1. طريقه الذهاب من مانيلا الى شلالات بقسن هاند .

بسم الله الرحمن الرحيم .... أما بعداليوم ابي اخذكم في جوله الى شلالات بقسن هاند ... لاقونا

طريقه الذهاب من مانيلا الى شلالات بقسن هاند .

1. تأخذ تكسي وقول له يوديك باصات (green star) النجم الاخضر وطبعا راح ينزلك عندالباصات واذا وصلت هناك تحصل باصات واجد اسأل اي واحد من الموظفين وقول ابي الباص اللي يودي الى لاقونا سنتا كروس .. وللتوضيح لاقونا اقليم وسنتا كروس محافضه او قريه في اقليم لاقونا ...
2.انت حاليا اكيد بتكون في الباص سعر التذكره للشخص الواحد حوالي 13 ريال ذهاب فقط .. وطبعا الباصات جميعها مكيفه وبها تلفزيون وخدمه ال wifi .... وسنتا كروس تبعد 102 كم عن مانيلا لأخفيكم جمال المناظر والطبيعه وانت في الطريق .
3.بعد مشوار يدوم ساعه ونص الى ساعتين وانت في احظان الطبيعه ع حسب الزحمه سوف تكون في سنتا كروس .
4. بعد ماتنزل من الباص خذ اي جبني او الدباب ابو ثلاث كفرات لان في سنتا كروس لايوجد تاكسي وقول له يوديك الى بقسن هاند ,وهناك راح تحصل مجموعه كثيره من الابوات اللي توديك للشلال .
ذولي اللي جذفوا فينا
طريق العوده :-
1.خذ اي دباب وقول له يوديك ع محطه الباصات اللي تودي الى مانيلا .
2. اذا وصلت محطه الباصات شوف الباص اللي يودي الى مانيلا محطه مكاتي اذا كنت من سكان مكاتي.
مجموعه نقاط مهمه :-
1. اقصى حد انك تطلع من مانيلا الساعه 9 صباحا .
2.خذ معك غيار بديل لأن ملابسك راح تتبلل واهم شي خلي كل اغراضك الخاصه من جوال وغيره في صندوق الامانات عند البوت اللي تأجر منه .
3. اذا كنت ممن يذهب اليها في الصباح ويرجع المغرب ... اخر باص يحرك من سنتا كروس الى مانيلا الساعه السابعه مساءا.
4. لايفوتكم الدخول تحت الشلال الكبير ومساج طبيعي والله اللي ماجرب الدخول تحت الشلال انا اسميه ماراح للشلالات . وللمعلوميه البوت الثاني اللي يدخلك تحت الشلال مجانا لاتدفع لهم شي شامل نفس السعر اللي دفعته للبوت الاول .
5. المنطقه الحيويه في سنتا كروس هي (كالمبا) حيث يوجد بها مطعم ماكدونالز و السوق الشعبي .
6.ايضا يمكنك الذاهاب اليها عن طريق التكسي وياخذ عليك 3000بيسو رايح بس . للي مايحب الباصات .... بس بالنسبه لي ك مجرب انا افضل الباص للتنقلات البعيده في الفلبين احسه اسرع من التكسي .
6. حاول انك تاخذ شباب اللي يجذفوا فيك وابعد عن الشياب .