السلام عليكم ورحمة الله وبركاته
في يوم الجمعه الموافق 09-04-2010 م
وبما أني سعودي طبعاً يكون التخطيط في نفس اليوم ( )
تم التخطيط للذهاب لحديقة الحيوان ب الرياض حيث أنها مفتوحة للعوائل إلى صلاة المغرب .
طلعنا من البيت أنا والأهل وصاحبتي العزيزة على قلبي كمرتي
NIKON D90
طول الطريق وأنا أتخيل كيف أعد لكم تقرير مختلف عن ما طرح سابقاً
حيث أنه كثير من الناس قام بتصوير الحديقة لكن طلعت بفكره جديدة
علها تكون مختلفة عن ما شاهدتموه للحديقة من قبل .
نقطه أخيره وقبل أن أبداء بالصور التقرير مختلف عن التقارير الثانية
حيث لن يتم تصوير البوابة وتذكره الدخول وما شابه لا
تقرير مختصر في شكله وكامل في مضمونه .
نبدأ
وصلت للحديقة عند الساعة الرابعة عصراً وكانت زحمة غير متوقعه عند مواقف الحديقة
لكن الحمد لله موقف مقابل البوابة شفته وقلت بداية خير
وقفت السيارة وفتحت شنطة الكمرة وأجهزها وبعد تركيب الفلاتر نزلنا وعلى بركة الله
قيمة التذكرة كانت 10 ريال لمن هم فوق 12 سنه و 5 ريال من سن 4 – 12 سنه.
أول ما دخلت الحديقة كل الحيوانات قامت تأشر
اللي بيدها واللي بخرطومها
لا والقرد تصدقون رقى فوق النافورة وطب صاروخ لعيوني
ما علينا لو بحكي لكم عنهم كل واحد وش سوى لما شافني بتتعبون
أجل النمر لو تدرون وش سوى أأأأايه أدري منتم مصدقين
لكن أنا بقول لكم وش سوى النمر تصدقون حلف ما امشي لين اتقهوى معه
لكن أنا اعتذرت قلت والله أنا هنا أصوركم والأهل معي ما اقدر خلها وقت ثاني .... ومشيت وخليته ،
جيت عند هالزينه قلت لها
يالله تجهزي جاي أصورك صور بورترية وامشي يالله تعدلي وأنا ناسي انها زعلانهمني ماردت علي
قلت لها :
جيت اعتذر
عن كل شي !!!
جيت اعتذر
عن كل كلمه قلتها
عن كل جرح بخافقك عن كل صد وعتاب...."
وجيت اطلبك تمحي معاي اللي مضى..
وابغى وعد يمحي حروف قلتها لك في ...غضب
وخذ عهد مكانتك في خافقي"مايسكنها احد"
إستحت ومشت وأشرت هناك لبعيد قالت عندك اختي صورها
قربت من إختها لقيتها مستحيه مرره وأنا احاكيها طاحت سعبوله منها ههه
بعد ما صورتها سلمت عليها من بعيد ومشيت
أول ما تعديتها لقيت المزيون واقف ومسوي نفسه ما يدري إني بصوره
قلت له يالله بس أوقف زين بس
قال إصبر ب أوقف كني خيل عربي أصيل يمكن يجي خبل ويشتريني.
موصاحي والله ما درى انه يشبه خروف نجدي بس برقبه
بس تصدقون وقفته رزه تراني دارس معه الابتدائي
ورقمه معي يعني صديقي
لا ما قلت لكم يوم نحكي عن الخيل العربي الأصيل
كنا نحكي بصوت عاالي وما دريت إلا هجري اللي واقف يبي يصور بعد زيهم
وينك وين الأصالة
بس الحق حق بيجامتة متعوب عليها
تدرون عاد أخرني في التصوير جالس الله يرجه يمشط لحيته فاضي ههه.
سمعت صوت شيء غريب يخبط على الأرض يقرب التفت إلا ألاقي هجري الخبل جاي يركض يبي يصور
والله يا شكلك ما يهيء بس يالله انت وسنامينك تقول إهرامات مصر
أنا عاد اكره حركات الزعل الزرافه يوم شافتني اخذت صورتين عند الجمل
جت عندي بس ما حكت ولا قالت شيء شكلها متضاايقه مني
ما تكلمت معها صورت ومشيت .
جيت عاد عند أبو قرون ههه من عندي هالاسم لاني ما اعرف اسمه
قلت له وقف وكنك ما تدري صوره شخصيه لك بحطها في النت
قال مقاس كم
6X4
قلت لا يا خوك وين بتطلع جواز
لا وقف بس أنت وقرونك الطوال اطول منك
قال أي نوع فيه نوعين هم :
Head-and-Shoulder Portrait
وإلا
Three-Quarter Length Portraits
سكت ما عرفت أرد عليه قلت بصورك كلك
ضحك وقال:
طيب لاتنسى نصيحة* سكوت كليب
في كتابة أسرار التصوير الرقمي الجزء الثاني صفحة ( 72)
في موضوع لا تترك مسافة كبيره فوق الرأس .
قلت طيب يالله تجهز ماني ناسي النصيحة يالله سو نفسك ما تدري
وبعد إلى 3 يالله 1... 2.... ؟
التفت علي وقال
يا هاني أنت نست النصيحة اللي كانت في صفحة (87)
في نفس الكتاب اللي بموضوع للحصول على بورتريهات أفضل لا تعد..؟
قلت والله تراك أشغلتني يالله اخلص فيه غيرك باقي
أخيراً ما بغينا نخلص منه
على طول رحت ارركض بالحق أصور الباقي
لان الجو كان غيم وخايف من المطر
رحت للي بعده وقلت اقربي بسرعة بسرعة ويجوون الثنتين ياليل مطولك
وش اسويلهم صورتهم غصب والا انا ما( أبي ) >>> نفس اللي فوق ههه
وغمزت للقريبة (منت عاقل يا سميره توفيق
)وابتسمت قلت قربي شوي بصورك لحالك
عاد سوت نفسها تعرف رفعت رأسها ورزته ووقفت على جنب
النمر عاد أنتم خابرينه عازمني على قهوة أول ما جيت
يعني يحاول يرشيني عشان أصوره ف أول ما قربت منه شوي
قلت له كشر كني ما أعرفك سو نفسك معصب
ما قصر على طول سواها ،
طبعاً صورته ولفيت على خويه أصوره
أنا ما دريت عاد إنه هالنمر يغار من خوية لأني صورته أكثر منه عاد أنا قلت خلني أهبل فيه
قلت له صورة خويك النمر الأول أحسن أحس فيها إحساس
وأنه كان مكشر وصورته طبيعيه أكثر منك .
مادريت إلا يحقد وتقفل أخلاقه وعصب قال :
" الله يسامحك " و الله يجبره كسري
والله يغّيب جروح ٍ ما بَعد غابت !
بعدها ما دريت إلا هو يطمر على خويه ويعضه...
يالله وخر خويه عنه وقاله وش فيك خبل أنت قال :
اه منك منقهر .. ولا بقى عندي صبر .. آآه منك منقهر
لا تبرر لي خطاك .. مابي اسمع عذر .. مابي اسمع عذر
قمت أناديه أقوله امزح معك أنا وياه متفقين عليك
نهبل فيك بس ما صدق قام عاد خويه وشرح له انها كمره خفيه ههه
قلت عاد يالله سوو حركه للي بيشوفونكم
كانت حركه حلوه وأخر شيء قلت يالله اجلسوا بصوركم صوره جماعية وامشي عيو
قالو والله ما تمشي يا بن الحلال مشغول
قالو رجلنا على رجلك وشلون عندي تصوير قالو ماعلينا منك
قلت خلاص إذا خلصت برجع وعد مني اخيرأ وافقو.
صوره جماعية لأصدقائي
بعدها أشرت بيدي وقلت مع السلامه .********> ياكثر ما أشرت بيدي
تعديتهم للي بعده وكانت وقفتها وقفت شموخ عز تجبرني ما اعلق عليها
عاد وصلت للنعامة يالله أقنعتها أصورها عيت حاولت حاولت رفضت
تقول أقل شيء جب لي كاب طاقيه شماغ أي شيء لو بندانه
قلت زينه خليني اخذ صوره لك وأنتي على جنب ما راح تطلع الصلعة صدقت .
تيمون عاد مسوي مشهور
على طول قلت بصورك رز وجهه ،
بس السهر مبين على عيونه شوفو كيف السواد تحت العيون
تبقى جزء أخير لكن مهم جداً لان فيه واحد مهموم ويغني
راح تعرفونه في الجزء المتبقي
لكن والله تعبت وعندي دوام
تحياتي