- بداية رحلتي من الرياض إلى باريس بتاريخ 5-4-2006
بعد التحية والسلام :بداية رحلتي من الرياض إلى باريس بتاريخ 5-4-2006
اقلاعي من مطار الرياض الساعة الثالثة صباحاً وصولاً إلى مطار باريس 12 ظهراً طبعاً اخوكم حريص رايح مطار الرياض الساعة 12.15 خايف تروح عليه الرحله ...........
نزلت مطار باريس وكان الجو بارد جداً وكالعادة اهم ماعلي الجوازات والمدام مسحبها وراي كل واحد منا مواصل ودايخ مو شي غريب على البدر التفت يمين ولقيت عائلة اعرفهم حاولت اتلطم بالشماغ ولكن للأسف مافيه شماغ وقفت في المطار سلام وعليكم السلام الف مبروك للمدام طبعاً انا واقف مالي دخل في الموضوع .........
وبعد ذلك اتجهت لأخذ الشنط واللي يشفونا يقول هذا عفش مطلقه من كبر الشناط ......
وبعد ذلك ركبت التاكسي وذهبت لفندق كونكورد دخلت وانا مره دايخ يالله اكلم الرسيبشن وكان الفندق جيد لا بأس به ولكن موقعه بعيد شوي عن الشانز طبعاً نوم إلى الساعة 5 م وصحيت وانا مروق ولله الحمد وافك الريق على كافيه انا والمدام ومن ثم الذهاب للشانز وخذلك ياسواليف في الخط تمشيت في الشانز ماخليت ولا محل في الشانز الا ودخلته حتى الصيدليات طبعاً ( ملقوف وفاهم في نفس الوقت ) طبعاً كانت التمشيات إلى الساعة 10 م ومن ثم العودة إلى نفس الفندق .
اليوم التالي ذهبت اول الصباح مروراً بالشانز إلى برج ايفيل بالتاكسي ونزلت عند البرج والله لا يوريك من العالم والمنظر الرائع طبعاً البدر كالعادة لازم يسوي اكشن بالصور وخذلك ياصور جلست هناك مايقارب الساعتين ومن ثم توجهت للشانز عن طريق التاكسي ذهبت الى روما كافيه كان موقعه على الشانز ومره حلو وآخذلك انا والمدام قهوه ومن ثم توجهنا إلى الغداء وكان ذلك على الشانز في مطعم بيتزا بينو وكانت البيتزا رائعة جداً جداً ......
وبعد ذلك رجعت للفندق واخذت ساعة نوم واكملت جولتي المسائية بنفس المنوال .
اليوم الثالث توجهت للمطار وعن طريق الطيران الفرنسي وكان الساعة 11ص وتوجهة إلى مدريد وسوف اكتب التفاصيل في قسم اسبانيا .
خالص التحية والشكر للجميع واعذروني على الإطالة والتقصير وأي سؤال انا في الخدمه .
https://artravelers.com
بس ترى الفندق روعه وليس بعيد ولكن ليس قريب
والف شكر لك