في رمضان الواحد يبي يغيير ويبي يريح المدام
من بداية رمضان كان تخطيطنا اننا كل اسبوع نروح نفطر برا البيت
مره الحساب على مره على المدام
وكان اول مطعم اتفقنا نروح عليه هو مطعم الشرفة - في طريق خريص
ليش اخترت مطعم الشرفة
في البداية كان لي ذكريات حلوه فيه مع المدام اول مافتحوا هذا المطعم وسبق لي تجربته وكان هو اول مطعم جاء على بالي
المهم مالكم في الطويلة وصلنا لمطعم الشرفة قبل اذان المغرب بنص ساعه تقريبا ماكان فيه ذيك الزحمه
النظام عندهم اوبن بوفيه للآفطار الرمضاني
الشخص ب ريال الاطفال من تحت سن سنوات مجاناً
عند دخولنا للمطعم خيرونا بين جلستين داخليه وخارجية طبعاً اخترت الخارجية بحكم قربها من البوفية
لا امزح بحكم انها جلسه مفتوحة ووسيعه بعكس الداخلية تحسها مكتومه
ووجود شلال بجانب الجلسة معطيه الجو شوية برودة
وتعرفون جو الرياض شوية حر
اليكم الصور :
صور الجلسات الخارجية اول مادخلنا
وهنا صور الشلالات اللي على بجانب الطاولات الخارجية
وهنا صور الطاولات الخارجية واللي اخترتها
اول ماوصلنا حصلنا هذه الزمزمية مع التمر تعتبر من التقديمات للزبون
وهذي صور فوانيس رمضانية كانو معلقينه في السقف
وهذا طفل صغير يطل علينا من الجلسه اللي جنبنا وكانت الكاميرا بيدي وعلى طول
تشك
الله يحفظة
قبل الاذن بربع ساعه بديت اسمع صوت حركة برا وازعاج شوي طلعت الا العالم زحمه عند البوفية
مشكلة البوفية ان الممر المودي لها شوي ضيق وصارت زحمه وحوادث فيه ماتسمع الاصوت الصحون المتكسره
خصوصا ان الجلسات العلوية والجلسات الداخلية والجلسات الخارجية كلهم ينزلون للبوفية بنفس الوقت
وفيه ناس تشيل صحونها وفي ناس ملقوفة تتطالع في صحون العالم اللي خارجة من البوفية مما يسبب الفهاوة واصتدام بصحون بالاخرين
هذي ترامس فيها ثلاث انواع من العصير توت وبرتقال وليمون بالنعناع
وهنا ابريق الشاهي طلبته بعد الفطور
بالامانة التقييم للمطعم
الخدمة : 8/10
الطعام : 8/10
النظافة :5/10
السعر : 10/10
انشالله ان التقرير اعجبكم