1. هذا تقرير رحلتي للمغرب العربي البسيط بالنسبة لتقارير الاعضاء


2. المهم

بسم الله الرحمن الرحيم
وعلى بركه الله
السلام عليكم ورحمه الله وبركاته
هلا بجميع أعضاء وزوار موقع المسافرون العرب من كل دول العالم

هذا تقرير رحلتي للمغرب العربي البسيط بالنسبة لتقارير الاعضاء

والله هذا أول تقرير اكتبه في حياتي عن سفره للسياحة (وسامحوني لجهلي في سرد الموضوع) وهذا الفضل يعود لله سبحانه ثم لكم أعضاء بوابة السفر إلى المغرب بدون استثناء
كانت بداية التخطيط في رمضان 1429ه في ثاني يوم أو ثالث من رمضان كنت في كافي وشفته بالصدفة ومع الكلام وين بتروح في العيد قلت له بروح المغرب طير عيونه وجلس دقيقه ساكت قلت له وش فيك قال انت ومين قلت لحالي قال عادي أروح معاك قلت له تشرفني والله واتفقنا على كل شي وعلى موعد السفر وصار كل يوم يدق علي ويسأل كل واحد من أصدقائه راح المغرب وين وين احسن الأماكن وكل ما يقول له أحد شي يدق علي ويقول لي وانا أقول له ما عليك خلي كل شي عندي وانا أسوى كل شي

المهم

قدمنا على إجازة من الدوام تكون أول يوم من بعد العيد في 10/10/1429ه وتمت الموافقة مع صديقي المهم قررنا في يوم 24/9 نروح المكتب عشان نحجز وفي نفس اليوم صاحي بدري واطلع اشتري حلويات ومعجنات للبيت على غير العادة والآهل مستغربين بس كان يوم نشيط ولا تحس فيه بجوع وعطش الصيام المهم بعد الفطور طلعت غرفتي اجيب جوازي وهنا كانت المصيبة دورت كل مكان في غرفتي ولا فيه فأيده سئلت البيت كله ولا أحد يدري وينه دقيت على جميع أصحابي اللي سافرت معهم ولا أحد يدري وينه
دق جوالي وهم صاحبي : وينك موجود بس أدور جوازي
قال اوكي انا بروح القهوة تعال هناك
دورت بالسيارة في كل مكان حتى غرفة الشغالة حتى ملابسي اللي بالغسيل مافي فايدة .
رحت له القهوة وقلت له . ورد علي وقال : افا
قلت له مليون افا
وانا بروح الجوازات بكره وأشوف في واحد اعرفه يمكن يطلع لي جواز جديد
قال طيب
وقال تعرف جواله دق عليه
دقيت وحصلت الجوال مقفل
ومن بكره رحت الجوازات أدور عليه قالوا لي انه في إجازة
يحول ايش المصيبة هذي
رحت لواحد وشرحت له وقال دور على جوازك احسن لك وقلت له ما اقدر اطلع جديد
قال مستحيل
قلت له انا اعرف فلان زميلك
قال ياخوي لازم تبلغ ولازم ولازم لان بالنظام تحرم من السفر
روح دور عليه احسن لك
دورت عليه ولا حصلته
وصار نظامي كل يوم أدور عليه
وجتني فكره
أسافر بجواز اخوي الكبير
في اختلاف بالشكل بسيط بس المشكلة عمره كبير
كلمت اخوي وقال انت مجنون وقلت له ما عليك لا تخاف ولو كفشوني انا أدبر كل شي