشى فيه ومن ثم تتعشى هناك باحد مطااعم سووق وااقف ..
السبت اذا عند وقت ممكن تروح فيلاجيو او اي مكان عجبك وتستعد للسفر.......اذا عندك اطفاال ارشح تزوور حديقة الحيوان

مهندس قطري
تسام أخوي كعادتك سباق لخدمة الغير الله يجزاك الجنه
بالنسبه للجدول يوم الاربعاء يوم الوصول راح نمشي من الرياض على العصر وراح ناصل متأخرين وتعبانين من الطريق ابيك ترشح لي شي في هذا الوقت نروح له ونتعشى ونرجع للفندق للنوم من عناء الطريق
وحبيت استفسر في شي ممن الاشياء اللي بزورها فيها رسوم دخول ؟؟؟؟؟

اذا بتمشون العصر من الرياض ما يمديكم تسوون شي يعني يبي لكم حوول 6 ساعات للوصول للدوحه يعني على العااشرة مسااء ......اقرب شي بيكون لكم هو مجمع فيلاجيو وانتوا جايين عن طرييق البر بس ماابيكم تروحون فيلاجيو الا اذا انتم مروقيين ام يعني ماادري السااعه كم بتوصلون واي فندق بتسكنون حتى اني اقدم لكم النصيحه ....اذا وصلتوا الساعه ثمان او تسع روحوا مجمع اللاندماارك تمشوا فييه لانه مجمع صغيير وتعشوا فيه وارجعوا الفندق بس ياليت تذكر لي اسم الفندق اللي بتسكنه وبقول لك الاشيااء القريبه منه ...

يعطيك العافيه أخوي مهندس قطري .
بس عندي سؤال ثاني عن الجزيره . يعني انت تقول نروح وقت العصر
يعني هالوقت مافيها اجانب يسبحون بالبحر وتعرف عاد هم يحسبون انهم في ديرتهم ماخذين راحتهم .
وسؤال بخصوص كتارا الحي الثقافي هو نفس نظام جزيرة اللؤلؤه ..؟؟
لأن رحلتنا كلها اربع ايام . يعني ابي انوع بالأماكن
وأعتذر من صاحب الموضوع في المداخله ..

جزيرة اللؤلؤه عباره عن ممشى نفس الكورنيش وعليه مطاعم وكوفياات يعني مافيه مكان للسبااحه بخصوص كتارا يختلف شوي فيه شاطيء وفيه مباني مبنيه على شكل قديم ومطااعم ومو شررط تدخل الشاطيء اذا خايف تشوف شي ....ممكن تتمشى بالحي الثقاافي بين المطاعم والمباني وتلقي نظره من بعيد على الشااطئء ووتتعشى هنااك اذا ودك ....على فكرة هم اقراب من بعض يعني تخلص من هذا وتدخل على هذا ...

أخوي مهندس قطري فندقنا مرويب اللي براس بوعبود
طيب ما جاوبتني عن سؤالي في شي ندخله برسوم سواء جزيرة اللؤلؤه او كتارا ؟؟؟
الله يعطيك العافيه على تفاعلك معي