وعليكم السلام ورحمة الله وبركاته
هلا وغلا الغالي وأرفع راسك طال عمرك ..
ولاأتكدر خاطرك ولاأتزعل نفسك ..
والردود مش كلها نفس الشي ..
الحين بس بروح اصلي وبعدها ماأيصير خاطرك إلا طيب
وهذي بوسه على راسك قبل ماأطلع
اموا اح
لااتزعل عمرك ولاأتضيق نفسك ..

الغالي ..
ياقرة عيني ومنا روحي ..
شوف طال عمرك ..
في بريطانيا لوا اتروح دعوس دعوس راح اتلاقي بوعراب في كل مكان وفي كل مدينه ..
سنة 2004 رحت بليموث وهي مدينه ساحليه صغيره تبعد 4 ساعات بالقطار عن لندن ولقيتها ماشاءالله مليانه شباب ..
حتى لوا القمر يقدرون يسكنون فيه راح اتلاقي بوعراب هناك طايجين ماعندهم مشكله ..
نقطه اساسيه في دراسة اللغه ..
احياناً في الدراسه ايضيق الخاطر واتضيق النفس بسبب الغربه وغيره والواحد يحتاج انه يتكلم مع أحد من لحمه ودمه ..وانا اتكلم من تجربتي في دراسة اللغه ..
عشان كذا حلو الواحد ايكون معاه عرب في المدينه لان بعض الأحيان ايصير عليك ظرف مثل مرض او غيره ومحد راح ايوقف معك إلا هم ..
وأذكر جانا واحد في فترة دراسة اللغه من احدى الدول الخليجيه وكان ضابط وجاي يدرس لغه ..
وتخيل طاح في مشكله وهو ماله خص فيها ..
والحمدالله وقفنا معاه كلنا لدرجة اضطرينا نتصل بسفارته عشان تتدخل ولما تدخلت السفاره انحل الموضوع والرجال مسكين ماله خص بالموضوع ولكن المشكله ماأدري كيف دخل فيها !!
الي احب اوضحه لك الغالي كالتالي :
خلك في المعهد وقت الدراسه وحاول تتعرف على أحد الأجانب وخلك معاه على طول في المعهد ..
ولما ينتهي المعهد أدخل مع العائله وخلك قريب منهم حتى لوا راحوا الجمعيه روح معاهم بس لاتدفع
اذكر العائله الي كنت عندهم كانوا ايودوني معاهم ونلعب كرة الركبي

اضم صوتي للقطري توكل علي الله ورح ادرس ومادام هدفك واضح وعندي الرغبة صدقني بتوصل وصدقني لما تروح وتجرب الغربة انت بنفسك بدور علي الخليجين والعرب علشان تجلس معهم وبالتوفيق.

ياخي توكل على الله وروح بس .. ولا يضيق خاطرك ابد
لاتستعجل ولا تحكم على شيء الا اذا رحت هناك وشفت بعينك وجربت
ترا العرب موجودين في كل مكان ومستحيل تلقى معهد مافيه عرب .. لان الناس حالهم حالك يبغون يتعلمون مثل ما انت وانا وغيرنا يبي يتعلم ..
صدقني راح تتعلم اللغه وغصب عليك لانك بتمارسها في السكن وفي المعهد وفي الشارع وفي كل مكان تروح له .. واذكرك بعد فتره بتشتاق للعربي.. وراح تدور على اي عربي تسولف معاه
صدقني انا يوم اكون برا واسمع واحد يقول السلام عليكم ينشرح صدري واحس ان الدنيا بخير
بس لا تشيل هم وانا اخوك باذن الله تساهيل ..

أشهد بالله أنكم وسعتوا خاطري
لبى والله هالأسم يالقطري والمعرف اللي يساعد الكل وردود تفتح النفس ولايهونون البقيه
اقف لك احتراما وتقديرا وهات خشمك يالغالي
برايتون العرب ماقصرت يالغالي وبيض الله وجهك وأنا أخوك تسلم على النصيحه ....
مجنون نوف شكرا لك ياغالي
فاهم 1 ماقصرت يالغالي والله يعطيك العافيه
وربي وقفتكم معاي ماراح أنساها
الله يوفقكم جميعا ..........

ثلج حار
لبيت في مكه يالغالي ..
وانكن الله قدرنا ان شاءالله انوي ازورك إذا سمحت لي واتعرف عليك عن قرب ..

لا شكر علي واجب اهم شي انك تحقق هدفك وطموحك واستمتع في رحلتك لانها مرحلة مميزة من عمرك في الغربة بتتعلم اللغة وبتتعلم الصبر والاعتماد علي النفس وبتتعلم اشياء كثير وبيتوسع تفكيرك وبتحس بقيمة بلدك وبتشكر وتحمد ربك علي نعمة بلدك ودينك ...

يا اخوان حنا مانحطم الرجال بس لو تبي تشد حيلك وتدرس لغة ان شاء الله بالصمان تبي تتعلم
لكن الشخص يبي يتعلم في مدينه حلوه وتوسع الصدر لانك في غربه وحالتك حالة انا قلت عن وجهة نظري في شيفلد لاني سبق وان درست فيها فتره وهجيت الديره الحقيقة ماتصلح .. بوقت الصيف يصل عدد الطلبة العرب في المستوى الواحد مابين ثمانية الى عشرة واللي اعرفه انك ممكن تدرس اللغة في اي معهد معترف فيه وبس لان الملحقية او الجامعه بتدفع فلوس هون ولا هون ...
وفي النهايه الحقيقة ما ابي اضيق صدرك لكن ابيك ماتتفاجاء اذا جيت ... فقط قد ماتقدر تغير غير ..
وانا اتكلم لك من شي شفته مع الاحترام لردود الاخوان بس ممكن هم يتكلمون بشكل عام عن بريطانيا
لكن عن هاذي المدينه قلت لك تجربتي وكل الدعوات لك بالتوفيق
ودمتم بخير .. واكرر اعتذاري للجميع .