1. سوس جاردن رسيدنسس


2. تحية طيبة لكم اعضاء المنتدى الرائع

سوس جاردن رسيدنسس

تحية طيبة لكم اعضاء المنتدى الرائع

رحلتي الى كوالالمبور كان لها اكثر من اعتبار اولا المدة القصيرة اسبوع واحد فقط ثانياً وجود الاولاد معي واكبرهم بعمر 6 سنوات والصغيرة سنتين يعني لا مجال للتنقلات الكثيرة وتعب السفر هنا مضاعف والمدة قصيرة ووجود الاولاد يضيف مسئولية ترفيههم بشكل مكثف خاصة وانها اول سفره لهم خارج المملكة
عموما اصبحت الرحلة تقريبا بشكل كامل في كوالا والتنقل الى امكان الترفيه والعوده بنفس اليوم ونحتاج فندق يكون عبارة عن شقه وسعرها معقول وكان اقتراح المشرفين فندق سويس قاردن ريسيدنسس التابع لسويس قاردن اوتيل
اول يوم وصلة للفندق الساعة تقريبا 4 العصر وعملة الشيك ان وطلب مني موظف الاستقبال ( هندي ) الانتظار لان الغرفة ليست جاهزة الان ، طبعا هذا العيب قراة عنه في موقع بوكنج لكن كان حالات فردية ولكن العيب كان راكز في راسي وخايف يكون صحيح لان الي ذكر هذا العيب تكلم عن انتظار ساعات لتجهيز الغرفة ، المهم قاللي موظف الاستقبال ( الهندي ) انتظار الين نجهز لك الغرفة وانتظرت ، ساعة ، ما صار شي ، قالو دقيق ممكن نص ساعة وانتظار وساعة ثانية ما صار شي المهم وانا اتردد عليهم كل شوي عشان يطفشون ويعطوني الغرفة وابي منكم تتخيلون المنظر انا مسافر من القصيم الساعة 7 المغرب من امس ولا وصلت عند الفندق الا الساعة 4 العصر من ثاني يوم يعني لي 16 ساعة وقبلها ساعتين انتظار في مطار القصيم يعني 18 ساعة خارج السكن ومعك اطفال عمر سنتين واربع سنوات والكبير 6 سنوات ومعك مراة تخيل الوضع وعيالي نايمين باللوبي المهم اخر شي جت وحدة اجنبية من العرق الاوروبي الفاخر ومعها عائلتها زنوج وقفت عن الاستقبال واسمعها تقول انا عندي حجز شقة بريمير غرفتين نوم - نفس شقتي بالضبط قلت لا اصبر اجل بشوف يعطيها المفتاح ولا لا لان كثير الي شفتها استلموا شققه على طول لكن قلت ممكن نوع الغرففة مختلف ممكن جايين من زمان وراحوا ورجعوا ياخذون غرفهم ،، المهم الا اشوف الهندي اعطاها مفتاح الغرفة ،، وانا طلع قدامي عشرين عفريت رحت للهندي وقلت له غرفتي جاهزة ؟؟؟؟؟ قال لا - قلت طيب لا ليش وش السبب انت الحين معطي الى قبل شوي مفتاح الشقة وهي نفس شقتي ؟؟ ارتبك شوي وقال لا انوع الغرف تحتلف كل موقع غير والفيو غير يستلكع ابو هنود ، قلت طيب انا ما راح انتظر شف حل لا تتفلسف ، قال شف انا بعطيك شقة اصغر عشان تستريح فيها الي اجهز لك الشقة حقتك خلال نص ساعة قلت اوكية اي حل مو مشكلة ، اعطاني شقة غرفة وحدة وطلعت ارتحت فيها تقريبا بعد 3 ساعات اخذت شقتي الي طلع الف سبب عشان ما تكون جاهزة مرة التنظيف ومرة صيانة ومرة الكهرب
الشي الثاني اخذت الشقة وانواع التعذيب في طلب الخدمات يعني والله اطلب الشيء وانا يأس انه يجي ولو جاء الشي الي انا طالبه تغمرني سعادة كبيرة جداً يعني فرحة الفوز بجائزة
الشي الثالث طلبت مرة اكل من المطعم وصل الطلب اتصل على الاستقبال وقالي انت طالب اكل ؟؟ قلت ايه ،، قال اجل انزل خذه من تحت ،، قلت انا الحين لابس ملابس النوم وصعب انزل افضل هو يطلع فوق ، قال اقولك لازم انت تنزل تحت تاخذه ، طبعا الحوار كان بالانجلش واستخدم ه عبارات امر يعني قاللي يو هاف تو كام دون ت تيك يور اوردر ، طبعا يو هاف تو هذي صيغة امر يعني كان ممكن يقول اي ام سوري بت يو هاف تو او نظام الفندق انه ما يطلع افضل انك انت تنزل يعني عبارة ادب لكن هندي وهندوسي يعبد الحيوانات وش تتوقع منه ؟؟
المهم ونفس الكأن هذا العيال ضيعو البطاقة حقت الفندق دورت شوي ما لقيتها قلت عادي انزل اطلب ثانية زي اي فندق بالعالم تفاجأت هذا الكأن يتكلم معي باسلوب هواش ليش تضيع الكرت ، خلا ص انا راح اشرجك عشان الكرت الي ضيعته ، قلت ليش ؟ قال حنا معطينك اياه ليش تضيعه ، قلت عادي قطعت بلاستك ضاعت عطني غيرها ، المهم الكأن هذا رفض الا بالضريبة او الغرامة قلت اوكي يعني انت تعاقب الزباين ؟؟ قال هذا النظام ، قلت اوكي النظام عطني اياها وان شاء الله خير احسب الغرامة ، عطان الكرت ، وثاني يوم لقيت الكرت الاول ونزلت للاستفبال وكان في بنت صينية واستغربت من حكاية الغرامة وقالت تبي ترقع لزميلها صح بس ما دامك لقيت الكرت الاول خلاص احتفظ بالكرتين ولا في غرامة ولا شي بس لو ضاع ممكن في غرامة ، طبعا الكأن الاول هذا قالي اصلا ما نعطيك اكثر من كرت واحد وهذي تقول خلي الكرتين معك شف التناقض وقبل بيوم كان في واحد هندي نزيل عندهم ومسلم هزاء الهندي حق الاستقبال عشان الكرت حقه ما يشتغل دايم يوقف ،، رد عليه حق الاستقبال قال المشكلة انك انت ماخذ كرت واحد بس المفروض معك اثنين ، ونفس الهندي هذا حق الاستقبال جيته مره قلت ابي كرت ثاني واحد لي وواحد لزوجتي ورفض قال اصلا ما نعطيك الا كرت واحد بس
واخر موقف حصل مع الهاوس كيبنج طلبت مكواة قالوا الفندق يقدم المكواة للزباين وتلقاها بالدولاب قلت اوكيه بدورها وارجع لكم ، دورت ما لقيت سوى الطاولة حقت الكوي ، اتصلت عليهم قالت خلاص نرسلك اياها شوي وانا كنت مستعجل وانتظرت ما وصل شي اتصلت وقلت لها انا مستعجل ابي اطلع افطر وابي اكوي ملابسي قلت خلاص بناخذ عليك غرامة لان المفروض ان في مكواة بالشقة ؟؟؟ يعني ممكن الفندق يقدم ماء للاستحمام واذا انقطع الماء تدفع غرامة ليش مافي موية ؟؟
المهم فندق غريب بصراحة انا والله قلت لهم ليش تسون كذا انتم ممكن هذا برنامج الكاميرا الخفية ؟؟
بس من تعاملي مع الناس في ماليزيا عرفت ان الوضع كذا من الهنود ضد العرب واحياناً من الصينيين بعد في كره غريب وفي كمية استعباط واستهبال غريب ولي تقرير عنها قريباً