السلام عليكم يا أحلى أعضاء في أحلى منتدى
أبو الوليد عالوعد بيعطيكم مهر المزيونة للي يبي يتقدم
ولَّمُوا البوك وانا اخوكم ترى ماليزيا تنتظركم
تذكرة السفر تتراوح بين 3000 الى 4000 ريال
على حسب ذروة الموسم السياحي و على حسب خطوط الطيران
بالنسبة للسكن في عندك الفنادق بدرجاتها وفي الشقق المفروشة
الليلة في فندق خمس نجوم أسعارها تقريبا 250-350
والليلة في فندق أربع نجوم أسعارها تقريبا 180- 230
أما بالنسبة للشقق المفروشة فتتراوح من 100 الى 250 حسب الشقة وقربها من مركز البلد
تكاليف المعيشة في ماليزيا تقريبا هي نفس التكاليف في السعودية
حتى إن العملة الماليزية ( الرينجيت ) تساوي الريال تقريبا
طبعا كوالالمبور هي العاصمة وهي غاية في الروعة تجمع بين جمال الطبيعة والخضرة وبين النهضة العمرانية وناطحات السحاب
فيها الكثير من المراكز التجارية واللي بعضها تعتبر الأكبر في شرق اسيا
فيها جميع البضائع والماركات العالمية وبأسعار أقل من اللي في السعودية وخاصة الأجهزة الكهربائية والملابس
وغير العاصمة في جزيرتي بينينج ولانكاوي وفيها طبيعة خلابة يعجز اللسان عن وصفها
أنا شخصيا استمتعت في الجزر أكثر حتى انك في البداية يبيلك فترة لين تستوعب انك هناك فعلا وانه ماهوبتلفزيون
الخضرة والشاطي الذهبي والبحر الصافي وجوز الهند تحسسك انك ماوكلي
تلبيا لطلبات بعض الأعضاء ارفقت لكم اليوم بعض الصور واتجنبت الصور اللي فيها خشتي لاني مخرب المنظر الطبيعي بصراحة
على العموم انا ما أقدر أقول لكم كم يكون مجمل تكلفة السفرة لأنها تختلف من شخص لآخر و عدد الأفراد له دور أيضا
أنا اجتهدت في هذه المعلومات وعلى ضوئها يمكن لكل واحد يقدر كم تكلفه هالسفرة
واذا بغيتوا تفاصيل أكثر ومعلومات أدق ممكن تلقونها في الرابط التالي
يمنع وضع روابط لمنتديات أخرى
الإدارة
وهو الموقع اللي استعنت فيه لبعض المعلومات اعتقد انه لشركة توفر برامج سياحية وبكجات لشهر العسل متكاملة على العموم ممكن تطلعون عليه
هذا كل ما عندي وانشالله اكون افدتكم بالمعلومات وما اكون ضيعت وقتكم
متمنياً لكم عطلة جميلة وين ما صيفتوا
وهذي تحياتي لكم لين تجمعني فيكم أقرب مشاركة
ودمتم بخير
.
.
.
.
.
.
.
.
.
بس تراني توني ما رحت ,, انتظر ردودكم