- ثاني يوم
- ثالث يوم :
- اليوم الرابع
- اليوم الخامس
- سادس يوم
- اليوم السابع
بسم الله الرحمن الرحيم
السلام عليكم ورحمة الله و بركاته و اسعد الله أيامكم بكل حير
في أول تقرير لي في المنتدى سأشارككم يوميات رحلتي لباريس و التي استمرت لمدة 7 أيام و إن شاء الله التقرير يفيدكم
لأني سافرت مع العائلة (زوجتي و 6 عيال أصغرهم عنده 4 سنوات و أكبرهم 15 سنة) قررت أني أخذ بنصيحة الأهل الي سبقوني و راحوا لباريس بأني استأجر سيارة مع سائق لأن عددنا كبير و في أولاد صغار.
المهم تكلمت مع السائق الي رافق أقاربي و أخدت رقم الشركة و كلمتهم و اتفقت معهم على معاد الرحلة و قلتله على بعض الأماكن نصحني فيها الأهل و طلبت منه هو يختار لنا كم مكان يكونوا مناسبين. سالني اذا كنت ابغى مساعدة بحجز الفندق بس انا كنت حجزت خلاص. فطلب مني اسم الفندق عشان يحجزون للسائق في فندق قريب من فندقنا. الشي المميز بهذي الشركة انهم يوفرون لك جوال بخط فرنسي عشان تقدر تتواصل مع السائق أثناء رحلتك .. اسم الشركة كان AYA Tours وهما طلبوا مني أني أحجز عن طريق موقع يقدم عروض شركتهم اسمهcheckeurotour.com . لمن دخلت الموقع لقيت عروض كمان من شركات ثانية الفروق في الأسعار كانت بسيطة بس الشركة الي انا كنت مختارها من الأول كانت الأرخص الحمد لله.
حجزنا كان بفندق warwick الفندق سعره غالي شوي بس بشكل عام ممتاز من ناحية الخدمة و الموقع لأنه قريب جدا من شارع الشانزلزيه..
اول يوم وصلنا , السائق كان في انتظارنا و طلعنا على الفندق مباشرة نرتاح من السفر و ابتدى برنامجنا من ثاني يوم
ثاني يوم
طلعنا من الفندق في الصباح و رحنا على برج ايفيل .. زيارة البرج كانت رحلة موفقة جدا و الاولاد انبسطوا و المناظر كانت رائعة يمكن المشكلة الوحيدة في طابور التذاكر و هذي المشكلة كنا نواجهها في أغلب الأماكن هناك. عرفنا هناك انه في إمكانية نطلع البرج بالسلم بس حنا أكيد طلعنا بالمصعد .. الحديقة المحيطة بالبرج رائعة و خصوصا للي عنده أولاد يلعبون فيها شوي و كمان فيها رسامين يرسمون كاركتير و بورتريهات و اشياء زي كده..
بعدها رحنا اتغدينا في مطعم عربي نصحنا فيه السائق .. المطعم كان اكله زين و اسعاره جداً مناسبة للأسف ما أتذكر أسمه بس هو مطعم شامي و معروف.
بعدها رحنا الشانزلزيه نتشمى شوي .. المميز بالشارع الفقرات و العروض البهلاونية و غيرها من فنون الرسم و الموسيقى الي يتم تقديمها في الشارع فعلا رائعة و تستحق المشاهدة و حنا راجعين اقترح علينا السائق نمر مرة ثانية على البرج نشوفه و هو منور و كان فعلا منظر فوق الخيال .. العرض استمر تقريبا لمدة عشر دقايق او اقل شوي
و حنا مروحين مرينا على arc de triomphe و اخذنا كام صورة و وروحنا على الفندق ...
ثالث يوم :
صحينا و خلصنا فطورنا على الساعة 9 و نص و طلعنا بعدها على متحف اللوفر قعدنا 3 ساعات او اقل شوية طبعا الأطفال مشكلة في رحلة زي كذا بس ما كان يصير نروح باريس و مانشوف الموناليزاز ..
خلصنا على 12 و نص تقريبا و السواق كان مستنينا و رحنا اتغدينا في نفس المطع الشامي بعدها اتمشينا شوي بوسط البلد و رحنا ل Hotel de Ville المبني كان اكثر من رائع و معماره تحفة بس للاسف ما طولنا لانه ولدي تعب شوي فرجعنا اتمشينا بالسيارة على الكورنيش و رجعنا بعدها للفندق
اليوم الرابع
الحمد لله ولدي تحسن و قدرنا نكمل برنامجنا و رحنا ديزي لاند .. طلعنا من الفندق 9 تقريبا و في 45 دقيقة و صلنا .
التذكرة بسبعين يورو للفردر وللاسف الطبور كان جدا طويل اول شي في الباركينج و بعدها في التذاكر تقريبا 40 دقيقة و حنا واقفين منتظرين و عرفت بعدها انه كان ممكن اشتري التيكتس قبلها من الفندق و كنا ما اضطرينا نستنا... عساه خير
دخلنا المدينة هي مقسمة لقسمين واحد للكبار وواحد للصغار .. دخلنا قسم العاب الصغار و الحمد لله الاولاد انبسطوا جدا هناك و ركبنا الطفطف لف بينا المدينة و مرينا على الاقسام المختلفة للالعاب بالمدينة. الحلو بديزيني لاند انك تشتري بس التذكرة بره و ما تدفع اي شي جوه المدينة بس تظل مشكلة الطوابير هي الشي الوحيد الي ازعجنا .. اتغدينا و جلسنا هناك لين الساعة 12 في الليل عشان العرض الي يقدمونه بالليل .. طبعا العرض كان بالانجليزي بس مع ذلك الاولاد استمتعوا جدا بالعرض .. العرض رائع و يستخدمون فيه أنوار و مويه عيبه الوحيد انه متأخر بس يستاهل صراحة.. و في اليوم هذا السائق فضل معانا طول اليوم الله يجزاه خير و ما دفعنا اي شي زيادة و طبعا السيارة هنا كانت ميزة ممتازة عشان تاخير الوقت...
اليوم الخامس
خامس يوم كنا كتير تعبانين من سهرة انبارح طلعنا من الفندق على عشرة و نص تقريبا و رحنا على برج نوتردام اتصورنا هناك و اتفرجنا على الكنيسة الجميلة و السائق قلنا معلومة ان قصة الاميرة و الوحش كانت تدور احداثها في نفس المكان على الساعة اثنين رحنا ركبنا المركب في النهر .. استنينا تقريبا نص ساعة لين وصل المركب .. مرينا على معالم كثيرة كان زرنا أعلبها مثل برج ايفيل و برج روتردام و متخف اللوفر .. خلال الرحلة كان في معلومات يتم شرحها عن الاماكن الي نمر عليها و عن تاريخ باريس بشكل عام بالانجليزي
بعدها اتغدينا في مطعم باستا قريب و مرينا على اكبرمسجد في باريس ما شاء الله كبير ومعمار المسجد وزخارفه كانت جدا رائعة .. وقت خلصنا كانت الساعة 6 و نص تقريبا رجعنا الاوتيل و في الليل نزلنا اتمشينا شوي في الشانزلزيه.
سادس يوم
طلعنا في الصباح و رحنا على Arc de la Defense او قوس الدفاع .. المبنى كان رائع و الساحة فيها تصاميم و مجسمات رائعة و جميلة .. و هناك مرينا على Grande Archeهو مبني مربع و صاير مقابل قوس النصر .. في اعلى المبني في مطل و كان المنظر من فوق روعة صراحة و كمان زرنا معرض للحسابات القديمة بنفس المبنى ...
مشينا من هناك على الساعة 12 و رحنا على كنيسة sacre- coeur و طلعنا برج الكنيسة و من هناك المنظر كان جميل و تقدر تشوف باريس كلها من برج الكنيسة لان الكنيسة على جبل بس ما اتذكر اسمه
على الساعة اتنين مشينا من هناك على Musée Grévin وهو متحف تماثيل شمع للمشاهير اتصورنا و جلسنا شوي و مشينا على الساعة 4 و بعدين رحنا ناكل بمطعم لبناني ثاني غير الاول الي كن نزروه باول الرحلة بس كمان جدا ممتاز
بعدها رجعنا على الفندق نستريح شوي و على الساعة 7 ونص رحنا على على بلاس دي لا كونكوردا و هو الميدان المشهور الي فيه المسلة الفرعونية.
اليوم السابع
زرنا مدينة france miniature و هي مدينة مصغرة من باريس تسمحلك مرة ثانية انك تشوف المعالم الي ممكن تكون ما زرتها على شكل أصغر سعر التذكرة كان 14 يورو للفرد. جلسنا لين الواحدة و مشينا و رحنا اتسوقنا من outlet كان جنب المدينة و جلسنا هناك لين سبعة و روحنا حضرنا أغراضنا و سافرنا تاني في الصباح .
الرحلة كانت جدا ممتعة و باريس مدينة جميلة و سواء كنت مع العائلة أو الأصدقاء تقدر تلاقي أماكن مناسبة و تنبسط هناك .. السيارة و السائق سهلوا علينا كثير من حيث الراحة و سرعة التنقل خصوصا لو مع عائلتك و ما تعرف للأماكن زين .. والحمد لله السائق كان جدا خلوق و متعاون و اتأخر معنا اكثر من مرة من غير أي مشاكل أو زيادة في التكاليف. أتمنى أني أكرر الرحلة في المستقبل ان شاء الله و أتمنى تقريري يكون عجبكم و تستفيدوا منه
يعطيك الف عافيه على هالتقرير
خفيف وفيه معلومات والاهم اانكم عائله باطفال وكثير يسال عن النشاطات اللي ممكن يسويها الواحد مع اطفاله
ي ليت تذكر قيمة السائق لان فيه ناس تسال عليها والمعروف ان اسعارهم مرتفعه جدا
واكيد خدماتهم ممتازه وتوفر لك كل شيء بس احيانا السعر يفرق
وانتوا تكونوا متفقين معه على وقت ويكون ينتظركم تحت او تدقون عليه قبل تطلعون ؟
وشكرا مره ثانيه اخوي