1. :smile002:


2. بداية الرحلة


3. :112:


4. مميزات فندق البيراميد تاور

:smile002:

اخواني وخواتي اعضاء هالمنتدى الرائع .. حان الوقت عشان ارد لكم ولو جزء بسيط من كرمكم معاي والفايدة الكبيرة الي كسبتها منكم .. الكل ماقصر والكل ساعد حتى لو بمعلومة بسيطة .. وعشان جذي بحاول انزل التقرير وادعمه بمعلومات ان شاء الله انها تفيد كل من بيسافر ويتجنب الاخطاء الي وقعنا فيها ويستفيد باذن الله ...

بداية الرحلة

رحلتنا كانت يوم الجمعه 6 يوليو 2007 الساعه 4 و20 دقيقه بتوقيت الكويت على متن الخطوط الماليزية
قمنا الصبح وتجهزنا ورحنا بيت الوالد نتغدى عندهم ولان امي مسافرة يت اختي عشان تاخذ نويرة قلبي ليمن امي تجي من السفر واحنا نتغدى يا زوجي اتصال من السايق لانه موصي السايق يودي الجناط ويقص البوردنق دق يقول الموظف يقول حجزكم مو موؤكد!!!!!!!!!!!!!!!!!!

:112:

قام زوجي ما كمل الغدا وقالي يالله نروح المطار عشان نشوف شالسالفه وودعت نورتي عالسريع وكسرت خاطرري حيل وودانا ابوي المطار دخلنا ولاا السايق يقول لاا خلاص انحلت انه كان صاير فيه لبس وخلاص كل شيئ اوكي حمدنا ربي وشكرناه وقعدنا ننطر بستاربكس لين موعد اقلاع طيارتنا
اقلعت الطيارة بعد الوقت ب 10 دقايق تقريبا وكانت متروسه يهال ( اطفال ) وعشان جذي ماقدرت انام طول الرحلة من الازعاج وبنفس الوقت كنت احمد ربي اني ماخذيت بنتي وياي لاني شفت شلون الاهل متأذين مساكين مع عيالهم وبالذات طفل عمره تقريبا سنه ونص مع امه وابوه جنهم بمعنى الكلمة طول الرحلة مانام ويروح ويجي واهما وراه مساكين
اقلعت الطيارة ووقفت في دبي ترانزيت ساعه بالظبط وخلونا ننزل المطار وشرينا خرابيط من سوقهم حق ا
لطياره مكسرات وغيره ونادو على طيارتنا وكانت اغلبها اماراتين وفي اجانب وكويتين واقلعت الطيارة
مميزات الخطوط الماليزية
1 ) الخدمه ممتازة وسرريعة
2) الستاف بشووش ومتعاون
3) افلام وبرامج متنوعه بس مو مترجمة وفي افلام مصرية
4) التزامهم بالوقت ماعدا بالرجعه لطعونا ساعه الا ربع بمطار كوالا على ماشرفو ناس متأخرين والمصيبه كانوا معانا باستانا وقايمين من الصبح اشوفهم ولاا دخلو الا عقب الاقلاع المفتلاض ب ساعه الا ربع !!
عيوب الخطوط الماليزية
1) الكراسي ضيقة شووي بس مريحة بالنسبة لي
2) طيرانهم بالاجانب شيئ غريب تبجيل وتعظيم وابتسامات مالها اول ولا تالي !! شيئ غريب بصراحة
غير هالعيبين ماشفت على هالطيران
الوصول
وصلنا الى مطار كوالا الدولي بتمام الساعه ال8 بتوقيت ماليزيا وخلصنا اجرائتنا بسرعه وطلعنا ندور تاكسي وطبعا كل واحد يتلقفك من صوب تاكسي تاكسي وين تبي تروح
نصيحة بالنسبه لتاكسي المطار
لاا توقف للي يعرضون خدماتهم عليك بكل مكان بالمطار اشكرهم بلطف وروح سيدا ل
تاكسي المطار Airport Taxi
خذينا تاكسي صغير لاننا شخصين فقط للسن واي لاقون ريزورت ب 76 رنقت
واحنا قبلها رحنا لمكتب ونسأله عن سعر التكاسي الصغير للسن واي قال لنا 170!!!
واكتشفنا ان هذا تاكسي فندق كراون بلازا واهو ماقال لنا مستغفلنا على اساس انه اهو تاكسي المطار
ف لاا تسمحون لاحد بانه يستغفلكم سواء من المكاتب او الافراد روحوا مباشره لتاكسي المطار لفايدتين :
اووفر و أأمن
مشينا لحد ماوصلنا منتجع السن واي لاقون
وهذي صورة خارجية له وللفندق الرئيسي فندق السن واي لاقون

واخرى

وثاانية

وصلنا فندقنا المقصود وهو فندق
Pyramid Tower
هالفندق كنت حيل متخووفه منه لاني كنت ابي بفندق سن واي ولان بعض الاعضاء نبهني انهم ممكن
ياخذون منكم قيمة يوم كامل اذا دخلتو قبل ال3 موعد ال check in
بس الي صار ان احنا وصلنا الفندق على ال9 ونص
ورحبوا فينا اجمل ترحيب وخذوا علينا تأمين يمكن 200 رنقت وانتهت اجرائاتهم بكل سرعه وسلاسه مع اننا
واصلين بيوم عطله عندهم يوم السبت ودخلونا بدون احتساب اي اجرة اضافية
هذي صورة للفندق من برة
وهذي صورة الغرفه حييل مرتبة ونظيفة وشرحه واطلالتها حلووة

وهذي الاطلالة

اطلاله من زاوية اخرى

اطلاله ليليه ويظهر فندق السن واي

نزلنا عشان نتريق ويوم عطيناهم رقم الغرفه قالوا هذي غرفه واحد صيني اسمه علاء الدين
استغربنا بس دخلونا
وبعدين استنتجنا ان هالفطور ماكان لنا لان هاليوم مومحسوب علينا ومع هذا سامحونا عليه
بس اكلهم كان جدا عادي ومعظمه مايناسبنا بس احسن شيئ ان عندهم خبز عربي
وزوجي الله يهديه اصر نتمشى وانا خلاص ميته تعب من الطياره ومانمت بس عشان خاطره رحت وتمشينا وقعدنا نستكشف المكان ومجمع البيراميد
بصراحة المجمع حلوو حيل وفيه محلات حلووة وخاصه محل بالنص بس يبيع جناط كان عنده جناط حيل حلووة وغريبة واسعارها جدا معقوله حسافه ماخذيت منه الا جنطه وحده
المهم كلينا باسكن روبنز وبعدين رحنا للبولنق
حاول فيني زوجي العب بس خلاص انا ميته زين اني كنت امشي خ لعب وخلص ورحنا نتغدى ب ماكدونالد وطلعنا الغرفه نرتاح
وقمنا المغرب وطلبنا خدمو النت كانت جدا رخيصه بحدود ال28 رنقت لليوم
وطلعنا نتمشى بالبيراميد ونتعشى ورجعنا ننام استعدادا ليوم حافل لزيارة مدينة الملاهي

مميزات فندق البيراميد تاور

• حسن التعامل والابتسامة الدئمه ورغبتهم بالمساعده باي طريقة
• عدم التدقيق ببعض الخدمات الزايده مثل دخولنا قبل الموعد والافطار
• اتصال الفندق بمول البيراميد مباشرة من اللوبي الى المول مباشرة بدون الحاجه للخروج من الفندق
• توفر خدمة الانترنت بسعر زهيد 28 رنقت لليوم
• خصم 20% للنزلاء على االعاب السن واي
• توفر غرفه للكوي وطاولاتها في كل طابق
• الغرفه مريحة ونظيفة وشرحه جدا واطلالتها اكثر من رائعه

راح اكمل ان شاء الله بس عطوني وقت لان فعلا التقرير يحتاج وقت لترتيب الافكار وتنزيل الصور واوعدكم ما
اتأخر ان شاء الله