- كل تأخيره وفيها خيره ,,,,,
بسم الله الرحمن الرحيم
السلام عليكم ورحمة الله وبركاته
ما دفعني لكتابت هذا الموضوع (مع العلم أن عدد مشاركاتي قبل هذا الموضوع صفر مكعب يعني هذا أول موضوع لي ) ..
الذي دفعني لكتابة هذا الموضوع الذي يشهد الله على أنني كنت مقرر من قبل السفره إني راح أصور
وأسجل ملاحظاتي وأنقلها لكم ك نوع من رد الجميل والشكر من بعد الله لكم أيها الأعضاء الكرام ودفعني
أيضاً روحكم المرحه ( الفلّه ) وتجاوبكم مع الاعضاء ( مع العلم أن أغلب الي يسجلون يضعون مواضيع أسأله واستفسارات وبعد ما يأخذ حاجته ما عاد ينشاف مره ثانيه )
وأنا كنت من المتابعين للمنتدى لكن دون عضويه , فقررت إني لابد أن أحاول رد لو بعض الجميل لكم أيها الأحبه .. ..
في يوم الأحد الموافق 3 / 7 / 1429 ه
كنا مجتمعين أنا و2 من عيال خالتي , يعني كلنا 3 شباب
في د . كيف شارع الأحساء بعد صلاة العشاء , ومن ضمن سواليفنا أن واحد من الشباب (( كلهم 2 وانت الثالث من كثركم يعني ! ))
واحد من الشباب بخاطره يسافر قبل لا تبدأ دورة الحاسب حقته بالصيف , طبعاً هو خريج أو باقيله 10 ساعات ويتخرج بكلوريوس برمجة حاسب من جامعة الملك سعود , والثاني موظف حكومي
وأنا أدرس قانون بجامعة الملك سعود ...
(( بجيب قصة حياتنا ألحين بس أصبروا علي شوي ))
(( صبروا علي ترا سوالفي واجد والصور أكثر وأكثر وأحب أذكر كل شي بالتفصيل الممل ))
المهم الولد ودّه يسافر بأي حال من الأحوال , حتى إحنا بخاطرنا نسافر وقدّر الله أننا نخطط على السفر
للمنطقة الشرقية بكرا ( الي هو يوم الإثنين ) ... واتفقنا نتواعد عند بيتي بحكم أنه أقرب شي للشرقيه
والله ويوم صارت الساعه 5 العصر ويجي خوينا راعي السياره (( طبعاً راعي السياره هو نفسه الي ودّه يسافر خ قلنا له إذا تبي نسافر نطلع بسيارتك :d استغلاليين ))
ويطلع أبو الشباب ويجي عندي للبيت ونجلس ننتظر خوينا الثالث ( الموظف الحكومي )
حتى الساعه 6,30 يعني تخيلوا ساعه ونص !! بس الحمد لله قلنا إن شاء الله خيره وعلى قولتهم
كل تأخيره وفيها خيره ,,,,,
طبعاً هذي كانت بداية الطلعه وبإذن الله راح يكون فيه الكثير من القصص والمغامرات الفله و المدعومه بالصور وبعض مقاطع الفديو :P راح أوريكم بإذن الله لقطات حلوه للبحر وللكورنيش وبعد راح أوريكم صور للمطاعم الي أكلنا فيها والشقه الي قصتها قصه وسالفتها شيقه جداً , وبعد بقولكم وبوريكم الطبخ الي طبخناه في شاطئ نصف القمر ولعب الشباب بألعاب الأطفال , وجسر الملك فهد الي بين البحرين والسعوديه وأيضاً الجزيرة الي بوسطها الجمارك ومطعم الجسر والصدمه الكبيره , وسباحة الشباب في البحر وكيف صاروا أصدقاء لسمك القرش
وياهلاوالله وغلافيك
ومتابعين معك للاخر باذن الله
اخوك ابوجوري