- 4-أقرب مطار سالزبورج يبعد ساعه تقريبا أو ميونخ يبعد ساعتين
السلام عليكم يا حلوين يا أنتم يا أعضاء منتدى العرب المسافرون
مشاركتي اليوم عن قريه زل أم سي
وهي قريه تستحق الزياره فعلا
ويسميها الشعب النمساوي جنه الله في الأرض ...... وأنا أشهد أنها جنه الله بالأرض
وهذي بعض الصور طبعا بعدسه أخوكم يا حلو يا أنا........... الله يعطيني العافيه
الصوره الأولى صور لجبال الألب الشاهقه من قريه زل أم سي
وهي سلسله من الجبال تمتد بين كل من النمسا+ألمانيا+سويسرا+إيطاليا+فرنسا
وهذي صوره من بحيره اللي تطل عليها زل أم سي وكم قريه مجاوره
تقدر تأجر قارب فيها وتأكل الوز وفيها على جنبات البحيره كراسي تقعد فيها وتفكر على راحتك والعاب للصغار ويطل على البحيره كثير من الفنادق وأهمها قراند هوتيل
وهذي الصوره في إحدى محطات التلفريك وتبدو من الخلف قريه زل أم سي والبحيره
وهذا التلفريك فيه 3 محطات اجباريه للتوقف مع استراحات حتى بلوغ قمه الجبل والتزلج على الثلج في شهر أغسطس ويوليو ........ يا سلام
ملاحظه : ترى مو برد واجد بلوفر يكفيك وانه تتزلج ولا يمكن تعرق بعد ويفتح من الصبح ويسكر 4 مساء
وفيه بالقمه مكان تأجر فيه معدات التزلج ليوم كامل ومطاعم وكافيهات ترد الروح
وهذي الصوره بدايه الثلج وأنا طالع للقمه
وهذا صوره بدايه مكان للتزلج
وهذي صوره لقمه من سلسله الجبال في قريه زل أم سي ترتفع أكثر من 4000 قدم واو
وهذا صوره نهر جاي من الشلال في مكان يبعد عن زل أم سي 60 كيلومتر وفيه مطعم وإستراحه
شي مو طبيعي
وهذا صوره الشلال
وتقدر تصعد للشلال للقمه وتشوف هدير الماي عبر ممر مخصص للمشي مسافته 3 كيلومتر تقريبا
وعلى فكره ماء هذا الشلال من ذوبان الثلج
صوره ولا أروع من قمه قريبه لزل أم سي تصعدلها بالتلفريك وتنزل من هذا الإرتفاع اللي شايفينه بالصوره لين تحت بواسطه زلاجات فيها بريكات مسافه تقريبا2.5كيلومتر
وتمر داخل انفاق وتقدر توصل سرعه الزلاجه أكثر من 60 كيلو متر بالساعه.......... مغامره ولا أروع منها
ملاحظاتي على زل أم سي:1- لابد من وجود سياره للتاجير وذلك لتوفير المال لانها قليله التاكسي والمواصلات غاليه
وبعدين اذا عندك سياره ماتسكن بزل أم سي اسكن بعيد شويه بمسافه 2 كيلو عنها تلقا فرق بالاسعار
يعني أنا اول ماجيت سكنت بفندق نيو بوست هوتيل غرفه للشخصين 120 يورو وبعدها طلعت بشقه مؤثثه تتكون منغرفتين وصاله احسن من الفندق وراقيه اليوم 80 يورو وأفضل الشقق في منطقه الكابرون وتبعد عن زل أم سي 6 كيلو متر
وفيها العديد من الشقق والفنادق أرخص وأحسن ومنطقه فيها بعد سوق صغير أحسن من زل أم سي في رأيي
2-هدوء المنطقه يعطيك الشعور براحه تامه وتشعر حقيقا أنك مسافر و لا تطول أكثر من أسبوع في زل أم سي لأنها بعد جذيه راح تمل منها روح غير منطقتك
3-أخذ البروشرات من الفنادق أو أنك تستعلم من إنفرميشن سنتر يعطونك كل التفاصيل وتقدر تحجز تاكسي قطار فنادق أماكن سياحيه............الخ
4-أقرب مطار سالزبورج يبعد ساعه تقريبا أو ميونخ يبعد ساعتين
وأنا أفضل ميونخ لأنه مطار عالمي وتحط فيه أغلب الخطوط وتقدر تأجر سياره أرخص...... على سبيل المثال أنا أجرت جيب فولكس واجن طوارق لمده أسبوع 400يورو مع نفيجيشن أوربي بينما في مطار سالزبورغ 650 يور .............. أعتقد فيه فرق واضح
4- عمل جدول بعد مغيب الشمس حتى ما تتملل لانه بعد الساعه 6 مساء يصكر كل شي ......... يعني روح مطعم ألعب بريالدو تمشى شوي تمشى بالليل على البحيره سو أي شي ونام بكير لانه قومه الصبح لها طعم خاص بزل أم سي ونكهه مو طبيعيه
وهذي ملاحظاتي الشخصيه وأرجو أني ما ثقلت عليكم
وشكرا
يا حلوين يا أنتم يا أعضاء منتدى العرب المسافرين
أخوكم يا حلو يا أنا :x1:
ماشاءالله عليك الموضوع جميل جداً ... الصور معطيه طابع حلو للتعليق والتعليق معطي طابع أجمل للصور ...
ملاحظات يجب أن تأخذ بالأعتبار ....
ولو سمحتلي بنقل الصور للسيرفر عندنا علشان ماتضيع بموقع جيران ويفقد الموضوع جماليته ...
تحية وتقدير لك اخوي وللجميع